ពីនេះ ពីនោះ
ពាក្យ «ហឹរ» មានអត្ថន័យខុសគ្នាពីពាក្យ «ហិល»
× អត្ថន័យខុសគ្នា ការប្រើប្រាស់ផ្សេងគ្នា ហើយសូរសព្ទក៏ប្លែកគ្នាដែរ ចំពោះពាក្យ «ហឹរ និងហិល»។ តាមការបញ្ជាក់របស់សម្តេចព្រះសង្ឃរាជ ជួន ណាត បានឲ្យដឹងថា ពាក្យ «ហឹរ» សំដៅលើ រសជាតិផ្សារក្តៅឆួល ដែលគេហៅថា ផ្លែម្ទេសនោះ។ ចំណែក «ហិល» សម្គាល់លើរិលមុខមិនសូវមុត ព្រោះកាប់ដី ឬ កាប់ជ្រលួស ត្រូវដីរឿយៗ។
សម្តេចព្រះសង្ឃរាជ ជួន ណាត បានពន្យល់បន្ថែម ចំពោះពាក្យ «ហឹរ» អាចនិយាយជាពាក្យ «ហើរ» ក៏បាន។ ប៉ុន្តែ គេសង្កេតឃើញមនុស្សភាគច្រើន ប្រើពាក្យ «ហឹរ» នេះជាង។ ដោយសារតែពាក្យនេះ មានន័យចំថា ជាម្ទេសដែលធ្វើឲ្យ ផ្សារក្តៅឆួល នៅពេលដែលទទួលទានវាជាអាហារ។
ដោយឡែក គុណនាម «ហិល» មានន័យថា វិលមុខមិនសូវមុត ព្រោះកាប់ដី ឬកាប់ជ្រលួសត្រូវដីរឿយៗ។ ដូចជា ចបហិលមុខ, កាន់កាំបិតចែតកាប់ជ្រលួសត្រូវដីហិលមុខអស់៕
© រក្សាសិទ្ធិដោយ thmeythmey.com