អន្តរជាតិ
ដូណាល់ ត្រាំ កំពុងច្រានសម្ព័ន្ធមិត្តឲ្យទៅឆ្ងាយ ហើយរុញសត្រូវអាមេរិកឲ្យចាប់ដៃគ្នា
រូបភាព NBC
×![]()
សម្ព័ន្ធមិត្តអាមេរិកនៅអឺរ៉ុប និងកាណាដា ផងនោះមិនពេញចិត្តឡើយចំពោះគោលជំហរនិងឥរិយាបថរបស់លោក ដូណាល់ ត្រាំ លើឆាកអន្តរជាតិជាពិសេសការធ្វើសង្គ្រាមពាណិជ្ជកម្ម។ មេដឹកនាំអាមេរិករូបនេះចាប់ផ្តើមឈ្លោះជាមួយសម្ព័ន្ធមិត្តរួចទៅហើយ មុនពេលមកចូលរួមកិច្ចប្រជុំប្រទេសសេដ្ឋកិច្ចជឿនលឿន ៧ (G7) នៅកាណាដាសប្តាហ៍នេះ។ ចំណែកសត្រូវអាមេរិកមានរុស្ស៊ី និងចិនឯណោះវិញកំពុងពង្រឹងចំណងមិត្តភាពជាមួយគ្នា ហើយក៏សប្បាយចិត្តដែលអាមេរិកកាន់ដើរផ្ទុយគេឯង និងកាន់តែឯកោលើឆាកអន្តរជាតិដូចគ្នា។
នៅត្រឹមខែមិនថុនានេះ លោក ដូណាល់ ត្រាំ កាន់អំណាចបានមួយឆ្នាំកន្លះហើយ។ អ្វីដែលអ្នកជំនាញខ្លះកត់សម្គាល់ថា ចំណុចចម្បងបំផុតក្នុងអាណត្តិរបស់ប្រធានាធិបតីដែលមានប្រវត្តិជាអ្នកជំនួញនេះ គឺការបង្កើតបញ្ហា ដែលធ្វើឲ្យអាមេរិកបាត់បង់ឥទ្ធិពល រុញសម្ព័ន្ធមិត្តទៅឆ្ងាយ និងរុញសត្រូវឲ្យកាន់តែកៀកជិតគ្នា។
ដូចឃើញស្រាប់ហើយ លោក ត្រាំ បានអាមេរិកដើរចេញពីកិច្ចព្រមព្រៀងសេដ្ឋកិច្ចភាពជាដៃគូអន្តរប៉ាស៊ីហ្វិកឆ្នាំមុន ហើយបន្តដើរចេញពីកិច្ចព្រមព្រៀងប្រែប្រួលអាកាសធាតុក្រុងប៉ារីសទៀត។ បន្ទាប់មកលោក ត្រាំបន្តបង្កើរឿងរ៉ាវដែលស្មុគស្មាញ និងផ្ទុយពីជំហរសម្ព័ន្ធមិត្តផ្សេងទៀតដូចជាប្តូរទីតាំងស្ថានទូតពី Tel Aviv ទៅក្រុងហ្ស៊េរុយសាឡិម និងព្យាយាមបំផ្លាញកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ផង។ ធ្ងន់ធ្ងរជាងនេះគឺ លោក ត្រាំ បញ្ជាឲ្យគេដាក់ពន្ធប្រឆាំងផលិតផលដែកថែប និងអាលុយមីញ៉ូមរបស់សម្ព័ន្ធមិត្តខ្លួនអឺរ៉ុប កាណាដា និងម៉ិកស៊ិកកន្លងមកថែមទៀតរហូតធ្វើឲ្យប្រទេសទាំងខឹងសម្បារ និងចេញវិធានការតបវិញទៀត។
