ឆ្នាំនេះទំនាយល្អព្រោះ គោឧសភរាជបរិភោគស្រូវ និងពោត ច្រើនជាងគេ

ជាតិ

ឆ្នាំនេះទំនាយល្អព្រោះ គោឧសភរាជបរិភោគស្រូវ និងពោត ច្រើនជាងគេ

03, May 2018 , 9:53 am

រូបភាព

ដោយ:

រដូវដាំដុះក្នុងឆ្នាំ២០១៨នេះ ត្រូវបានទស្សន៍ទាយថា ស្រូវ ពោត និងសណ្ដែក ទទួលបានផលល្អ ដោយសារតែ គោឧសភរាជ បានបរិភោគច្រើនជាងគេក្នុងពិធីច្រត់ព្រះនង្គ័ល។

ក្នុងចំណោមអាហារចំនួន៧មុខ គោឧសភរាជបរិភោគ ស្រូវបាន ៩៥ភាគរយ ពោតបាន ៩៥ភាគរយ និងសណ្ដែកបាន៨០ភាគរយ ដែលមានន័យថា រដូវដាំដុះក្នុងឆ្នាំនេះ ផលដំណាំស្រូវ ពោត សណ្ដែក នឹងទទួលបានផលល្អ។

អាហារទាំង៧មុខនោះរួមមាន ស្រូវ ពោត សណ្ដែក ល្ង ស្មៅ ទឹក និងស្រា ដែលមានអត្ថន័យខុសគ្នា។ ព្រះរាជពិធីច្រត់ព្រះនង្គ័លសម្រាប់ឆ្នាំ២០១៨នេះ ត្រូវបានប្រារព្ធឡើងនៅថ្ងៃទី០៣ ខែឧសភា នៅក្នុងខេត្តស្វាយរៀង ក្រោមព្រះរាជវត្តមានដ៏ខ្ពង់ខ្ពស់របស់ព្រះមហាក្សត្រ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី។ ព្រះរាជវីធី មានលោក ម៉ែន វិបុល អភិបាលខេត្តស្វាយរៀង ជាសម្តេចមាឃ និងភរិយារបស់លោក ជាមេហួរ ៕