អត្ថបទពាណិជ្ជកម្ម
ទើបប្រឡូកចូលទីផ្សារកម្ពុជា សាកាណា អាហារជប៉ុន និងស៊ុប ចង់ឲ្យអាហារជប៉ុន និងស៊ុប ក្លាយជាទម្លាប់ញ៉ាំប្រចាំថ្ងៃរបស់ខ្មែរ
× ដោយមើលឃើញថា ប្រជាជនកម្ពុជា ជាពិសេសអ្នករស់នៅរាជធានីភ្នំពេញ ចាប់ផ្តើមទទួលទានអាហារខាងក្រៅកាន់តែញឹកញាប់ យ៉ាងហោចណាស់ម្តងក្នុងមួយខែ ជាមួយមិត្ភភក្តិ មិត្តរួមការងារ ឬគ្រួសារ។ ទន្ទឹមនឹងនេះ កម្ពុជា ក៏កំពុងមានកំណើនជនបរទេស ដែលក៏ជាផ្នែកមួយ ទាក់ទាញវត្តមានអ្នកផ្គត់ផ្គង់សម្រាប់ពួកគេ ក៏កើនឡើងដែរ ជាពិសេសផ្នែកភោជនីយដ្ឋានតែម្តង។
អ្វីដែលគួរឲ្យកត់សម្គាល់ជាងនេះទៅទៀត គឺស្ថានភាពបច្ចុប្បន្ននៅកម្ពុជា គឺស្រដៀងគ្នាទៅនឹងប្រទេសថៃ កាលពីឆ្នាំ ២០០៤ នៅពេលដែលភោជនីយដ្ឋានជប៉ុន បានចាប់ផ្តើមអភិវឌ្ឍជាបន្តបន្ទាប់រហូតធ្វើឲ្យអាហារទាំងនោះ ក្លាយជាអាហារប្រចាំថ្ងៃរបស់ពួកគេ ។ ភោជនីយដ្ឋាន អូអ៊ីឈិ ដែលបានបង្កើតឡើងក្នុងឆ្នាំ ១៩៩៩ ហើយបច្ចុប្បន្នកំពុងមានប្រជាប្រិយភាពយ៉ាងខ្លាំងជាពិសេសគឺ គោលការណ៍ អាហារប៊ុហ្វេរ «គ្រប់យ៉ាងអ្នកអាចញ៉ាំ» ត្រឹមតែ 500 បាត ឬ $12.50 ។
បច្ច័យនេះហើយ ទើប ភោជនីយដ្ឋានមួយមានឈ្មោះថា សាកាណា អាហារជប៉ុននិង ស៊ុប មានវត្តមាននៅកម្ពុជានា ខែឧសភា ឆ្នាំ២០១៨នេះ ដោយមានទស្សនៈវិស័យ ធ្វើឲ្យ«អាហារជប៉ុននិងស៊ុបក្លាយជាផ្នែកនៃទម្លាប់ ញ៉ាំប្រចាំថ្ងៃរបស់ខ្មែរ» ។
ដើម្បីធ្វើទស្សនៈវិស័យខាងលើនេះសម្រេចបាន សាកាណា អាហារជប៉ុន និងស៊ុប បានដាក់ចេញនូវគោលការណ៍យុទ្ធសាស្ត្រមួយចំនួន ដូចជាធ្វើឱ្យរសជាតិនៃម្ហូបជប៉ុន អាចទទួលយកបានដោយខ្មែរ និងបង្រៀនពួកគេពីរបៀបហូប ជាមួយនឹងការចំណាយសមរម្យដូចហូបម្ហូបខ្មែរ និងត្រឡប់ទៅផ្ទះឆ្អែត ឆ្ងាញ់ ឆ្លាត បែបសុខភាព ។ សាកាណា អាហារជប៉ុន និងស៊ុប បានរៀបចំរសជាតិមុខម្ហូបដល់ទៅជាង 70 មុខ បម្រើជូនទាំង ស្រស់ បំពង និងស៊ុប ពីចុងភៅ និងមេចុងភៅដែលមានបទពិសោធ ២៤ឆ្នាំ ក្នុង វិស័យភោជនីយដ្ឋាន ជាពិសេសជាមួយ ភោជនីយដ្ឋានជប៉ុនដ៏ល្បីមួយក្នុងទីក្រុងភ្នំពេញ។
