អន្តរជាតិ
កូរ៉េខាងជើងដូរក្បាលម៉ាស៊ីនកងទ័ព ស្របពេលឈានទៅចរចានុយក្លេអ៊ែរជាមួយអាមេរិក
លោក គីម ជុងអ៊ុន និងមន្ត្រីជាន់ខ្ពស់យោធាក្នុងពិធីខួបទី៧០ ថ្ងៃកំណើតកងទ័ពប្រជាជនកូរ៉េ (រូបភាព AFP)
×![]()
ដោយ: តន ចាន់រិទ្ធារ៉ា
នៅកូរ៉េខាងជើង មន្ត្រីយោធាកំពូលៗបីរូប បានអស់តំណែងក្នុងការរុះរើក្បាលម៉ាស៊ីនកងទ័ព ស្របពេលដែលកូរ៉េខាងជើង និងអាមេរិកកំពុងជជែកគ្នាពីការរំសាយនុយក្លេអ៊ែរ។ នៅថ្ងៃទី៤ ខែមិថុនា ទីភ្នាក់ងារព័ត៌មានកូរ៉េខាងត្បូង Yonhap បានស្រង់សម្ដីមន្ត្រីចារកម្មម្នាក់ថា ការផ្លាស់ប្ដូរតំណែងនេះក៏ទំនងជាពង្រឹងអំណាចរបស់ប្រមុខដឹកនាំកំពូល គីម ជុងអ៊ុន លើយោធានៅចំពេលដែលស្ថានការណ៍ក្នុងស្រុក និងក្រៅស្រុកវិវត្តគួរឲ្យកត់សម្គាល់។
ដោយស្រង់ប្រភពពីមន្ត្រីចារកម្មមិនបង្ហាញអត្តសញ្ញាណម្នាក់ ទីភ្នាក់ងារព័ត៌មាន Yonhap ផ្សាយថា តំណែងរដ្ឋមន្ត្រីកងទ័ពប្រជាជន នាយសេនាធិការកងទ័ពប្រជាជនកូរ៉េ និងនាយកការិយាល័យកិច្ចការនយោបាយរបស់កងទ័ព ត្រូវបានផ្លាស់ប្ដូរ។ ការផ្លាស់ប្ដូរមន្ត្រីគ្រាក់ៗនេះ អាចជាផ្នែកនៃយុទ្ធសាស្ត្រថ្មីរបស់លោក គីម ជុងអ៊ុន ក្នុងការពង្រីកអំណាចផង និងការងាកទៅអភិវឌ្ឍសេដ្ឋកិច្ចផង ខណៈការចរចារឿងនុយក្លេអ៊ែរជាមួយអាមេរិកនឹងនាំដល់ការលើកលែងទណ្ឌកម្មទៅទៀត។
បើតាមប្រព័ន្ធផ្សព្វផ្សាយកូរ៉េខាងត្បូង ឧត្តមសេនីយ៍ ណូ ក្វាងឈុល (No Kwang-chol) ដែលជាអនុរដ្ឋមន្ត្រីកងទ័ពប្រជាជន ក្លាយជារដ្ឋមន្ត្រីជំនួសឧត្តមសេនីយ៍ ប៉ាក់ យ៉ុងស៊ីក (Pak Yong-sik) ខណៈ ឧត្តមសេនីយ៍ រី យ៉ុងគីល (Ri Yong-gil) ក៏ឡើងតំណែងជានាយសេធិការកងទ័ពប្រជាជនកូរ៉េជំនួសសេនាប្រមុខរង រី ម្យុងស៊ូ (Ri Myong-su)។ ឯឧត្តមសេនីយ៍ គីម ស៊ូគីល (Kim Su-gil) វិញក៏ក្លាយជានាយកការិយាល័យកិច្ចការនយោបាយជំនួសឧត្តមសេនីយ៍ គីម ជុងកាក់ (Kim Jong-gak) ដែរ។
