FIFA
កីឡាអន្តរជាតិ
អន្តរជាតិ
តវ៉ាមានប្រសិទ្ធភាព! កីឡាករប៉េរូ Guerrero មានសិទ្ធិលេង World Cup វិញហើយ
×![]()
ដោយ: ទេព ពិទូរ្យ
Paolo Guerrero មានសិទ្ធិចូលរួមជាមួយក្រុមកីឡាបាល់ទាត់ជម្រើសជាតិប៉េរូដើម្បីធ្វើដំណើរទៅប្រកួតប្រជែងពានរង្វាន់ FIFA World Cup នៅរុស្ស៊ីវិញហើយ ក្រោយតុលាការស្វីសលុបបម្រាមរបស់ខ្លួនលើការរារាំងមិនឲ្យកីឡាកររូបនេះ មានសកម្មភាពបាល់ទាត់រយៈពេល១៤ខែ ពីបទពាក់ព័ន្ធករណីផ្ទុកសារធាតុហាមឃាត់។ នេះបើតាមការផ្សាយរបស់ BBC។
ទីបំផុត Guerrero អាចមានវត្តមានក្នុងព្រឹត្តិការណ៍កីឡាបាល់ទាត់ពិភពលោកជាលើកដំបូងរបស់ខ្លួន បន្ទាប់ពីតុលាការស្វ៊ីសបានសម្រេចយល់ព្រមលើកលែងបម្រាមលើប្រធានក្រុមជម្រើសជាតិប៉េរូរូបនេះបណ្ដោះអាសន្នសិន ដើម្បីពិចារណាការប្ដឹងឧទ្ធរណ៍លើបម្រាមខាងលើ ទៅថ្ងៃក្រោយវិញ។
តុលាការខាងលើលើកឡើងថាការពិន័យនេះហាក់មិនសមហេតុផលដែរចំពោះខ្សែប្រយុទ្ធក្រុម Flamengo ដែលត្រូវខកខានក្នុងព្រឹត្តិការណ៍ World Cup ជាលើកដំបូង និងប្រហែលជាលើកចុងក្រោយទៀតផងនោះ ទើបសម្រេចឲ្យរបស់គេមានសេរីភាពលេងនៅរុស្ស៊ីខែក្រោយនេះ។
ខ្សែប្រយុទ្ធវ័យ៣៤ឆ្នាំ ត្រូវបានហាមឃាត់ក្នុងសកម្មភាពកីឡាបាល់ទាត់រយៈពេល ១៤ ខែ កាលពីថ្ងៃទី១៤ ខែឧសភាពីសំណាក់តុលាការអាជ្ញាកណ្តាលកីឡា (CAS) ក្រោយធ្វើតេស្តរកឃើញថាមានផ្ទុកសារធាតុកូកាអ៊ីន ដែលនឹងធ្វើឲ្យរូបគេខកខានទៅចូលរួមជាមួយក្រុមជម្រើសជាតិប៉េរូក្នុងការប្រកួតបាល់ទាត់ពិភពលោកនៅរុស្ស៊ីខែក្រោយនេះ។
មុនពេលលុបចោលការហាមប្រាមនេះ ក៏មានការតវ៉ាពីសំណាក់ប្រធានក្រុមជម្រើសជាតិ៣រូបដែលស្ថិតក្នុងពូល C ជាមួយប៉េរូ រួមមាន Mile Jedinak របស់អូស្ត្រាលី Simon Kjaer របស់ដាណឺម៉ាក និង Hugo Lloris អ្នកចាំទីបារាំងបានសរសេរលិខិតរួមគ្នាទៅកាន់ FIFA សុំឲ្យពួកគេលើកលែងបម្រាមនេះដែរ។ ក្រៅពីនោះ ក៏មានការតវ៉ាពីប្រជាជន និងប្រធានាធិបតីប៉េរូផ្ទាល់ផងដែរដើម្បីសុំឲ្យ Guerrero បានបង្ហាញខ្លួនសម្រាប់ក្រុមជម្រើសជាតិនៅ World Cup លើកទី២២នេះ។
