ជាតិ
លោក ស៊ិក ប៊ុនហុក ប្រាប់ឲ្យមន្ត្រីគ.ជ.ប. សហការជាមួយសមត្ថកិច្ច ដើម្បីរក្សាសន្តិសុខក្នុងថ្ងៃបោះឆ្នោត លោក ស៊ិក ប៊ុនហុក ប្រធានគ.ជ.ប.
× ប្រធានគណៈកម្មការរាជធានី ខេត្ត រៀបចំការបោះឆ្នោត (គធ.ខប.) ត្រូវពង្រឹងទំនាក់ទំនងជាមួយរដ្ឋបាលរាជធានី ខេត្ត រួមទាំងកងកម្លាំងគ្រប់លំដាប់ថ្នាក់ ដែលរាប់ចាំតាំងពីស្នងការដ្ឋាននគរបាលរាជធានី ខេត្ត អធិការនគរបាលក្រុង ស្រុក ខណ្ឌ និងប៉ុស្តិ៍នគរបាលរដ្ឋបាលឃុំ សង្កាត់ ដើម្បីរក្សាសន្តិសុខ និងសណ្តាប់ធ្នាប់ សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨។ នេះជាសេចក្តីណែនាំរបស់ លោក ស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត (គ.ជ.ប.)។
តាមរយៈសេចក្តីណែនាំ លោក ស៊ិក ប៊ុនហុក ប្រាប់ទៅប្រធានគធ.ខម. គ្រប់រូបយ៉ាងដូច្នេះថា៖«ត្រូវចាត់ចែង តាមដាន និងត្រួតពិនិត្យសភាពការណ៍ ហើយស្នើសុំអន្តរាគមន៍ពីកម្លាំងមានសមត្ថកិច្ច ក្នុងករណីមានការអុកឡុក ការគំរាមកំហែង អំពើហិង្សាល្មើសច្បាប់ផ្សេងៗ ដែលនាំឲ្យរាំងស្ទះ ដល់ដំណើរការបោះឆ្នោត»។
មេនគរបាលជាន់ខ្ពស់មួយរូប គឺលោក គៀត ច័ន្ទថារិទ្ធ ទើបនឹងប្រកាសថា នៅថ្ងៃបោះឆ្នោត នឹងមានកងកម្លាំងប្រដាប់អាវុធប្រមាណ៨ម៉ឺននាក់ ដែលត្រូវដាក់ពង្រាយនៅទូទាំងប្រទេស ដើម្បីការពារសន្តិសុខ។ បើតាមលោក គៀត ច័ន្ទថារិទ្ធ ដែលជាអគ្គស្នងការរងនគរបាលជាតិ កងកម្លាំងទាំងនោះ មកពីកងយោធពលខេមរភូមិន្ទ កងរាជអាវុធហត្ថ និងកម្លាំងប្រជាការពារតាមឃុំ សង្កាត់ និងក្រុង ស្រុក ខណ្ឌ៕
Tag:
បោះឆ្នោត
សិក បុនហុក
គជប
© រក្សាសិទ្ធិដោយ thmeythmey.com