អន្តរជាតិ
តួកគីប្រឈមមុខទណ្ឌកម្មរបស់អាមេរិក ព្រោះទិញអាវុធរុស្ស៊ី និងងាកចេញពីអាមេរិក
ប្រព័ន្ធការពារអាកាស S-400 ដែលតួកគីសម្រេចចិត្តទិញពីរុស្ស៊ី (រូបភាព AFP)
×![]()
ដោយ: តន ចាន់រិទ្ធារ៉ា
មន្ត្រីជាន់ខ្ពស់ក្រសួងការបរទេសអាមេរិក Wess Mitchell នៅថ្ងៃទី១៨ ខែមេសា បាននិយាយថា ការសម្រេចចិត្តរបស់តួកគីក្នុងការទិញប្រព័ន្ធការពារមីស៊ីល S-400 របស់រុស្ស៊ី អាចធ្វើឲ្យប្រទេសមួយនេះប្រឈមមុខទណ្ឌកម្មរបស់អាមេរិក។ មិនត្រឹមតែអាចរងទណ្ឌកម្មឡើយ តួកគីក៏ទំនងជាមិនអាចទិញយន្តហោះ F-35 របស់អាមេរិកទៀត បើនៅតែងាកទៅរករុស្ស៊ីទៀតនោះ។ ឯផ្លូវដែលតួកគីអាចដើរនោះ គឺដើរតាមបន្ទាត់កំណត់ដោយអាមេរិកវិញ។
ចាប់តាំងពីរដ្ឋប្រហារមិនជោគជ័យនៅឆ្នាំ២០១៦ មក ទំនាក់ទំនងរវាងតួកគី និងលោកខាងលិច ជាពិសេសអាមេរិក ជួបបញ្ហារកាំរកូសយ៉ាងខ្លាំង។ ការលូកដៃរបស់តួកគីក្នុងវិបត្តិស៊ីរី ការទិញអាវុធ និងទំនាក់ទំនងជិតស្និទ្ធជាមួយរុស្ស៊ី ហាក់ធ្វើឲ្យអាមេរិកមិនសូវសប្បាយចិត្តឡើយ ដ្បិតតួកគីដែលជាសមាជិកសម្ព័ន្ធយោធាណាតូ បែរជាល្អូកល្អឺនជាមួយគូប្រជែងទៅវិញ ហើយបានងាកចេញពីបន្ទាត់នយោបាយលោកខាងលិចទៅទៀត។
ចំពោះមុខសមាជិករដ្ឋសភា ឧបការីរដ្ឋមន្ត្រីការបរទេសអាមេរិក Wess Mitchell បានព្រមានតួកគីចំពោះជំហរងាករកចេញពីបស្ចិមប្រទេស និងងាកទៅរុស្ស៊ី។ លោក Mitchell បានរំឭកក្រុងអង់ការ៉ាពីហានិភ័យក្នុងការធ្វើសម្បទានទៅក្រុងមូស្គូដើម្បីសម្រេចគោលដៅយុទ្ធសាស្ត្ររបស់ខ្លួននៅស៊ីរី។ ជាមួយគ្នានេះ ការទិញប្រព័ន្ធការពារ S-400 ក៏ធ្វើតួកគីជាប់ទណ្ឌកម្មក្រោមច្បាប់អាមេរិក និងត្រូវរារាំងពីទិញយន្តហោះ F-35 ទៀតផង។
«ថ្មីៗនេះ តួកគីបានបង្កើនទំនាក់ទំនងជាមួយរុស្ស៊ី និងអ៊ីរ៉ង់យ៉ាងខ្លាំង។ កិច្ចព្រមព្រៀងជាមួយរុស្ស៊ីដើម្បីសម្រួលយុទ្ធនាការរបស់កងទ័ពតួកគីនៅទីក្រុង Afrin របស់ស៊ីរី ពិតជារឿងគួរឲ្យបារម្ភមែនទែន»។ នេះជាការអះអាងរបស់លោក Mitchell ក្នុងពេលផ្ដល់សក្ខីកម្មចំពោះមុខគណៈកម្មាធិការកិច្ចការបរទេសរដ្ឋសភាអាមេរិក។ លោលបន្តថា វាជាផលប្រយោជន៍អាមេរិកដែលតួកគីនៅតែជាសម្ព័ន្ធមិត្តផ្នែកយុទ្ធសាស្ត្រ និងនយោបាយរបស់លោកខាងលិច។ នេះបើតាមការផ្សាយរបស់សារព័ត៌មាន RT ។
បើតាមមន្ត្រីទទួលបន្ទុកកិច្ចការអឺរ៉ុប និងអឺរ៉ាស៊ីរូបនេះ អាមេរិកចង់ឲ្យតួកគីធ្វើជាតួអង្គរយៈពេលវែងដើម្បីទប់ស្កាត់ការវាតទីរបស់រុស្ស៊ី និងអ៊ីរ៉ង់ដូចមានចែងក្នុងនយោបាយសន្តិសុខជាតិ និងយុទ្ធសាស្ត្រការពារជាតិរបស់អាមេរិក។ របត់នយោបាយការបរទេសរបស់តួកគី ពិតជាប៉ះពាល់ខ្លាំងដល់លោកខាងលិច ដែលព្យាយាមទប់ស្កាត់ការពង្រីកឥទ្ធិពលរបស់រុស្ស៊ី និងអ៊ីរ៉ង់ ទាំងនៅតំបន់អឺរ៉ុប និងនៅមជ្ឈិមបូព៌ាផងដែរ។
