ជាតិ
អន្តរជាតិ
អតីតប្រធានអង្គភាពពុករលួយប្តឹង ណាជីប ដែលព្យាយាមបិទការស៊ើបអង្កេតរឿងពុករលួយពេលខ្លួនមានអំណាច
×![]()
អតីតប្រធានគណៈកម្មការប្រឆាំងអំពើពុករលួយម៉ាឡេស៊ីលោក Abdul Razak Idris បានចេញមុខដាក់ពាក្យប្តឹងអតីតនាយករដ្ឋមន្ត្រី ណាជីប រ៉ាហ្សាក់ ជុំវិញការប្រើអំណាចព្យាយាមបិទការស៊ើបអង្កេតសំណុំរឿងពុករលួយ 1MDB។
សំណុំរឿងពុករលួយលុយរដ្ឋ 1MDB ដែលពាក់ព័ន្ធអតីតនាយករដ្ឋមន្ត្រី ណាជីប រ៉ាហ្សាក់ ក្តៅកាន់តែខ្លាំង ក្រោយបក្សកាន់អំណាចចាញ់ឆ្នោត។ អតីតមន្ត្រីអង្គភាពប្រឆាំងអំពើពុករលួយ ក៏ចេញមុខដាក់ពាក្យប្តឹងលោក ណាជីប ថែមទៀត ដោយចោទថាលោក បានប្រើអំណាចបិទការស៊ើបអង្កេតកន្លងមក។
យោងតាមទីភ្នាក់ងារព័ត៌មាន AFP លោក Abdul Razak Idris ដែលធ្លាប់ធ្វើជាប្រធានគណៈកម្មការប្រឆាំងពុករលួយ ក្នុងអាណត្តិលោក ណាជីប បានបញ្ជាក់ថា អតីតនាយករដ្ឋមន្ត្រី បានប្រើប្រាស់អំណាចរបស់ខ្លួន បិទចោលការស៊ើបអង្កេតពេញលេញ និងឯករាជ្យមួយ ជុំវិញករណីពុករលួយ 1MDB ដោយដោយមានការជួយ ពីមន្ត្រីស្ថាប័នផ្សេងទៀតផង។
«ខ្ញុំធ្វើរបាយការណ៍នេះឡើង ដើម្បីឲ្យការស៊ើបអង្កេតលើករណីពុករលួយ លាងលុយ និងការពាក់ព័ន្ធមូលនិធិ 1MDB នោះត្រូវគេស៊ើបអង្កេត និងបន្តនីតិវិធីឡើងវិញ»។ នេះជាការបញ្ជាក់របស់លោក Abdul Razak។
អតីតប្រធានអង្គភាពពុករលួយនេះបន្តថា ទោះមានក្តីបារម្ភពីសុវត្ថិភាពលោកក៏ដោយ លោកមិនរារែក នឹងបន្តទាមទារឲ្យមានការស៊ើបអង្កេតឡើយ។ លោកក៏ចង់ឃើញអតីតមេដឹកនាំម៉ាឡេស៊ី ណាជីប ប្រកាសរាល់ទ្រព្យសម្បត្តិ ដែលលោកមានផងដែរ។ លោកបញ្ជាក់ដូច្នេះ៖ «មានខ្លះបារម្ភពីខ្ញុំ ដោយសារខ្ញុំហ៊ានចេញរបាយការណ៍ប្តឹង អតីតមេខ្ញុំ។ ប៉ុន្តែនេះ ជាការពិត។ ខ្ញុំមានអាយុ ៦៩ ឆ្នាំទៅហើយ ហើយបើខ្ញុំស្លាប់ ក៏ស្លាប់ដើម្បីប្រទេសខ្ញុំដែរ»។
បង្កើតក្នុងឆ្នាំ២០០៩ មូលនិធិ 1MDB មានគោលដៅប្រែក្លាយទីក្រុងគួឡាឡាំពួរ ទៅជាមជ្ឈមណ្ឌលហិរញ្ញវត្ថុដ៏ធំមួយ និងជំរុញសេដ្ឋកិច្ចជាតិ តាមរយៈការវិនិយោគយុទ្ធសាស្ត្រ។ ប៉ុន្តែគេចោទថា ឆ្នាំ ២០១៣ លុយ៦៨១ លានដុល្លារ នៃមូលនិធិនេះ ត្រូវបានផ្ទេរទៅកាន់គណនីធនាគាររបស់លោក។ ប៉ុន្តែលោកបានបដិសេធការចោទប្រកាន់នេះរហូតមក។