ការផ្លាស់ប្ដូរក្បាលម៉ាស៊ីនយោធានេះ ទំនងជាធ្វើឡើងក្នុងកិច្ចប្រជុំគណៈកម្មការយោធាមជ្ឈិមកាលពីពាក់កណ្ដាលខែឧសភាកន្លងមក។ ប្រមុខដឹកនាំកំពូលកូរ៉េខាងជើង គីម ជុងអ៊ុន បានដឹកនាំកិច្ចប្រជុំគណៈកម្មការយោធាដ៏មានឥទ្ធិពលនេះ ដោយសម្រេចផ្លាស់ប្ដូរតំណែងមន្ត្រីយោធាជាច្រើនផង។ កាលនោះ មានតែការផ្លាស់ប្ដូរតំណែងនាយកការិយាល័យកិច្ចការនយោបាយប៉ុណ្ណោះ ដែលត្រូវបានបញ្ជាក់ផ្លូវការដោយប្រព័ន្ធផ្សព្វផ្សាយកូរ៉េខាងជើង។
មន្ត្រីចារកម្មកូរ៉េខាងត្បូងដែលមិនបញ្ចេញឈ្មោះដដែលអះអាងថា ការតែងតាំងមន្ត្រីយោធាជាន់ខ្ពស់នេះ ធ្វើឡើងស្របពេលមានការប្រែប្រួលក្នុងទំនាក់ទំនងអន្តរកូរ៉េ និងស្ថានការណ៍ឧបទ្វីបកូរ៉េ ហើយឧត្តមសេនីយ៍ ណូ ក្វាងឈុល ត្រូវបានមើលឃើញថា ជាបុគ្គលមាននិន្នាការកណ្ដាល។ ការរុះរើនេះ ក៏មានគោលដៅត្រួតត្រាក្រុមយោធាផង ព្រោះពួកគេអាចប្រឆាំងកិច្ចព្រមព្រៀងរំសាយនុយក្លេអ៊ែរ ដែលអាចកើតឡើងក្នុងជំនួបមេដឹកនាំអាមេរិក និងកូរ៉េខាងជើងនៅខែក្រោយ។
លើសពីនោះ មេដឹកនាំវ័យក្មេងកូរ៉េខាងជើងអាចមានបំណងឲ្យកងទ័ពមានតួនាទីសំខាន់ក្នុងការស្ថាបនាហេដ្ឋារចនាសម្ព័ន្ធធំៗរបស់ប្រទេស។ នេះក៏ព្រោះតែនាយកការិយាល័យកិច្ចការនយោបាយ គីម ស៊ូគីល បានអមដំណើរលោក គីម ទៅត្រួតពិនិត្យការដ្ឋានសាងសង់ទីក្រុងមាត់ឆ្នេរនៅវ៉ុនសាន។ គម្រោងអភិវឌ្ឍនេះមានគោលដៅទាក់ទាញភ្ញៀវទេសចរទៅកូរ៉េខាងជើងឲ្យច្រើន ស្របពេលកំពុងរងទណ្ឌកម្មជុំទិសទីនោះ៕
ដោយស្រង់ប្រភពពីមន្ត្រីចារកម្មមិនបង្ហាញអត្តសញ្ញាណម្នាក់ ទីភ្នាក់ងារព័ត៌មាន Yonhap ផ្សាយថា តំណែងរដ្ឋមន្ត្រីកងទ័ពប្រជាជន នាយសេនាធិការកងទ័ពប្រជាជនកូរ៉េ និងនាយកការិយាល័យកិច្ចការនយោបាយរបស់កងទ័ព ត្រូវបានផ្លាស់ប្ដូរ។ ការផ្លាស់ប្ដូរមន្ត្រីគ្រាក់ៗនេះ អាចជាផ្នែកនៃយុទ្ធសាស្ត្រថ្មីរបស់លោក គីម ជុងអ៊ុន ក្នុងការពង្រីកអំណាចផង និងការងាកទៅអភិវឌ្ឍសេដ្ឋកិច្ចផង ខណៈការចរចារឿងនុយក្លេអ៊ែរជាមួយអាមេរិកនឹងនាំដល់ការលើកលែងទណ្ឌកម្មទៅទៀត។