មកដល់ឥឡូវនេះទៀត លោក ត្រាំ ក៏ចាប់ផ្តើមឆ្លងឆ្លើយពាក្យជាមួយមេដឹកនាំសមាជិកក្រុមប្រទេសសេដ្ឋកិច្ចជឿលឿនប្រាំពីរទៀត ស្របពេលដែលកិច្ចប្រជុំនេះចាប់ផ្តើមនៅថ្ងៃសុក្រទី ៨ ខែមិថុនានេះផង។ មេដឹកនាំប្រទេសប្រាំមួយផ្សេងទៀតនោះក៏ត្រៀមខ្លួនរួចរាល់ដែរដើម្បីប្រឆាំងជំហររបស់អាមេរិកក្នុងការអនុវត្តគោលនយោបាយគាំពារនិយម និងបង្កើតសង្គ្រាមពាណិជ្ជកម្មប្រឆាំងសម្ព័ន្ធមិត្តឯង។ កិច្ចប្រជុំមិនទាន់ចាប់ផ្តើមផង គេឃើញកម្តៅកើនឡើងបាត់ទៅហើយ។ ទម្រាំពេលជួបមុខជជែកគ្នាទៀត វាអាចនឹងធ្ងន់ធ្ងរជាងនេះផងក៏មិនដឹង។ ដូច្នេះហើយ ការមូលមតិគ្នាក្នុងការចេញសេចក្តីថ្លែងការណ៍ក្រោយចប់កិច្ចប្រជុំនោះជារឿងពិបាកគិតដល់ផងដែរ។
១.សម្ព័ន្ធមិត្តអាមេរិកនៅអឺរ៉ុប៖ គ្មានអាមេរិកក៏គ្មានបញ្ហា
មេដឹកនាំបារាំងលោក អេម៉ានុយអែល ម៉ាក្រុង ដែលកំពុងស្ថិតនៅកាណាដា ដើម្បីចូលរួមកិច្ចប្រជុំប្រទេសប្រាំពីរនេះ បានចេញមុខទិតៀនលោក ត្រាំ ខ្លាំង ហើយធ្វើឲ្យលោក ត្រាំ ចេញសារឆ្លើយតបតាមបណ្តាញសង្គម Twitter ថែមទៀត។
ក្នុងសន្និសីទសារព័ត៌មានជាមួយលោក ចាស្ទីន ទ្រូដូ នាយករដ្ឋមន្ត្រីកាណាដានៅថ្ងៃព្រហស្បតិ៍ទី ៧ ខែមិថុនា លោក ម៉ាក្រុង បានឆ្លើយតបនឹងសំណួរអ្នកសារព័ត៌មានថា បើសិនលោក ត្រាំ មិនខ្វល់នឹងភាពឯកោ ក្រុមប្រទេសប្រាំពីរក៏មិនខ្វល់នឹងក្លាយជាក្រុមប្រទេសប្រាំមួយដោយគ្មានអាមេរិកដែរ។ លោកពន្យល់ផងដែរថា ប្រទេសប្រាំមួយនេះនៅសល់នេះមានទីផ្សាធំជាងទីផ្សារអាមេរិកទៀត។
កន្លងមកមេដឹកនាំទាំងពីរបានចេញមុខរិះគន់ចំណាត់ការរបស់លោក ត្រាំផងដែរក្នុងអនុវត្តពន្ធលើផលិតរបស់ដែកថែប និងអាលុយមីញ៉ូម កាណាដា និងអឺរ៉ុប ហើយអ្នកទាំងពីរចាត់ទុកថា វាជាសកម្មភាពឯកតោភាគី និងខុសច្បាប់ថែមទៀត។
យ៉ាងណាក៏ដោយ ប្រធានាធិបតី ត្រាំ បានចេញសារតាម Twitter រិះគន់បារាំង និងកាណាដាពេញៗមាត់ពាក់ព័ន្ធឱនភាពពាណិជ្ជកម្មដែលមានរវាងអាមេរិក និងអឺរ៉ុប ហើយវាបង្កផលប៉ះពាល់ដល់កសិករ និងប្រជាជនអាមេរិកខ្លាំងថែមទៀតផង។
ទំនាក់ទំនងរវាងលោក ត្រាំ និងមេដឹកនាំប្រទេសសម្ព័ន្ធមិត្តកាណាដា លោក ទ្រូដូ និងបារាំងលោក ម៉ាក្រុង មិនសូវល្អទេ ហើយគេបានដឹងក្រោយមានកិច្ចសន្ទនាតាមទូរសព្ទកាលពីថ្មីៗនេះ។ សារព័ត៌មាន CNN ស្រង់ប្រភពដែលស្និទ្ធនឹងមេដឹកនាំខាងលើថា ពេលជជែកជាមួយលោក ទ្រូដូ លោក ត្រាំ បានចោទថា កាណាដាបានដុតកម្ទេចសេតវិមានអាមេរិកឆ្នាំ ១៨១២ ដែលតាមពិតអង់គ្លេសឯណោះទេជាអ្នកដុត។