ក្រុមជម្រើសជាតិប៉េរូ ស្ថិតក្នុងពូល C ដែលត្រូវប៉ះក្រុមខ្លាំងបារាំង អូស្ត្រាលី និងដាណឺម៉ាក។ ការប្រកួតដំបូងរបស់ពួកគេនឹងត្រូវជួបដាណឺម៉ាកនៅថ្ងៃទី១៦ ខែមិថុនា វេលាម៉ោង ១១យប់(ម៉ោងនៅកម្ពុជា)៕
ទីបំផុត Guerrero អាចមានវត្តមានក្នុងព្រឹត្តិការណ៍កីឡាបាល់ទាត់ពិភពលោកជាលើកដំបូងរបស់ខ្លួន បន្ទាប់ពីតុលាការស្វ៊ីសបានសម្រេចយល់ព្រមលើកលែងបម្រាមលើប្រធានក្រុមជម្រើសជាតិប៉េរូរូបនេះបណ្ដោះអាសន្នសិន ដើម្បីពិចារណាការប្ដឹងឧទ្ធរណ៍លើបម្រាមខាងលើ ទៅថ្ងៃក្រោយវិញ។
តុលាការខាងលើលើកឡើងថាការពិន័យនេះហាក់មិនសមហេតុផលដែរចំពោះខ្សែប្រយុទ្ធក្រុម Flamengo ដែលត្រូវខកខានក្នុងព្រឹត្តិការណ៍ World Cup ជាលើកដំបូង និងប្រហែលជាលើកចុងក្រោយទៀតផងនោះ ទើបសម្រេចឲ្យរបស់គេមានសេរីភាពលេងនៅរុស្ស៊ីខែក្រោយនេះ។
ខ្សែប្រយុទ្ធវ័យ៣៤ឆ្នាំ ត្រូវបានហាមឃាត់ក្នុងសកម្មភាពកីឡាបាល់ទាត់រយៈពេល ១៤ ខែ កាលពីថ្ងៃទី១៤ ខែឧសភាពីសំណាក់តុលាការអាជ្ញាកណ្តាលកីឡា (CAS) ក្រោយធ្វើតេស្តរកឃើញថាមានផ្ទុកសារធាតុកូកាអ៊ីន ដែលនឹងធ្វើឲ្យរូបគេខកខានទៅចូលរួមជាមួយក្រុមជម្រើសជាតិប៉េរូក្នុងការប្រកួតបាល់ទាត់ពិភពលោកនៅរុស្ស៊ីខែក្រោយនេះ។
មុនពេលលុបចោលការហាមប្រាមនេះ ក៏មានការតវ៉ាពីសំណាក់ប្រធានក្រុមជម្រើសជាតិ៣រូបដែលស្ថិតក្នុងពូល C ជាមួយប៉េរូ រួមមាន Mile Jedinak របស់អូស្ត្រាលី Simon Kjaer របស់ដាណឺម៉ាក និង Hugo Lloris អ្នកចាំទីបារាំងបានសរសេរលិខិតរួមគ្នាទៅកាន់ FIFA សុំឲ្យពួកគេលើកលែងបម្រាមនេះដែរ។ ក្រៅពីនោះ ក៏មានការតវ៉ាពីប្រជាជន និងប្រធានាធិបតីប៉េរូផ្ទាល់ផងដែរដើម្បីសុំឲ្យ Guerrero បានបង្ហាញខ្លួនសម្រាប់ក្រុមជម្រើសជាតិនៅ World Cup លើកទី២២នេះ។
ក្រុមជម្រើសជាតិប៉េរូ ស្ថិតក្នុងពូល C ដែលត្រូវប៉ះក្រុមខ្លាំងបារាំង អូស្ត្រាលី និងដាណឺម៉ាក។ ការប្រកួតដំបូងរបស់ពួកគេនឹងត្រូវជួបដាណឺម៉ាកនៅថ្ងៃទី១៦ ខែមិថុនា វេលាម៉ោង ១១យប់(ម៉ោងនៅកម្ពុជា)៕
Tag:
បាល់ទាត់
Paolo Guerrero
FIFA World Cup
GroupC
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
