ពីនេះ ពីនោះ
តើ «បុព្វេសន្និវាស» មានន័យដូចម្តេច?
× បុព្វេសន្និវាស គឺសំដៅលើឧបនិស្ស័យ ដែលគូស្នេហ៍ណាមួយ បានកសាងជាមួយគ្នាតាំងពីបុព្វជាតិមក។ ពួកគេ ធ្លាប់បានរស់នៅជាមួយគ្នាជាប្តីប្រពន្ធ ក្នុងជាតិមុនៗ។
វចនានុក្រមសម្តេចព្រះសង្ឃរាជ ជួន ណាត បានពន្យល់យ៉ាងដូច្នេះថា៖«បុព្វេសន្និវាស ជាដំណើរធ្លាប់នៅរួមគ្នាក្នុងជាតិមុន គឺធ្លាប់ជាស្វាមីភរិយានៅរួមកិច្ចការសុខទុក្ខជាមួយគ្នាក្នុងជាតិមុនមក។ បុរសស្ត្រី ដែលមានបុព្វេសន្និវាស រមែងតែងចាប់ចិត្តប្រតិព័ទ្ធស្នេហារកគ្នាយ៉ាងមាំ ហើយតែងអធ្យាស្រ័យគ្នាជាដរាប»។
ពលរដ្ឋខ្មែរ តែងហៅបុរសស្ត្រី ដែលមានបុព្វេសន្និវាសជាមួយគ្នា ថាជាគូព្រេងនឹងគ្នា៕
Tag:
ពន្យល់ពាក្យ
បុព្វេសន្និវាស
© រក្សាសិទ្ធិដោយ thmeythmey.com