កីឡាអន្តរជាតិ
អន្តរជាតិ
វាយកូនឃ្លីលើតុ៖ មិនប្រជែងគ្នា ហើយកូរ៉េទាំងពីររួមគ្នាដណ្តើមពានពិភពលោកថែមទៀត
រូបភាពពី AFP
×![]()
ដោយ: ទេព ពិទូរ្យ
កូរ៉េខាងត្បូង និងកូរ៉េខាងជើងសម្រេចចិត្តមិនប្រជែងគ្នាក្នុងការប្រកួតវគ្គ១/៤ផ្តាច់ព្រ័ត្រ ពានរង្វាន់ជើងឯកវាយកូនឃ្លីលើតុពិភពលោក ហើយថែមទាំងរួមគ្នាជាក្រុមតែមួយដើម្បីទៅដណ្តើមពាន ទល់នឹងក្រុមមកពីប្រទេសផ្សេងវិញ។ នេះបើតាមការអះអាងរបស់សហព័ន្ធកីឡាវាយកូនឃ្លីលើតុអន្តរជាតិ (ITTF) នៅថ្ងៃទី៣ ខែឧសភា។
ប្រទេសបងប្អូនទាំងពីរអាចឈានមកដល់វគ្គពាក់៨ក្រុមចុងក្រោយរៀងៗខ្លួនក្នុងព្រឹត្តិការណ៍ ជើងឯកវាយកូនឃ្លីលើតុពិភពលោក ដែលធ្វើឡើងក្នុងក្រុង Halmstad ប្រទេសស៊ុយអែត។
បើតាមការផ្សាយរបស់ទីភ្នាក់ងារព័ត៌មាន Reuters មិនត្រឹមតែមិនប្រកួតប្រជែងគ្នា ពួកគេថែមទាំងស្នើឲ្យប្រធានសហព័ន្ធ ITTF លោក Thomas Weikert រួមប្រទេសទាំងពីរបញ្ចូលគ្នាជាក្រុមតែមួយទៀតផង ដើម្បីទៅប្រកួតជាមួយក្រុមដទៃ។ ការផ្លាស់ប្តូរក៏ត្រូវបានយល់ព្រមរួចហើយ ដូច្នេះកូរ៉េទាំងពីរនឹងត្រូវទៅតទល់ជាមួយជប៉ុនសម្រាប់វគ្គពាក់កណ្តាលផ្តាច់ព្រ័ត្រនៅថ្ងៃសុក្រទី៤ ខែឧសភានេះ។
នេះជាការរួមគ្នាលើកទី២ហើយរវាងកូរ៉េខាងជើង និងកូរ៉េខាងត្បូងក្នុងព្រឹត្តិការដូចគ្នានេះ បន្ទាប់ពីបានរួមគ្នាលើកដំបូងនៅឆ្នាំ ១៩៩១ ដែលធ្វើឡើងក្នុងក្រុងឈីបា ប្រទេសជប៉ុន ហើយកាលនោះពួកគេបានយកឈ្នះម្ចាស់ជើងឯកចិនដើម្បីឈ្នះមេដាយមាសទៀតផង។
លើសពីនេះទៀតនោះ កូរ៉េទាំងពីរធ្លាប់បានរួមគ្នារួចមកហើយដោយបញ្ចូលគ្នាក្នុងវិញ្ញាសាកីឡាហ៊ុគីទឹកក (Ice Hockey) នៅក្នុងព្រឹត្តិការណ៍កីឡអូឡាំពិករដូវរងានាទីក្រុងព្យុងឆាង (Pyeongchang) ប្រទេសកូរ៉េខាងត្បូងកាលពីខែកុម្ភៈកន្លងទៅ និងបានដើរហែក្បួនរួមគ្នានៅក្រោមទង់ជាតិឧបទ្វីបកូរ៉េតែមួយនៅថ្ងៃបើកឆាកនោះផងដែរ។