ពេលលោក ត្រាំ ជជែកតាមទូរសព្ទជាមួយលោក ម៉ាក្រុង ក៏រឹតតែអាក្រក់ថែមទៀត។ ប្រភពស្និទ្ធនឹងកិច្ចសន្ទនារវាងលោក ត្រាំ និងលោក ម៉ាក្រុងដែលផ្តោតសំខាន់លើបញ្ហាពាណិជ្ជកម្ម និងជនអន្តោប្រវេសន៍នោះ បានអះអាងថា ទោះបីទំនាក់ទំនងរវាងលោក ម៉ាក្រុង និងលោក ត្រាំ ល្អក៏ដោយ វាមិនមានការេកភាពគ្នាលើបញ្ហាប្រឈមធំៗដូចជាពាណិជ្ជកម្មឡើយ។ លោក ត្រាំ ហាក់ដូចជាមិនខ្វល់និងមិនស្តាប់កង្វល់របស់សម្ព័ន្ធមិត្តខ្លួនដែរ។
ក្រៅពីរិះគន់ត្រាំ រឿងសង្គ្រាមពាណិជ្ជកម្ម លោក ម៉ាក្រុង បានរិះគន់អាមេរិកផងដែរជុំវិញការការពារកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ នោះ។ លោក ម៉ាក្រុង និយាយថា បើសិនជាអាមេរិកខ្លួនឯងមិនគាំទ្រកិច្ចព្រមព្រៀងអ៊ីរ៉ង់ មហាអំណាចនេះគួរនៅស្ងៀម និងមិនគួរហាមឃាត់គេឯងឡើយព្រោះវាជាជម្រើសរបស់ប្រទេសនីមួយៗប៉ុណ្ណោះ។
២.ដូណាល់ ត្រាំធ្វើឲ្យសត្រូវអាមេរិក ចិន និងរុស្ស៊ីសប្បាយចិត្ត
ដូចបានបញ្ជាក់ខាងដើមស្រាប់ រដ្ឋបាលអាមេរិកកំពុងរុញសម្ព័ន្ធមិត្តឲ្យទៅឆ្ងាយ ហើយរុញច្រានសត្រូវឲ្យកៀកជិតគ្នានាពេលបច្ចុប្បន្ននេះ។ រុស្ស៊ី និងចិនដែលអាមេរិកចាត់ទុកជាការគំរាមកំហែងសន្តិសុខ និងជាប្រទេសបង្កផលប៉ះពាល់ដល់ប្រយោជន៍ខ្លួនលើពិភពលោកនោះកំពុងញញឹមពេលឃើញអាមេរិក កាន់តែឯក និងដើរផ្លូវផ្ទុយពីគេដូច្នេះ។
ឥឡូវនេះ ប្រធានាធិបតីរុស្ស៊ីទើបស្បថចូលកាន់តំណែងលោក វ្ល៉ាឌីមៀ ពូទីន កំពុងព្យាយាមពង្រឹងកិច្ចសហប្រតិបត្តិការនិងទំនាក់ទំនងដែលមានជាមួយប្រធានាធិបតីអាចកាន់អំណាចមួយជីវិតលោក ស៊ី ជិនភីង នៃមហាយក្សចិនផង។ លោកកំពុងបំពេញទស្សនកិច្ចនៅចិននៅថ្ងៃសុក្រទី ៨ ខែមិថុនានេះ ហើយលោកបានអះអាងថា លោកមានទំនាក់ទំនងពិសេសលក្ខណបុគ្គលរវាងលោក និងលោក ស៊ី ផ្ទាល់ថែមទៀត។
ក្នុងបទសម្ភាសន៍ជាមួយទូរទស្សន៍ចិន CGTN លោក ពូទីន បានហៅលោក ស៊ី ថាជាមិត្តល្អ ហើយលោកបង្ហើបថា វាមានតែលោក ស៊ី ម្នាក់គាត់ជាប្រមុខរដ្ឋដែលលោកប្រារព្ធខួបកំណើតរួមគ្នា និងទិញការ៉េមពីរុស្ស៊ីទៅផ្ញើថែមទៀតផង។