បើតាមប្រព័ន្ធផ្សព្វផ្សាយកូរ៉េខាងត្បូង ឧត្តមសេនីយ៍ ណូ ក្វាងឈុល (No Kwang-chol) ដែលជាអនុរដ្ឋមន្ត្រីកងទ័ពប្រជាជន ក្លាយជារដ្ឋមន្ត្រីជំនួសឧត្តមសេនីយ៍ ប៉ាក់ យ៉ុងស៊ីក (Pak Yong-sik) ខណៈ ឧត្តមសេនីយ៍ រី យ៉ុងគីល (Ri Yong-gil) ក៏ឡើងតំណែងជានាយសេធិការកងទ័ពប្រជាជនកូរ៉េជំនួសសេនាប្រមុខរង រី ម្យុងស៊ូ (Ri Myong-su)។ ឯឧត្តមសេនីយ៍ គីម ស៊ូគីល (Kim Su-gil) វិញក៏ក្លាយជានាយកការិយាល័យកិច្ចការនយោបាយជំនួសឧត្តមសេនីយ៍ គីម ជុងកាក់ (Kim Jong-gak) ដែរ។
ការផ្លាស់ប្ដូរក្បាលម៉ាស៊ីនយោធានេះ ទំនងជាធ្វើឡើងក្នុងកិច្ចប្រជុំគណៈកម្មការយោធាមជ្ឈិមកាលពីពាក់កណ្ដាលខែឧសភាកន្លងមក។ ប្រមុខដឹកនាំកំពូលកូរ៉េខាងជើង គីម ជុងអ៊ុន បានដឹកនាំកិច្ចប្រជុំគណៈកម្មការយោធាដ៏មានឥទ្ធិពលនេះ ដោយសម្រេចផ្លាស់ប្ដូរតំណែងមន្ត្រីយោធាជាច្រើនផង។ កាលនោះ មានតែការផ្លាស់ប្ដូរតំណែងនាយកការិយាល័យកិច្ចការនយោបាយប៉ុណ្ណោះ ដែលត្រូវបានបញ្ជាក់ផ្លូវការដោយប្រព័ន្ធផ្សព្វផ្សាយកូរ៉េខាងជើង។
មន្ត្រីចារកម្មកូរ៉េខាងត្បូងដែលមិនបញ្ចេញឈ្មោះដដែលអះអាងថា ការតែងតាំងមន្ត្រីយោធាជាន់ខ្ពស់នេះ ធ្វើឡើងស្របពេលមានការប្រែប្រួលក្នុងទំនាក់ទំនងអន្តរកូរ៉េ និងស្ថានការណ៍ឧបទ្វីបកូរ៉េ ហើយឧត្តមសេនីយ៍ ណូ ក្វាងឈុល ត្រូវបានមើលឃើញថា ជាបុគ្គលមាននិន្នាការកណ្ដាល។ ការរុះរើនេះ ក៏មានគោលដៅត្រួតត្រាក្រុមយោធាផង ព្រោះពួកគេអាចប្រឆាំងកិច្ចព្រមព្រៀងរំសាយនុយក្លេអ៊ែរ ដែលអាចកើតឡើងក្នុងជំនួបមេដឹកនាំអាមេរិក និងកូរ៉េខាងជើងនៅខែក្រោយ។
លើសពីនោះ មេដឹកនាំវ័យក្មេងកូរ៉េខាងជើងអាចមានបំណងឲ្យកងទ័ពមានតួនាទីសំខាន់ក្នុងការស្ថាបនាហេដ្ឋារចនាសម្ព័ន្ធធំៗរបស់ប្រទេស។ នេះក៏ព្រោះតែនាយកការិយាល័យកិច្ចការនយោបាយ គីម ស៊ូគីល បានអមដំណើរលោក គីម ទៅត្រួតពិនិត្យការដ្ឋានសាងសង់ទីក្រុងមាត់ឆ្នេរនៅវ៉ុនសាន។ គម្រោងអភិវឌ្ឍនេះមានគោលដៅទាក់ទាញភ្ញៀវទេសចរទៅកូរ៉េខាងជើងឲ្យច្រើន ស្របពេលកំពុងរងទណ្ឌកម្មជុំទិសទីនោះ៕
Tag:
កូរ៉េខាងជើង
អាមេរិក
គីម ជុងអ៊ុន
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
