សម្ដេច ហ៊ុន សែន រិះគន់គោលនយោបាយដេញជនអន្តោប្រវេសវៀតណាមខុសច្បាប់ពីកម្ពុជា

ជាតិ

នយោបាយជាតិ

សម្ដេច ហ៊ុន សែន រិះគន់គោលនយោបាយដេញជនអន្តោប្រវេសវៀតណាមខុសច្បាប់ពីកម្ពុជា

06, Jun 2018 , 9:40 am

រូបភាព

ដោយ: សារព័ត៌មានថ្មីៗ

ភ្នំពេញ៖ ពីពិធីជួបសំណេះសំណាលជាមួយកម្មកររោងចក្រជាង២ម៉ឺននាក់ នៅកំពង់ចាម នៅថ្ងៃទី៦ មិថុនានេះ សម្ដេចនាយករដ្ឋមន្ត្រី ហ៊ុន សែន បានរិះគន់គោលនយោបាយដេញជនអន្តោប្រវេសវៀតណាមខុសច្បាប់ពីកម្ពុជា ដោយប្រើរយៈពេល៨ថ្ងៃ នៅពេលដែលពួកគេឈ្នះឆ្នោត ឡើងកាន់អំណាច។

សម្ដេច ហ៊ុន សែន ចាត់ទុកគោលនយោបាយដេញជនអន្តោប្រវេស ជាវិធានការជ្រុលនិយម ដែលពិបាកអនុវត្ត ហើយវាអាចបង្កឲ្យមានជម្លោះជាមួយប្រទេសជិតខាងផងដែរ ។ ជាពិសេសជម្លោះជាមួយប្រទេសវៀតណាម។ បើតាមសម្ដេច មុនប្រើគោលនយោបាយបែបនេះ អ្នកនយោបាយត្រូវគិតគូរឲ្យបានច្បាស់សិន ដើម្បីបញ្ចៀសបញ្ហាជាមួយប្រទេសដទៃ។

អត្ថបទទាក់ទង

បើគណបក្សយុវជនកម្ពុជាឈ្នះឆ្នោត គឺប្រើពេលតែ៨ម៉ោង ដើម្បីលុបបំបាត់ជនអន្តោប្រវេសន៍ខុសច្បាប់

កន្លងមកប្រធានគណបក្សយុវជនកម្ពុជា លោក ពេជ្រ ស្រស់ បានដាក់ចេញគោលដៅបោសសម្អាតជនអន្តោប្រវេសខុសច្បាប់ ជាពិសេសជនជាតិវៀតណាម ដែលរស់នៅប្រទេសកម្ពុជា ដោយប្រើរយៈពេលតែ៨ម៉ោងប៉ុណ្ណោះ នៅពេលដែលគណបក្សមួយនេះ ឈ្នះឆ្នោតដឹកនាំរដ្ឋាភិបាល។

ក្រៅពីនេះលោក ពេជ្រ ស្រស់ បានគោលនយោបាយផ្ដោតលើការដោះស្រាយបញ្ហាជាអាទិ៍មួយចំនួន ដូចជា ការពង្រឹងវិស័យអប់រំ និងធានាឲ្យយុវជនមានការងារធ្វើ ហើយប្រាក់ខែ៣០០ដុល្លារ ,ធានាតម្លៃកសិកម្ម និងកសិឧស្សាហកម្ម ,ការកសាងផ្លូវក្រាលកៅស៊ូ និងអភិវឌ្ឍន៍តាមព្រំដែន ,ពង្រឹងវិស័យសុខាភិបាលជាដើម៕