ជាទូទៅ ក្រៅពីមានទំនាក់ទំនងស្អិតល្មួតជាមួយគ្នា មេដឹកនាំនៃប្រទេសមហាអំណាចទាំងពីរក៏សុទ្ធតែមិនពេញចិត្តសណ្តាប់ធ្នាប់ពិភពលោកបច្ចុប្បន្នដែលដឹកនាំដោយអាមេរិកនិងលោកខាងលិច ហើយអ្នកទាំងពីរមិនដែរជឿអាមេរិកឡើយ។
មហាយក្សចិនកំពុងស្ថិតក្នុងស្ថានភាពលំបាកក្នុងពេលចរចាជាមួយអាមេរិកដើម្បីទប់ស្កាត់សង្គ្រាមពាណិជ្ជកម្ម ខណៈដែលរុស្ស៊ីឯណោះវិញនៅសិ្ថតក្រោមសម្ពាធសេដ្ឋកិច្ច និងបន្តប្រឈមមុខជាមួយងាមេរិកលើបញ្ហាសន្តិសុខអន្តរជាតិដូចជាអ៊ុយក្រែន និងស៊ីរីផង។ វាជារឿងចាំបាច់ដែលប្រទេសមហាអំណាចទាំងពីរចាំបាច់ត្រូវពង្រឹងទំនាក់ទំនងជាមួយគ្នានៅពេលនេះ ខណៈដែលអាមេរិកកំពុងថមថយឥទ្ធិពល និងកាន់តែឯកោលើឆាកអន្តរជាតិនោះ។
ត្រឡប់មកវិញ បន្ទាប់ពីបញ្ចប់ទស្សនកិច្ចផ្លូវរដ្ឋ លោក ពូទីន ក៏នឹងចូលរួមជាមួយលោក ស៊ី នៅក្នុងកិច្ចប្រជុំកំពូលនៃអង្គការកិច្ចសហប្រតិបត្តិការសៀងហៃផងដែរ ដែលវានឹងត្រូវប្រារព្ធឡើងនៅក្រុង Qingdao ចុងសប្តាហ៍នេះ។
ក្រៅពីចិន និងរុស្ស៊ី អង្គការកិច្ចសហប្រតិបត្តិការសៀងហៃនេះមានសមាជិកភាគច្រើនជាអតីតរដ្ឋសហភាពសូវៀត បូកឥណ្ឌា និងប៉ាគីស្ថានដែរ។ វាមានការវាយតម្លៃផងដែរថា កិច្ចសហប្រតិបត្តិការនេះនេះអាចនឹងក្លាយខ្លួនជាបក្សសម្ព័ន្ធយោធាតំបន់មួយផងនៅពេលអនាគតនោះ។ មហាយក្សចិន និងរុស្ស៊ីអាចនឹងមានឥទ្ធិពលខ្លាំងក្នុងការពង្រឹង ឥទ្ធិពលអង្គការនេះដើម្បីទប់ទល់នឹងឥទ្ធិពលបក្សសម្ព័ន្ធយោធាណាតូរបស់បណ្តាប្រទេសលោកខាងលិច៕
នៅត្រឹមខែមិនថុនានេះ លោក ដូណាល់ ត្រាំ កាន់អំណាចបានមួយឆ្នាំកន្លះហើយ។ អ្វីដែលអ្នកជំនាញខ្លះកត់សម្គាល់ថា ចំណុចចម្បងបំផុតក្នុងអាណត្តិរបស់ប្រធានាធិបតីដែលមានប្រវត្តិជាអ្នកជំនួញនេះ គឺការបង្កើតបញ្ហា ដែលធ្វើឲ្យអាមេរិកបាត់បង់ឥទ្ធិពល រុញសម្ព័ន្ធមិត្តទៅឆ្ងាយ និងរុញសត្រូវឲ្យកាន់តែកៀកជិតគ្នា។
ដូចឃើញស្រាប់ហើយ លោក ត្រាំ បានអាមេរិកដើរចេញពីកិច្ចព្រមព្រៀងសេដ្ឋកិច្ចភាពជាដៃគូអន្តរប៉ាស៊ីហ្វិកឆ្នាំមុន ហើយបន្តដើរចេញពីកិច្ចព្រមព្រៀងប្រែប្រួលអាកាសធាតុក្រុងប៉ារីសទៀត។ បន្ទាប់មកលោក ត្រាំបន្តបង្កើរឿងរ៉ាវដែលស្មុគស្មាញ និងផ្ទុយពីជំហរសម្ព័ន្ធមិត្តផ្សេងទៀតដូចជាប្តូរទីតាំងស្ថានទូតពី Tel Aviv ទៅក្រុងហ្ស៊េរុយសាឡិម