សមត្ថកិច្ច ចាប់ខ្លួនមេខ្យល់មួយក្រុម ដែលនាំស្ត្រីខ្មែររៀបការខុសច្បាប់ជាមួយជនជាតិចិន

ជាតិ

សង្គមជាតិ

សមត្ថកិច្ច ចាប់ខ្លួនមេខ្យល់មួយក្រុម ដែលនាំស្ត្រីខ្មែររៀបការខុសច្បាប់ជាមួយជនជាតិចិន

03, Jun 2018 , 5:39 pm

រូបភាព

ដោយ: ថ្មីៗ

ភ្នំពេញ៖ សមត្ថកិច្ច ចាប់ខ្លួនជនសង្ស័យ៤នាក់ ដែលនាំនារីខ្មែរចំនួន ៣០នាក់ យកទៅលក់ឲ្យបុរសជនជាតិចិន ដើម្បីធ្វើជាប្រពន្ធ ។ សកម្មភាពជនសង្ស័យទាំងនេះ បានប្រព្រឹត្តពីឆ្នាំ២០១៤ រហូតដល់ឆ្នាំ២០១៨ ។

តាមការស្រាវជ្រាវរបស់នគរបាលនាយកដ្ឋានប្រឆាំងការជួញដូរ ជនសង្ស័យទាំង៤នាក់នេះ បានធ្វើសកម្មភាពឃោសនាជ្រើសរើសនារីខ្មែរ៣០នាក់ទៅប្រទេសចិន ដោយគិតជាតម្លៃក្នុងម្នាក់ៗ ចាប់ពី៥ពាន់ទៅ ១ម៉ឺនដុល្លារអាមេរិក ដើម្បីរៀបចំអាពាហ៍ពិពាហ៍ជាមួយជនជាតិចិន។ ជនសង្ស័យទាំង៤រូបនេះ ជាជនជាតិខ្មែរ ។

ជនសង្ស័យទាំង៤រូប ត្រូវបាននគរបាលនាយកដ្ឋានប្រឆាំងការជួញដូរបញ្ជូលទៅតុលាការ ដើម្បីចាត់វិធានដោះស្រាយទៅតាមនីតិវិធីច្បាប់។

អត្ថបទទាក់ទង

លោកស្រី ជូ ប៊ុនអេង៖ ស្ត្រីខ្មែររងគ្រោះច្រើនជាងគេនៅចិន តាមរយៈការជួញដូរ និងរៀបការ

កន្លងមកអាជ្ញាធរ ធ្លាប់បានបង្ហាញរបាយការណ៍ថា ស្ត្រីខ្មែររងគ្រោះ ដោយសារការជួញដូរ និងចាញ់បោកមេខ្យល់លួងលោមច្រើនជាងគេ គឺនៅប្រទេសចិន។ សមត្ថកិច្ចកម្ពុជា-ចិន បានជួយស្ត្រីរងគ្រោះខ្មែរទាំងនោះ ត្រលប់មកស្រុកកំណើតវិញ យ៉ាងហោចណាស់ ៦០នាក់ក្នុង១ឆ្នាំ៕