ក្រោយមកគេឃើញមានការស៊ើបអង្កេតដែរ ប៉ុន្តែការស៊ើបអង្កេតនេះ បាននាំឲ្យមានការសន្និដ្ឋានថា លោក ណាជីប ជាមនុស្សស្អាតស្អំ គ្មានពាក់ព័ន្ធអំពើពុករលួយឡើយ។ យ៉ាងណាមិញ គេរកឃើញថា ឯកសារសំខាន់មួយចំនួន ត្រូវបានគេលាក់បាំង ឬក៏រឹតបន្តឹងការប្រើប្រាស់ ក្រោមច្បាប់កិច្ចការងារសម្ងាត់របស់រដ្ឋផង។
គណបក្សប្រឆាំង Pakatan Harapan ដណ្តើមយកជោគជ័យក្នុងការបោះឆ្នោតសភា កាលពីសប្តាហ៍មុន ដោយមានការភ្ញាក់ផ្អើលខ្លាំងផង។ ចំណែកលោក មហាធៀ មហាម៉ាត់ ក្រោយស្បថចូលកាន់តំណែងជានាយករដ្ឋមន្ត្រីទី ៧ ភ្លាម លោកបានប្រកាសថា រដ្ឋាភិបាលថ្មី នឹងស្តារឡើងវិញ នូវគោលការនីតិរដ្ឋ ហើយបើសិនជាគេរកឃើញថា លោក ណាជីប មានកំហុសមែន លោកនឹងត្រូវកាត់ទោសតាមច្បាប់។ រីឯ មន្ត្រីដែលជាប្រធានស្ថាប័នមួយចំនួន ដូចជាអង្គភាពពុករលួយ អយ្យការ និងគណៈកម្មការរៀបចំការបោះឆ្នោតផងនោះ ក៏ត្រូវប្រឈមមុខនឹងវិធានការក្តៅ និងអាចឈានទៅជ្រុះតំណែងផង៕
សំណុំរឿងពុករលួយលុយរដ្ឋ 1MDB ដែលពាក់ព័ន្ធអតីតនាយករដ្ឋមន្ត្រី ណាជីប រ៉ាហ្សាក់ ក្តៅកាន់តែខ្លាំង ក្រោយបក្សកាន់អំណាចចាញ់ឆ្នោត។ អតីតមន្ត្រីអង្គភាពប្រឆាំងអំពើពុករលួយ ក៏ចេញមុខដាក់ពាក្យប្តឹងលោក ណាជីប ថែមទៀត ដោយចោទថាលោក បានប្រើអំណាចបិទការស៊ើបអង្កេតកន្លងមក។
យោងតាមទីភ្នាក់ងារព័ត៌មាន AFP លោក Abdul Razak Idris ដែលធ្លាប់ធ្វើជាប្រធានគណៈកម្មការប្រឆាំងពុករលួយ ក្នុងអាណត្តិលោក ណាជីប បានបញ្ជាក់ថា អតីតនាយករដ្ឋមន្ត្រី បានប្រើប្រាស់អំណាចរបស់ខ្លួន បិទចោលការស៊ើបអង្កេតពេញលេញ និងឯករាជ្យមួយ ជុំវិញករណីពុករលួយ 1MDB ដោយដោយមានការជួយ ពីមន្ត្រីស្ថាប័នផ្សេងទៀតផង។
«ខ្ញុំធ្វើរបាយការណ៍នេះឡើង ដើម្បីឲ្យការស៊ើបអង្កេតលើករណីពុករលួយ លាងលុយ និងការពាក់ព័ន្ធមូលនិធិ 1MDB នោះត្រូវគេស៊ើបអង្កេត និងបន្តនីតិវិធីឡើងវិញ»។ នេះជាការបញ្ជាក់របស់លោក Abdul Razak។
