អត្ថបទពាណិជ្ជកម្ម
ហាងល្បីៗចំនួន៥របស់ក្រុមហ៊ុន EFG បានបើកសម្ពោធជាផ្លូវការ នៅផ្សារទំនើប AEON Mall Sen Sok City ហើយ!
× ភ្នំពេញ៖ ហាងល្បីៗ របស់ក្រុមហ៊ុន EFG ចំនួន៥ បានបើកសម្ពោធជាផ្លូវការព្រមគ្នានៅផ្សារទំនើប AEON Mall Sen Sok City ដោយមានការចូលរួមសម្ដែងពីតារាចម្រៀង លោក នីកូ និងការផ្ដល់ជូនពិសេសៗជាច្រើនពីហាងនីមួយៗ កាលពីថ្ងៃទី០៨ ខែមិថុនា ឆ្នាំ២០១៨ ។
ហាងល្បីៗ របស់ក្រុមហ៊ុន EFG ទាំង៥នេះ មានដូចជា ហាង ដឹ ភីហ្សា ខមផេនី ,ហាងការ៉េម ស្វិនសិន ,ហាងការ៉េម ដេរីឃ្វិន ,ហាងនំដូហ្វណាត់ គ្រីសស្ពី គ្រី និងហាងបាប៊ីឃ្យូ ផ្លាហ្សា។
កម្មវិធីពិសេសមានដូចជា៖
• ដឹ ភីហ្សា ខមផេនី៖ ឈុតស្វាគមន៍ជាមួយនឹងតម្លៃពិសេស
• ហាងការ៉េមស្វិន សិន៖ ទិញមួយ ថែមមួយ
• ហាងការ៉េមដេរីឃ្វិន៖ ទិញមួយ ថែមមួយ
• ហាងនំដូហ្វណាត់ គ្រីសស្ពី គ្រីម៖ ទិញមួយ ថែមមួយ
• ហាងបាប៊ីឃ្យូ ផ្លាហ្សា៖ ឈុតគ្រួសាររីករាយ
តាមរយៈកម្មវិធីពិសេសនេះ លោក ទេព វីរៈ ជាប្រធានគ្រប់គ្រងទូទៅរបស់ក្រុមហ៊ុន EFG មានក្ដីរំពឹងយ៉ាងម៉ុតមាំថា ហាងទាំង៥នេះ នឹងជួយសម្រួលដល់អតិថិជនមួយកម្រិតបន្ថែមទៀត ដែលពួកគាត់អាចអញ្ចើញមកផ្សារទំនើបផង និងអាចញុាំអាហារដ៏មានឱជារសឈ្ញុយឆ្ងាញ់ជាច្រើនមុខផងដែរ។
ប្រធានគ្រប់គ្រងទូទៅរបស់ក្រុមហ៊ុន EFG រូបនេះ បាននិយាយដូច្នេះថា៖« ពួកយើងសូមស្វាគមន៍ដល់អតិថិជនទាំងអស់ក្នុងការមកកាន់ហាងទាំង ៥ ម៉ាករបស់យើងនៅផ្សារទំនើប AEON Mall Sen Sok City នេះ។ ហើយពួកយើងបានត្រៀមខ្លួនរួចជាស្រេច ក្នុងការបម្រីសេវាកម្មដ៏ល្អឥតខ្ចោះជូនដល់អតិថិជន ជាមួយនឹងអាហារដែលមានឱជារសឈ្ងុយឆ្ងាញ់ និងមានអនាម័យខ្ពស់ទៅតាមស្ដង់ដារ»។
ជាមួយគ្នានេះ លោក វីរៈ ក៏បានលើកឡើងពីដើមកំណើតម៉ាកយីហោនីមួយៗរបស់ក្រុមហ៊ុន EFG ដូច្នេះថា៖១. ហាង ដឺ ភីហ្សា ខមផេនី ជាម៉ាកដ៏ល្បីពីប្រទេសថៃ និងមានហាង២៨ កំពុងប្រតិបត្តិការក្នុងប្រទេសកម្ពុជា។ ទី២. ហាងការ៉េម ស្វិនសិន ជាម៉ាកដ៏ល្បីមកពីសហរដ្ឋអាមេរិក ដែលមានហាងចំនួន៧ក្នុងប្រទេសកម្ពុជា។ ទី៣. ហាងការ៉េម ដេរីឃ្វីន ជាម៉ាកយីហោល្បីល្បាញមកពីសហរដ្ឋអាមេរិក ដែលមានហាងចំនួន៧ ក្នុងប្រទេសកម្ពុជា។ ទី៤. ហាងនំដូហ្វណាត់ គ្រីសស្ពី គ្រីម ជាម៉ាកយីហោមកពីសហរដ្ឋអាមេរិក ដែលមានហាងចំនួន៥ ក្នុងប្រទេសកម្ពុជា។ ទី៥. ហាងបាប៊ីឃ្យូ ផ្លាហ្សា ជាម៉ាកយីហោដ៏ល្បីមកពីប្រទេសថៃដែលហាងចំនួន៣ នៅប្រទេសកម្ពុជាផងដែរ។
ក្រុមហ៊ុន Express Food Group Co., Ltd (EFG) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន RMA Cambodia គឺក្រុមហ៊ុនវិនិយុគទុនលើវិស័យចំណីអាហារធំជាងគេតាំងពីឆ្នាំ២០០៥មកម្ល៉េះ។ សព្វថ្ងៃនេះ ក្រុមហ៊ុនមានហាងចំនួន៥៥ កន្លែង កំពុងប្រតិបត្តិការនៅរាជធានីភ្នំពេញ និងបណ្ដាខេត្តមួយចំនួន ក្នុងនោះក្រុមហ៊ុនមានបុគ្គលិកកំពុងបម្រើការងារជាង២,០០០នាក់ផងដែរ។ ក្រុមហ៊ុន EFG បានទិញសិទ្ធិផ្ដាច់មុខនូវម៉ាកផលិតផលល្បីៗចំនួន៦ មានដូចជា៖ ដឹ ភីហ្សា ខមផេនី ,ការ៉េម ស្វិនសិន ,ការ៉េម ដេរីឃ្វិន ,នំដូហ្វណាត់ ,ហាងកាហ្វេ ខូស្ដារ ,ហាងនំដូហ្វណាត់ គ្រីសស្ពីគ្រីម និងហាង បាប៊ីឃ្យូ ផ្លាហ្សា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com