តាមពិតទៅ អាមេរិកប្រឆាំងជំហររបស់តួកគីដែលបានទិញប្រព័ន្ធការពារអាកាស S-400 របស់រុស្ស៊ី។ នេះក៏ព្រោះតួកគី ជាមិត្តរបស់លោកខាងលិច តែបែរជាទិញអាវុធរបស់រុស្ស៊ី ដែលជាគូប្រជែងទៅវិញ។ មិនមែនតែរឿងអាវុធនេះឡើយ ការបំពានសិទ្ធិមនុស្សនៅតួកគីក៏ធ្វើឲ្យទំនាក់ទំនងរវាងក្រុងអង់ការ៉ា និងបច្ចិមប្រទេសល្អក់កករដែរ៕
ចាប់តាំងពីរដ្ឋប្រហារមិនជោគជ័យនៅឆ្នាំ២០១៦ មក ទំនាក់ទំនងរវាងតួកគី និងលោកខាងលិច ជាពិសេសអាមេរិក ជួបបញ្ហារកាំរកូសយ៉ាងខ្លាំង។ ការលូកដៃរបស់តួកគីក្នុងវិបត្តិស៊ីរី ការទិញអាវុធ និងទំនាក់ទំនងជិតស្និទ្ធជាមួយរុស្ស៊ី ហាក់ធ្វើឲ្យអាមេរិកមិនសូវសប្បាយចិត្តឡើយ ដ្បិតតួកគីដែលជាសមាជិកសម្ព័ន្ធយោធាណាតូ បែរជាល្អូកល្អឺនជាមួយគូប្រជែងទៅវិញ ហើយបានងាកចេញពីបន្ទាត់នយោបាយលោកខាងលិចទៅទៀត។
ចំពោះមុខសមាជិករដ្ឋសភា ឧបការីរដ្ឋមន្ត្រីការបរទេសអាមេរិក Wess Mitchell បានព្រមានតួកគីចំពោះជំហរងាករកចេញពីបស្ចិមប្រទេស និងងាកទៅរុស្ស៊ី។ លោក Mitchell បានរំឭកក្រុងអង់ការ៉ាពីហានិភ័យក្នុងការធ្វើសម្បទានទៅក្រុងមូស្គូដើម្បីសម្រេចគោលដៅយុទ្ធសាស្ត្ររបស់ខ្លួននៅស៊ីរី។ ជាមួយគ្នានេះ ការទិញប្រព័ន្ធការពារ S-400 ក៏ធ្វើតួកគីជាប់ទណ្ឌកម្មក្រោមច្បាប់អាមេរិក និងត្រូវរារាំងពីទិញយន្តហោះ F-35 ទៀតផង។
«ថ្មីៗនេះ តួកគីបានបង្កើនទំនាក់ទំនងជាមួយរុស្ស៊ី និងអ៊ីរ៉ង់យ៉ាងខ្លាំង។ កិច្ចព្រមព្រៀងជាមួយរុស្ស៊ីដើម្បីសម្រួលយុទ្ធនាការរបស់កងទ័ពតួកគីនៅទីក្រុង Afrin របស់ស៊ីរី ពិតជារឿងគួរឲ្យបារម្ភមែនទែន»។ នេះជាការអះអាងរបស់លោក Mitchell ក្នុងពេលផ្ដល់សក្ខីកម្មចំពោះមុខគណៈកម្មាធិការកិច្ចការបរទេសរដ្ឋសភាអាមេរិក។ លោលបន្តថា វាជាផលប្រយោជន៍អាមេរិកដែលតួកគីនៅតែជាសម្ព័ន្ធមិត្តផ្នែកយុទ្ធសាស្ត្រ និងនយោបាយរបស់លោកខាងលិច។ នេះបើតាមការផ្សាយរបស់សារព័ត៌មាន RT ។
បើតាមមន្ត្រីទទួលបន្ទុកកិច្ចការអឺរ៉ុប និងអឺរ៉ាស៊ីរូបនេះ អាមេរិកចង់ឲ្យតួកគីធ្វើជាតួអង្គរយៈពេលវែងដើម្បីទប់ស្កាត់ការវាតទីរបស់រុស្ស៊ី និងអ៊ីរ៉ង់ដូចមានចែងក្នុងនយោបាយសន្តិសុខជាតិ និងយុទ្ធសាស្ត្រការពារជាតិរបស់អាមេរិក។ របត់នយោបាយការបរទេសរបស់តួកគី ពិតជាប៉ះពាល់ខ្លាំងដល់លោកខាងលិច ដែលព្យាយាមទប់ស្កាត់ការពង្រីកឥទ្ធិពលរបស់រុស្ស៊ី និងអ៊ីរ៉ង់ ទាំងនៅតំបន់អឺរ៉ុប និងនៅមជ្ឈិមបូព៌ាផងដែរ។
តាមពិតទៅ អាមេរិកប្រឆាំងជំហររបស់តួកគីដែលបានទិញប្រព័ន្ធការពារអាកាស S-400 របស់រុស្ស៊ី។ នេះក៏ព្រោះតួកគី ជាមិត្តរបស់លោកខាងលិច តែបែរជាទិញអាវុធរបស់រុស្ស៊ី ដែលជាគូប្រជែងទៅវិញ។ មិនមែនតែរឿងអាវុធនេះឡើយ ការបំពានសិទ្ធិមនុស្សនៅតួកគីក៏ធ្វើឲ្យទំនាក់ទំនងរវាងក្រុងអង់ការ៉ា និងបច្ចិមប្រទេសល្អក់កករដែរ៕
Tag:
តួកគី
រុស្ស៊ី
អាមេរិក
ស៊ីរី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ម៉ោង
