ពីនេះ ពីនោះ
ព័ត៍មានសុខភាព
គ្រាន់តែងូតទឹកក្តៅល្អដូចការហាត់ប្រាណដែរទេ?
× តើវាអាចទៅរួចទេដែលថា ការងូតទឹកក្តៅអាចរំលាយជាតិខ្លាញ់បានច្រើនដូចការដើរនោះ? វាអាចហៅបានថា ជាការដុតកម្តៅដោយប្រយោល។ អ្នកស្រាវជ្រាវនៅឯសាកលវិទ្យាល័យ Loughborough ក្នុងប្រទេសអង់គ្លេសបានរកឃើញថា បុរសដែលចំណាយពេលវេលាងូតទឹកក្តៅរយៈពេលយូរ មានការរំលាយជាតិខ្លាញ់ច្រើនដូចពួកគេដើរញ៉ាប់រយៈពេល ៣០នាទីដែរ ដែលអាចរំលាយជាតិខ្លាញ់រហូតដល់ ១៤០កាឡូរីឯណោះ។
តាមការស្រាវជ្រាវទៅលើកម្តៅបែបប្រយោលនេះគឺលឿនពេកហើយប៉ុន្តែវាមានអត្ថប្រយោជន៍ផ្សេងៗទៀតដូចជា៖
• បញ្ចុះជាតិស្ករបានតិចតួចតាមរយៈប្កើនសារធាតុជាច្រើនហៅថាប្រូតេអ៊ីនស្យុកក្តៅ
• បន្ថយការរលាក (អាចដោយសារតែវាជួយបន្ធូរភាពតានតឹងរបស់ខួរក្បាល)
• បញ្ចុះសម្ពាធឈាមបានពីរបីលេខដែរ តាមរយៈបង្កើនចំនួនណៃទ្រិចអុកស៊ីត ក្នុងរាងកាយ
• បន្ថយការប្រឈមនឹងជំងឺគាំងបេះដូង និងដាច់សរសៃឈាមខួរក្បាល
យ៉ាងណាមិញ អត្ថប្រយោជន៍នៃការហាត់ប្រាណអាចមានច្រើនជាងការងូតទឹកក្តៅ ដោយវាអាចជួយ៖
• រស់នៅមានអាយុវែង
• រក្សាទម្ងន់ឲ្យមានសុខភាពល្អ
• បញ្ចុះសម្ពាធឈាម និងកូឡេស្តេរ៉ុល
• បញ្ចុះជាតិស្ករក្នុងឈាម និងបង្ការជំងឺទឹកនោមផ្អែម
• បន្ថយការប្រឈមនឹងជំងឺមហារីកមួយចំនួនរួមទាំងមហារីកសុដន់ ពោះវៀនធំ សួត និងស្បូនផងដែរ
• ពង្រឹងដល់ភាពរឹងមាំរបស់ឆ្អឹងដើម្បីបង្ការជំងឺពុកឆ្អឹង
• បង្កើតសាច់ដុំកាន់តែរឹងមាំ
• រក្សាខួរក្បាលមានមុខងារកាន់តែខ្លាំង
• បង្ការការបាក់ទឹកចិត្ត
• ពង្រឹងដល់ការគេង
ការងូតទឹកក្តៅរយៈពេលយូរ អាចជារឿងល្អសម្រាប់អ្នកដែរ ប៉ុន្តែវាមិនមែនជាលេសដែលអ្នកត្រូវចៀសវាងការហាត់ប្រាណឡើយ។ ការធ្វើសកម្មភាពទៀងទាត់គឺជារឿងដែលមួយគត់ដែលល្អសម្រាប់សុខភាពរាងកាយ និងផ្លូវចិត្ត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com