និងព្យាយាមបំផ្លាញកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ផង។ ធ្ងន់ធ្ងរជាងនេះគឺ លោក ត្រាំ បញ្ជាឲ្យគេដាក់ពន្ធប្រឆាំងផលិតផលដែកថែប និងអាលុយមីញ៉ូមរបស់សម្ព័ន្ធមិត្តខ្លួនអឺរ៉ុប កាណាដា និងម៉ិកស៊ិកកន្លងមកថែមទៀតរហូតធ្វើឲ្យប្រទេសទាំងខឹងសម្បារ និងចេញវិធានការតបវិញទៀត។
មកដល់ឥឡូវនេះទៀត លោក ត្រាំ ក៏ចាប់ផ្តើមឆ្លងឆ្លើយពាក្យជាមួយមេដឹកនាំសមាជិកក្រុមប្រទេសសេដ្ឋកិច្ចជឿលឿនប្រាំពីរទៀត ស្របពេលដែលកិច្ចប្រជុំនេះចាប់ផ្តើមនៅថ្ងៃសុក្រទី ៨ ខែមិថុនានេះផង។ មេដឹកនាំប្រទេសប្រាំមួយផ្សេងទៀតនោះក៏ត្រៀមខ្លួនរួចរាល់ដែរដើម្បីប្រឆាំងជំហររបស់អាមេរិកក្នុងការអនុវត្តគោលនយោបាយគាំពារនិយម និងបង្កើតសង្គ្រាមពាណិជ្ជកម្មប្រឆាំងសម្ព័ន្ធមិត្តឯង។ កិច្ចប្រជុំមិនទាន់ចាប់ផ្តើមផង គេឃើញកម្តៅកើនឡើងបាត់ទៅហើយ។ ទម្រាំពេលជួបមុខជជែកគ្នាទៀត វាអាចនឹងធ្ងន់ធ្ងរជាងនេះផងក៏មិនដឹង។ ដូច្នេះហើយ ការមូលមតិគ្នាក្នុងការចេញសេចក្តីថ្លែងការណ៍ក្រោយចប់កិច្ចប្រជុំនោះជារឿងពិបាកគិតដល់ផងដែរ។
១.សម្ព័ន្ធមិត្តអាមេរិកនៅអឺរ៉ុប៖ គ្មានអាមេរិកក៏គ្មានបញ្ហា
មេដឹកនាំបារាំងលោក អេម៉ានុយអែល ម៉ាក្រុង ដែលកំពុងស្ថិតនៅកាណាដា ដើម្បីចូលរួមកិច្ចប្រជុំប្រទេសប្រាំពីរនេះ បានចេញមុខទិតៀនលោក ត្រាំ ខ្លាំង ហើយធ្វើឲ្យលោក ត្រាំ ចេញសារឆ្លើយតបតាមបណ្តាញសង្គម Twitter ថែមទៀត។
ក្នុងសន្និសីទសារព័ត៌មានជាមួយលោក ចាស្ទីន ទ្រូដូ នាយករដ្ឋមន្ត្រីកាណាដានៅថ្ងៃព្រហស្បតិ៍ទី ៧ ខែមិថុនា លោក ម៉ាក្រុង បានឆ្លើយតបនឹងសំណួរអ្នកសារព័ត៌មានថា បើសិនលោក ត្រាំ មិនខ្វល់នឹងភាពឯកោ ក្រុមប្រទេសប្រាំពីរក៏មិនខ្វល់នឹងក្លាយជាក្រុមប្រទេសប្រាំមួយដោយគ្មានអាមេរិកដែរ។ លោកពន្យល់ផងដែរថា ប្រទេសប្រាំមួយនេះនៅសល់នេះមានទីផ្សាធំជាងទីផ្សារអាមេរិកទៀត។
កន្លងមកមេដឹកនាំទាំងពីរបានចេញមុខរិះគន់ចំណាត់ការរបស់លោក ត្រាំផងដែរក្នុងអនុវត្តពន្ធលើផលិតរបស់ដែកថែប និងអាលុយមីញ៉ូម កាណាដា និងអឺរ៉ុប ហើយអ្នកទាំងពីរចាត់ទុកថា វាជាសកម្មភាពឯកតោភាគី និងខុសច្បាប់ថែមទៀត។