សូមបញ្ជាក់ថា ព្រឹត្តិការណ៍ដណ្តើមពានរង្វាន់ជើងឯកវាយកូនឃ្លីលើតុពិភពលោក ដែលធ្វើឡើងក្នុងក្រុង Halmstad ប្រទេសស៊ុយអែត បានប្រព្រឹត្តទៅតាំងពីថ្ងៃទី ២៩ ខែមេសា ឆ្នាំ ២០១៨ ពោលគឺដំណើរការប្រកួតរយៈពេល១សប្តាហ៍មកហើយ ហើយនឹងត្រូវបិតបញ្ចប់វិញនៅថ្ងៃទី ៦ ខែឧសភា ឆ្នាំ២០១៨៕’
ប្រទេសបងប្អូនទាំងពីរអាចឈានមកដល់វគ្គពាក់៨ក្រុមចុងក្រោយរៀងៗខ្លួនក្នុងព្រឹត្តិការណ៍ ជើងឯកវាយកូនឃ្លីលើតុពិភពលោក ដែលធ្វើឡើងក្នុងក្រុង Halmstad ប្រទេសស៊ុយអែត។
បើតាមការផ្សាយរបស់ទីភ្នាក់ងារព័ត៌មាន Reuters មិនត្រឹមតែមិនប្រកួតប្រជែងគ្នា ពួកគេថែមទាំងស្នើឲ្យប្រធានសហព័ន្ធ ITTF លោក Thomas Weikert រួមប្រទេសទាំងពីរបញ្ចូលគ្នាជាក្រុមតែមួយទៀតផង ដើម្បីទៅប្រកួតជាមួយក្រុមដទៃ។ ការផ្លាស់ប្តូរក៏ត្រូវបានយល់ព្រមរួចហើយ ដូច្នេះកូរ៉េទាំងពីរនឹងត្រូវទៅតទល់ជាមួយជប៉ុនសម្រាប់វគ្គពាក់កណ្តាលផ្តាច់ព្រ័ត្រនៅថ្ងៃសុក្រទី៤ ខែឧសភានេះ។
នេះជាការរួមគ្នាលើកទី២ហើយរវាងកូរ៉េខាងជើង និងកូរ៉េខាងត្បូងក្នុងព្រឹត្តិការដូចគ្នានេះ បន្ទាប់ពីបានរួមគ្នាលើកដំបូងនៅឆ្នាំ ១៩៩១ ដែលធ្វើឡើងក្នុងក្រុងឈីបា ប្រទេសជប៉ុន ហើយកាលនោះពួកគេបានយកឈ្នះម្ចាស់ជើងឯកចិនដើម្បីឈ្នះមេដាយមាសទៀតផង។
លើសពីនេះទៀតនោះ កូរ៉េទាំងពីរធ្លាប់បានរួមគ្នារួចមកហើយដោយបញ្ចូលគ្នាក្នុងវិញ្ញាសាកីឡាហ៊ុគីទឹកក (Ice Hockey) នៅក្នុងព្រឹត្តិការណ៍កីឡអូឡាំពិករដូវរងានាទីក្រុងព្យុងឆាង (Pyeongchang) ប្រទេសកូរ៉េខាងត្បូងកាលពីខែកុម្ភៈកន្លងទៅ និងបានដើរហែក្បួនរួមគ្នានៅក្រោមទង់ជាតិឧបទ្វីបកូរ៉េតែមួយនៅថ្ងៃបើកឆាកនោះផងដែរ។
សូមបញ្ជាក់ថា ព្រឹត្តិការណ៍ដណ្តើមពានរង្វាន់ជើងឯកវាយកូនឃ្លីលើតុពិភពលោក ដែលធ្វើឡើងក្នុងក្រុង Halmstad ប្រទេសស៊ុយអែត បានប្រព្រឹត្តទៅតាំងពីថ្ងៃទី ២៩ ខែមេសា ឆ្នាំ ២០១៨ ពោលគឺដំណើរការប្រកួតរយៈពេល១សប្តាហ៍មកហើយ ហើយនឹងត្រូវបិតបញ្ចប់វិញនៅថ្ងៃទី ៦ ខែឧសភា ឆ្នាំ២០១៨៕’
អត្ថបទទាក់ទង
Tag:
បាល់ទាត់
វាយកូនឃ្លីលើតុពិភពលោក
រ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
