លោក យិន សារិន អ្នកច្រៀងបទសម្តេចហ៊ុន សែន ច្រើនជាងគេ ទទួលមរណភាព

ជាតិ

សិល្បះ

លោក យិន សារិន អ្នកច្រៀងបទសម្តេចហ៊ុន សែន ច្រើនជាងគេ ទទួលមរណភាព

31, May 2018 , 5:39 pm

រូបភាព

ដោយ: ថ្មីៗ

ភ្នំពេញ៖ លោក យិន សារិន ម្ចាស់បទ«ជីវិតក្មេងវត្ត» បានទទួលមរណភាព នៅរសៀលថ្ងៃទី៣១ ឧសភា ក្នុងអាយុ៦៨ឆ្នាំ ដោយរោគាពាធ។ សពលោក ត្រូវបានក្រុមគ្រួសារកំពុងរៀបចំតាមប្រពៃណី ដែលស្ថិតនៅគេហដ្ឋាន តាមបណ្តោយផ្លូវជាតិលេខ៦ ម្តុំសាកលវិទ្យាល័យកសិកម្មព្រែកលាភ។

លោក យិន សារិន ជាសិល្បករម្នាក់ដែលច្រៀងបទ ក្រោមការនិព្ធរបស់សម្តេចនាយករដ្ឋមន្ត្រី ហ៊ុន សែន បានច្រើនជាងគេ។ យោងតាមកម្រងសៀវភៅដែលដឹកនាំស្រាវជ្រាវដោយ លោក ឆយ យីហ៊ាង ក្នុងចំណោមបទចម្រៀង១១៥បទដែលនិពន្ធដោយសម្តេច ហ៊ុន សែន ចន្លោះពីឆ្នាំ១៩៩០ ដល់ឆ្នាំ២០០៤ លោក យិន សារិន បានច្រៀងរហូតដល់ទៅ៥៥បទ។ លោកច្រៀងភាគច្រើនជាបទទោល ចំណែកបទឆ្លើយឆ្លងមួយចំនួន លោកច្រៀងរួមគ្នាជាមួយអ្នកស្រី ឆោម ឆវិន។

តាមសៀវភៅដែលមានចំណងជើងថា «សម្តេច ហ៊ុន សែន ទស្សនៈនយោបាយ អភិរក្សសិល្បៈ អភិវឌ្ឍន៍សង្គម និងចម្រៀង១១៥បទ» បទល្បីៗមួយចំនួនដែលលោក យិន សារិន ច្រៀងនោះ រួមមាន ជីវិតក្មេងវត្ត, ផ្លូវឆ្លងកាត់វាល, ក្បាលអូរអភិវឌ្ឍន៍, ស្រឡាញ់គ្នាក្នុងគ្រាក្រ, កិត្តិនាមព្រះដុង្គម៉ែជ័យ, ព្រះគុណម៉ែខ្ញុំ, បៅដោះអ្នកណា?, បណ្តាំឪពុកកត់ទុក្ខណាកូន និងបណ្តាំស្ពានដែក ជាដើម៕