យ៉ាងណាក៏ដោយ ប្រធានាធិបតី ត្រាំ បានចេញសារតាម Twitter រិះគន់បារាំង និងកាណាដាពេញៗមាត់ពាក់ព័ន្ធឱនភាពពាណិជ្ជកម្មដែលមានរវាងអាមេរិក និងអឺរ៉ុប ហើយវាបង្កផលប៉ះពាល់ដល់កសិករ និងប្រជាជនអាមេរិកខ្លាំងថែមទៀតផង។
ទំនាក់ទំនងរវាងលោក ត្រាំ និងមេដឹកនាំប្រទេសសម្ព័ន្ធមិត្តកាណាដា លោក ទ្រូដូ និងបារាំងលោក ម៉ាក្រុង មិនសូវល្អទេ ហើយគេបានដឹងក្រោយមានកិច្ចសន្ទនាតាមទូរសព្ទកាលពីថ្មីៗនេះ។ សារព័ត៌មាន CNN ស្រង់ប្រភពដែលស្និទ្ធនឹងមេដឹកនាំខាងលើថា ពេលជជែកជាមួយលោក ទ្រូដូ លោក ត្រាំ បានចោទថា កាណាដាបានដុតកម្ទេចសេតវិមានអាមេរិកឆ្នាំ ១៨១២ ដែលតាមពិតអង់គ្លេសឯណោះទេជាអ្នកដុត។
ពេលលោក ត្រាំ ជជែកតាមទូរសព្ទជាមួយលោក ម៉ាក្រុង ក៏រឹតតែអាក្រក់ថែមទៀត។ ប្រភពស្និទ្ធនឹងកិច្ចសន្ទនារវាងលោក ត្រាំ និងលោក ម៉ាក្រុងដែលផ្តោតសំខាន់លើបញ្ហាពាណិជ្ជកម្ម និងជនអន្តោប្រវេសន៍នោះ បានអះអាងថា ទោះបីទំនាក់ទំនងរវាងលោក ម៉ាក្រុង និងលោក ត្រាំ ល្អក៏ដោយ វាមិនមានការេកភាពគ្នាលើបញ្ហាប្រឈមធំៗដូចជាពាណិជ្ជកម្មឡើយ។ លោក ត្រាំ ហាក់ដូចជាមិនខ្វល់និងមិនស្តាប់កង្វល់របស់សម្ព័ន្ធមិត្តខ្លួនដែរ។
ក្រៅពីរិះគន់ត្រាំ រឿងសង្គ្រាមពាណិជ្ជកម្ម លោក ម៉ាក្រុង បានរិះគន់អាមេរិកផងដែរជុំវិញការការពារកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ នោះ។ លោក ម៉ាក្រុង និយាយថា បើសិនជាអាមេរិកខ្លួនឯងមិនគាំទ្រកិច្ចព្រមព្រៀងអ៊ីរ៉ង់ មហាអំណាចនេះគួរនៅស្ងៀម និងមិនគួរហាមឃាត់គេឯងឡើយព្រោះវាជាជម្រើសរបស់ប្រទេសនីមួយៗប៉ុណ្ណោះ។
២.ដូណាល់ ត្រាំធ្វើឲ្យសត្រូវអាមេរិក ចិន និងរុស្ស៊ីសប្បាយចិត្ត
ដូចបានបញ្ជាក់ខាងដើមស្រាប់ រដ្ឋបាលអាមេរិកកំពុងរុញសម្ព័ន្ធមិត្តឲ្យទៅឆ្ងាយ ហើយរុញច្រានសត្រូវឲ្យកៀកជិតគ្នានាពេលបច្ចុប្បន្ននេះ។ រុស្ស៊ី និងចិនដែលអាមេរិកចាត់ទុកជាការគំរាមកំហែងសន្តិសុខ និងជាប្រទេសបង្កផលប៉ះពាល់ដល់ប្រយោជន៍ខ្លួនលើពិភពលោកនោះកំពុងញញឹមពេលឃើញអាមេរិក កាន់តែឯក និងដើរផ្លូវផ្ទុយពីគេដូច្នេះ។