សូមបញ្ជាក់ផងដែរថា ម្ហូបអាហារទាំងនោះ ត្រូវបានបែងចែកជាមុខម្ហូបពិសេសសម្រាប់យុវវ័យចំនួន ១០ មុខ មុខម្ហូបទូទៅសម្រាប់អ្នកធ្វើការជាង ៦០មុខ និងមុខម្ហូបសម្រាប់ក្រុមគ្រួសារ ឬជាក្រុម បែបស៊ុប ចំនួន២មុខ។ មុខម្ហូបពិសេសចំនួន ១០ មុខ ដែលរៀបចំសម្រាប់យុវវ័យ គឺមានតម្លៃត្រឹម 1,000 រៀល ($0.25) ក្នុងមួយដុំ។ ឯមុខម្ហូបទូទៅជាង ៦០ មុខ សម្រាប់អ្នកធ្វើការ មានតម្លៃចាប់ពី ៤ពាន់រៀល ($1.00) ដល់ ៦ ម៉ឺនរៀល ($15.00) ក្នុងមួយឈុត។
សម្រាប់អាហារពេលព្រឹក លោកអ្នកចំណាយត្រឹម៨ពាន់រៀល ($2.00) សម្រាប់អាហារដូចជា មីត្រជាក់ហ៊ីយ៉ាស៊ិ (Hiyashi Somen), គុយទាវអ៊ូដុងបង្គា (Tempura Udon), ស៊ុបគីមឈីសាច់បង្គា/សាច់គោ/សាច់ជ្រូក/សាច់មឹក (Kimchi Soup + Ebi/beef/pork/squid/), គុយទាវកាម៉ាបុកុ (Kamaboko Udon), មីគោកហ៊ីយ៉ាស៊ិ (Hiyashi Shuga), មីស៊ុបហ៊ីយ៉ាស៊ិអុដុង (Hiyashi Udon) ជាដើម។
កាន់តែពិសេសលើមុខម្ហូបប្រចាំជាង៧០រសជាតិនេះ សាកាណា អាហារជប៉ុន និងស៊ុប បានបង្កើតមុខម្ហូបថ្មី រៀងរាល់ពីរសប្តាហ៌ម្តង ដោយការច្នៃប្រឌិត ពីចុងភៅក្នុងហាងផ្ទាល់ និងតាមរយៈការដកបទពិសោធពីភោជនីយដ្ឋានខាងក្រៅផង ដើម្បីនាំយកមក នូវមុខម្ហូប ដែលសក្តិសមសម្រាប់អតិថិជនគោលដៅ។ ជាមួយគ្នានេះ យើងក៏កំពុងផ្តួចផ្តើមគំនិត ផ្សំគ្នារវាងមុខម្ហូបដែលមានស្រាប់ ដើម្បីសម្រេចគោលដៅអាហារប៊ុហ្វេ «ញ៉ាំម៉ាស្រលាញ់ត្រឹម 50,000 រៀល ឬ $12.50» ។
បន្ថែមពីលើមុខម្ហូបទាំងនេះ យើងក៏មានបម្រើផងដែរ នូវទឹកផ្លែឈើស្រស់ៗ ដែលជាទីពេញនិយម សម្រាប់ពេលបច្ចុប្បន្ន ដូចជាទឹកផាសិនសូដា (Passion Soda), ទឹកផាសិនដោះគោឆៅ (Passion Milk), ទឹកប៉មក្រឡុក (Apple Juice), ទឹកដូងក្រឡុក (Coconut Juice), ទឹកម្នាស់ក្រឡុក (Pineapple Juice), ទឹកឪឡឹកក្រឡុក (Watermelon Juice), ទឹកប័រក្រឡុក (Avocado Juice), ទឹកក្រូចច្របាច់ (Orange Juice), ទឹកតែក្រូចឆ្មា (Tea Sour Juice) ជាដើម។ ទន្ទឹមនឹងនេះ កាហ្វេឆុងភ្លាមៗ ក៏កំពុងសិក្សា ដាក់ឲ្យដំណើរការផងដែរ។