អតីតប្រធានអង្គភាពពុករលួយនេះបន្តថា ទោះមានក្តីបារម្ភពីសុវត្ថិភាពលោកក៏ដោយ លោកមិនរារែក នឹងបន្តទាមទារឲ្យមានការស៊ើបអង្កេតឡើយ។ លោកក៏ចង់ឃើញអតីតមេដឹកនាំម៉ាឡេស៊ី ណាជីប ប្រកាសរាល់ទ្រព្យសម្បត្តិ ដែលលោកមានផងដែរ។ លោកបញ្ជាក់ដូច្នេះ៖ «មានខ្លះបារម្ភពីខ្ញុំ ដោយសារខ្ញុំហ៊ានចេញរបាយការណ៍ប្តឹង អតីតមេខ្ញុំ។ ប៉ុន្តែនេះ ជាការពិត។ ខ្ញុំមានអាយុ ៦៩ ឆ្នាំទៅហើយ ហើយបើខ្ញុំស្លាប់ ក៏ស្លាប់ដើម្បីប្រទេសខ្ញុំដែរ»។
បង្កើតក្នុងឆ្នាំ២០០៩ មូលនិធិ 1MDB មានគោលដៅប្រែក្លាយទីក្រុងគួឡាឡាំពួរ ទៅជាមជ្ឈមណ្ឌលហិរញ្ញវត្ថុដ៏ធំមួយ និងជំរុញសេដ្ឋកិច្ចជាតិ តាមរយៈការវិនិយោគយុទ្ធសាស្ត្រ។ ប៉ុន្តែគេចោទថា ឆ្នាំ ២០១៣ លុយ៦៨១ លានដុល្លារ នៃមូលនិធិនេះ ត្រូវបានផ្ទេរទៅកាន់គណនីធនាគាររបស់លោក។ ប៉ុន្តែលោកបានបដិសេធការចោទប្រកាន់នេះរហូតមក។
ក្រោយមកគេឃើញមានការស៊ើបអង្កេតដែរ ប៉ុន្តែការស៊ើបអង្កេតនេះ បាននាំឲ្យមានការសន្និដ្ឋានថា លោក ណាជីប ជាមនុស្សស្អាតស្អំ គ្មានពាក់ព័ន្ធអំពើពុករលួយឡើយ។ យ៉ាងណាមិញ គេរកឃើញថា ឯកសារសំខាន់មួយចំនួន ត្រូវបានគេលាក់បាំង ឬក៏រឹតបន្តឹងការប្រើប្រាស់ ក្រោមច្បាប់កិច្ចការងារសម្ងាត់របស់រដ្ឋផង។
គណបក្សប្រឆាំង Pakatan Harapan ដណ្តើមយកជោគជ័យក្នុងការបោះឆ្នោតសភា កាលពីសប្តាហ៍មុន ដោយមានការភ្ញាក់ផ្អើលខ្លាំងផង។ ចំណែកលោក មហាធៀ មហាម៉ាត់ ក្រោយស្បថចូលកាន់តំណែងជានាយករដ្ឋមន្ត្រីទី ៧ ភ្លាម លោកបានប្រកាសថា រដ្ឋាភិបាលថ្មី នឹងស្តារឡើងវិញ នូវគោលការនីតិរដ្ឋ ហើយបើសិនជាគេរកឃើញថា លោក ណាជីប មានកំហុសមែន លោកនឹងត្រូវកាត់ទោសតាមច្បាប់។ រីឯ មន្ត្រីដែលជាប្រធានស្ថាប័នមួយចំនួន ដូចជាអង្គភាពពុករលួយ អយ្យការ និងគណៈកម្មការរៀបចំការបោះឆ្នោតផងនោះ ក៏ត្រូវប្រឈមមុខនឹងវិធានការក្តៅ និងអាចឈានទៅជ្រុះតំណែងផង៕
Tag:
Abdul Razak Idris
ណាជីប រ៉ាហ្សាក់
មហាធៀ មហាម៉ាត់
1MDB
© រក្សាសិទ្ធិដោយ thmeythmey.com