ឥឡូវនេះ ប្រធានាធិបតីរុស្ស៊ីទើបស្បថចូលកាន់តំណែងលោក វ្ល៉ាឌីមៀ ពូទីន កំពុងព្យាយាមពង្រឹងកិច្ចសហប្រតិបត្តិការនិងទំនាក់ទំនងដែលមានជាមួយប្រធានាធិបតីអាចកាន់អំណាចមួយជីវិតលោក ស៊ី ជិនភីង នៃមហាយក្សចិនផង។ លោកកំពុងបំពេញទស្សនកិច្ចនៅចិននៅថ្ងៃសុក្រទី ៨ ខែមិថុនានេះ ហើយលោកបានអះអាងថា លោកមានទំនាក់ទំនងពិសេសលក្ខណបុគ្គលរវាងលោក និងលោក ស៊ី ផ្ទាល់ថែមទៀត។
ក្នុងបទសម្ភាសន៍ជាមួយទូរទស្សន៍ចិន CGTN លោក ពូទីន បានហៅលោក ស៊ី ថាជាមិត្តល្អ ហើយលោកបង្ហើបថា វាមានតែលោក ស៊ី ម្នាក់គាត់ជាប្រមុខរដ្ឋដែលលោកប្រារព្ធខួបកំណើតរួមគ្នា និងទិញការ៉េមពីរុស្ស៊ីទៅផ្ញើថែមទៀតផង។
ជាទូទៅ ក្រៅពីមានទំនាក់ទំនងស្អិតល្មួតជាមួយគ្នា មេដឹកនាំនៃប្រទេសមហាអំណាចទាំងពីរក៏សុទ្ធតែមិនពេញចិត្តសណ្តាប់ធ្នាប់ពិភពលោកបច្ចុប្បន្នដែលដឹកនាំដោយអាមេរិកនិងលោកខាងលិច ហើយអ្នកទាំងពីរមិនដែរជឿអាមេរិកឡើយ។
មហាយក្សចិនកំពុងស្ថិតក្នុងស្ថានភាពលំបាកក្នុងពេលចរចាជាមួយអាមេរិកដើម្បីទប់ស្កាត់សង្គ្រាមពាណិជ្ជកម្ម ខណៈដែលរុស្ស៊ីឯណោះវិញនៅសិ្ថតក្រោមសម្ពាធសេដ្ឋកិច្ច និងបន្តប្រឈមមុខជាមួយងាមេរិកលើបញ្ហាសន្តិសុខអន្តរជាតិដូចជាអ៊ុយក្រែន និងស៊ីរីផង។ វាជារឿងចាំបាច់ដែលប្រទេសមហាអំណាចទាំងពីរចាំបាច់ត្រូវពង្រឹងទំនាក់ទំនងជាមួយគ្នានៅពេលនេះ ខណៈដែលអាមេរិកកំពុងថមថយឥទ្ធិពល និងកាន់តែឯកោលើឆាកអន្តរជាតិនោះ។
ត្រឡប់មកវិញ បន្ទាប់ពីបញ្ចប់ទស្សនកិច្ចផ្លូវរដ្ឋ លោក ពូទីន ក៏នឹងចូលរួមជាមួយលោក ស៊ី នៅក្នុងកិច្ចប្រជុំកំពូលនៃអង្គការកិច្ចសហប្រតិបត្តិការសៀងហៃផងដែរ ដែលវានឹងត្រូវប្រារព្ធឡើងនៅក្រុង Qingdao ចុងសប្តាហ៍នេះ។
ក្រៅពីចិន និងរុស្ស៊ី អង្គការកិច្ចសហប្រតិបត្តិការសៀងហៃនេះមានសមាជិកភាគច្រើនជាអតីតរដ្ឋសហភាពសូវៀត បូកឥណ្ឌា និងប៉ាគីស្ថានដែរ។ វាមានការវាយតម្លៃផងដែរថា កិច្ចសហប្រតិបត្តិការនេះនេះអាចនឹងក្លាយខ្លួនជាបក្សសម្ព័ន្ធយោធាតំបន់មួយផងនៅពេលអនាគតនោះ។ មហាយក្សចិន និងរុស្ស៊ីអាចនឹងមានឥទ្ធិពលខ្លាំងក្នុងការពង្រឹង ឥទ្ធិពលអង្គការនេះដើម្បីទប់ទល់នឹងឥទ្ធិពលបក្សសម្ព័ន្ធយោធាណាតូរបស់បណ្តាប្រទេសលោកខាងលិច៕
Tag:
ដូណាល់ ត្រាំ
អាមេរិក
G7
ចិន
រុស្ស៊ី
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