ចំណែកឯបរិយាកាសនៅក្នុងភោជនីយដ្ឋានវិញ គឺត្រូវបានរចនាឡើងដោយការបញ្ចូលគ្នារវាងវប្បធម៌ទាំងពីរ (កម្ពុជា-ជប៉ុន) ដើម្បីធ្វើឲ្យភ្ញៀវទទួលអារម្មណ៍ថា កំពុងទទួលទានអាហារនៅក្នុងភោជនីយដ្ឋានមួយ នៅក្នុងប្រទេសរបស់ពួកគេ។ ជាមួយនឹងបរិយាកាសដ៏ត្រជាក់ ក្រោមកម្លាំងម៉ាស៊ីនត្រជាក់ក្នុងក្នុងភោជនីយដ្ឋា អតិថិជនក៏អាចរីករាយនឹងការប្រើប្រាស់ វាយហ្វាយ ដែលល្បឿនលឿន ដែលនឹងបង្កើឲ្យបរិយាកាសនៃការជួបជុំគ្នាកាន់តែស្និទ្ធស្នាល។
ដោយឡែក សម្ភារចុងភៅ និងផ្នែកសេវាកម្ម គឺត្រូវបានរៀបចំស្របតាមស្តង់ដាភោជនីយដ្ឋានជប៉ុន គឺរាប់ចាប់ពីឧបករណ៍ធំៗ រហូតដល់សម្ភារតូចៗ ដូចជាទូស៊ុស៊ី កាំបិត ចាន ឆ្នាំង កែវ ជាដើម មើលទៅមានលក្ខណៈជប៉ុន និងអនាម័យ។
ទន្ទឹមនឹងនេះ អតិថិជននឹងទទួលបានបទពិសោធថ្មីៗ ពីភោជនីយដ្ឋានជប៉ុន សាកាណា អាហារជប៉ុននិង ស៊ុប ដែលមានស្តង់ដារល្អ ជាមួយនឹងការបម្រើសេវាកម្មរហ័សទាន់ចិត្ត និងដោយការយកចិត្តទុកដាក់ រួសរាយរាក់ទាក់ ការតុបតែងខ្លួនសមរម្យ និងការនិយាយស្តីប្រកបដោយការគោរព ពីបុគ្គលិកបម្រើសេវាកម្មយើងខ្ញុំ។
«សាកាណា អាហារជប៉ុននិង ស៊ុប» មានទីតាំងអគារលេខ ៤៧០ លើបណ្តោយមហាវិថីព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន ក្បែរមជ្ឈមណ្ឌលកំសាន្តរ៉ក់។ ក្រៅតែមានទីតាំងដែលងាយស្រួលស្វែងរកហើយ «សាកាណា អាហារជប៉ុននិង ស៊ុប» ក៏ផ្តល់អាទិភាពទៅលើចំណតយានយន្តរបស់អតិថិជនផងដែរ។ ភោជនីយដ្ឋាន «សាកាណា អាហារជប៉ុន និងស៊ុប» បានរៀបចំចំណតដ៏ធំទូលាយដល់ទៅ២ទីតាំង ដែលកាន់តែផ្តល់នូវភាពងាយស្រួលដល់អតិថិជន។ ទីតាំងទី១ នៅក្នុងដីឡូត៍ចំណតរ៉ក់ ខាងក្រោយភោជនីយដ្ឋាន និងមួយទៀតគឺនៅចំណតមុខមជ្ឈមណ្ឌលកំសាន្តរ៉ក់៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com