ពីនេះ ពីនោះ
ព័ត៍មានសុខភាព
មានដឹងថាហេតុអ្វីបានជារាងកាយត្រូវការប្រូតេអ៊ីនដែរទេ?
× ប្រូតេអ៊ីនគឺជារបស់ដែលកំពុងតែរស់នៅក្នុងខ្លួនយើង ហើយវាក៏មិនត្រូវការសម្រាប់តែការហាត់ប្រាណមួយមុខឡើយ។ ប៉ុន្តែរាល់ទ្រឹស្តីទាំងអស់គឺសុទ្ធតែមានហេតុផលល្អៗសម្រាប់ប្រូតេអ៊ីន។ ប្រូតេអ៊ីនគឺជាជីវជាតិដ៏សំខាន់សម្រាប់សុខភាពមនុស្សយើង។
ប្រូតេអ៊ីនផ្តល់នូវការសាងសង់សម្រាប់ទប់ស្កាត់ក្នុងរាងកាយ ហើយក៏មិនត្រឹមតែសម្រាប់បង្កើតសាច់ដុំដែរ។ កោសិកានីមួយៗចាប់ពីឆ្អឹងទៅស្បែករហូតដល់សក់សុទ្ធតែមានប្រូតេអ៊ីនទាំងអស់។
អ្វីដែលគួរឲ្យភ្ញាក់ផ្អើលនៅគឺថា ១៥ភាគរយនៃទម្ងន់រាងកាយជាមធ្យមរបស់មនុស្សគឺបង្កើតឡើងដោយប្រូតេអ៊ីន។ ប្រូតេអ៊ីនត្រូវបានរាងកាយប្រើប្រាស់សម្រាប់លូតលាស់ សុខភាព និងជួសជុលអ្វីដែលខូចខាតក្នុងរាងកាយ។ អ័រម៉ូនទាំងអស់ អង់ទីគ័រ និងសារធាតុសំខាន់ៗផ្សេងទៀតសុទ្ធតែផ្ទុកទៅដោយប្រូតេអ៊ីន។ ប្រូតេអ៊ីនមិនត្រឹមតែត្រូវបានប្រើប្រាស់ដើម្បីរាងកាយបង្កើតថាមពលនោះទេបើសិនជាវាមិនចាំបាច់។ ប្រូតេអ៊ីនត្រូវបានបង្កើតឡើងដោយអាស៊ីតអាមីណេខុសៗគ្នាជាច្រើន។ ខណៈពេលដែលរាងកាយអាចបង្កើតនូវអាស៊ីតអាមីណេមួយចំនួនដោយខ្លួនឯង តែវាក៏មានអាស៊ីតអាមីណេសំខាន់ៗជាច្រើនដែលអាចកើតចេញពីអាហារដែរ។ អ្នកត្រូវការអាស៊ីតអាមីណេជាច្រើនប្រភេទសម្រាប់រាងកាយដើម្បីធ្វើការកាន់តែល្អ។
អ្វីដែលជាដំណឹងល្អនោះគឺថា អ្នកមិនបាច់ត្រូវការញ៉ាំអាស៊ីតអាមីណេទាំងអស់ក្នុងពេលតែម្តងឡើយ។ រាងកាយអាចបង្កើតនូវប្រូតេអ៊ីនពេញលេញពីចំណីអាហារដែលអ្នកញ៉ាំពីមួយថ្ងៃទៅមួយថ្ងៃបាន។
ខណៈពេលដែលសាច់សត្វ ត្រី និងស៊ុតគឺជាប្រភពដ៏ល្អនៃអាស៊ីតអាមីណេសំខាន់ក៏ដោយ តែអ្នកក៏អាចទទួលបានប្រូតេអ៊ីនពីប្រភពរុក្ខជាតិដូចជា សណ្តែកសៀង សណ្តែកធម្មតា និងគ្រាប់ធញ្ញជាតិមួយចំនួន។ យ៉ាងណាមិញ ចំនួនប្រូតេអ៊ីនដែលអ្នកត្រូវការជាប្រចាំថ្ងៃគឺអាស្រ័យទៅតាមកត្តាជាច្រើនទៀតដូចជា ភាពសកម្មដែលអ្នកមាន និងអាយុ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com