ខ្មែរក្រហម
ជាតិ
នយោបាយជាតិ
លោក ជុំ ម៉ី ៖ ការឆ្លើយតបរបស់គណបក្សសង្គ្រោះជាតិជាការប្រមាថមកលើខ្ញុំនិងជនរងគ្រោះ
×![]()
មួយថ្ងៃបន្ទាប់ពីគណបក្សសង្គ្រោះជាតិបានចេញមុខឆ្លើយតបទៅនឹងញត្តិទាមទាររបស់លោក ជុំ ម៉ី និងក្រុមជនរងគ្រោះជំនួសលោក កឹម សុខា ដែលជាប្រធានស្ដីទីគណបក្សនោះ នៅថ្ងៃទី១១ ខែមិថុនា ឆ្នាំ២០១៣នេះ លោក ជុំ ម៉ី អតីតអ្នករងគ្រោះក្នុងមន្ទីរស២១(គុកទូលស្លែង) និងជាអ្នកដឹកនាំការធ្វើបាតុកម្មប្រឆាំងលោក កឹម សុខានោះ បានសម្ដែងការមិនសប្បាយជាមួយការឆ្លើយតបរបស់គណបក្សសង្គ្រោះជាតិ ដែលត្រូវបានលោកចាត់ទុកថាជាការឆ្លើយតបមួយដ៏គ្មានសុជីវធម៌ និងជាការប្រមាថដល់លោក ក៏ដូចជាក្រុមជនរងគ្រោះដែលចូលរួមធ្វើបាតុកម្មជាង២ម៉ឺននាក់។
ថ្លែងប្រាប់គេហទំព័រថ្មីៗនៅព្រឹកថ្ងៃទី១១ ខែមិថុនានេះ លោក ជុំ ម៉ី បានអត្ថាធិប្បាយថា គិតមកដល់ម៉ោងនេះលោកនៅមិនទាន់ទទួលបានលិខិតឆ្លើយតបណាមួយពីលោក កឹម សុខា ឬគណបក្សសង្គ្រោះជាតិផ្លូវការនោះនៅឡើយទេ ដោយលោកបានជ្រាប់ព័ត៌មាននៃការឆ្លើយតបនោះតាមរយៈប្រព័ន្ធផ្សព្វផ្សាយក្នុងស្រុកតែប៉ុណ្ណោះ។
លោក ជុំ ម៉ី បញ្ជាក់ថា ៖ « ខ្ញុំនិងក្រុមបាតុកប្រមាណជាជាង២ម៉ឺននាក់ធ្វើបាតុកម្មទាំងកណ្ដាលថ្ងៃក្ដៅ ដើម្បីយកញត្តិប្រគល់ជូនលោក កឹម សុខា។ ពួកយើងធ្វើដំណើររាប់គីឡូម៉ែត្រពីទីលានប្រជាធិបតេយ្យដើម្បីប្រគល់ញត្តិនោះជូនលោក កឹម សុខា ដល់ទីស្នាក់ការគណបក្សរបស់លោក ក៏ប៉ុន្តែជាលទ្ធផល បុគ្គល កឹម សុខា មិនត្រឹមតែមិនមកទទួលញត្តិនោះដោយផ្ទាល់នោះទេ ការឆ្លើយតបដែលចេញពីឆន្ទៈរបស់ កឹម សុខា ក៏គ្មាន ហើយអ្វីដែលរឹតតែមិនអាចទទួលយកបាននោះ គឺការឆ្លើយតបនោះមិនត្រូវបានក្រុមលោក កឹម សុខា ប្រគល់ ឬផ្ញើរជូនជាផ្លូវការមកឲ្យខ្ញុំនោះទេ»។
ជាការប្រតិកម្មទៅនឹងការឆ្លើយតបរបស់គណបក្សសង្គ្រោះជាតិជំនួសលោក កឹម សុខា បែបខាងលើនេះ លោក ជុំ ម៉ី បានចេញមុខអត្ថាធិបាយជំនួសក្រុមបាតុករដែលចូលរួមធ្វើបាតុកម្មជាមួយលោក ដោយចាត់ទុកការចេញលិខិតឆ្លើយតបរបស់គណបក្សសង្គ្រោះជាតិនោះ ថាជាការឆ្លើយតបមួយដែលគ្មានសុជីវធម៌ និងពោពេញដោយការប្រមាថយ៉ាងធ្ងន់ធ្ងរមកលើរូបលោក ក៏ដូចជាក្រុមជនរងគ្រោះដ៏ទៃទៀត ហើយថា ការឆ្លើយតបរបស់គណបក្សសង្គ្រោះជាតិបែបនេះមិនសាកសមចំពោះអ្នកដែលចង់ដឹកនាំប្រទេសកម្ពុជានោះទេ។
បើតាមលោក ជុំ ម៉ី បើទេះបីជាការឆ្លើយតបរបស់លោក កឹម សុខា ឬគណបក្សសង្គ្រោះជាតិ វិជ្ជមាន ឬមិនវិជ្ជមានសម្រាប់ក្រុមជនរងគ្រោះនៃរបបខ្មេរក្រហមយ៉ាងណាក៏ដោយ អ្វីដែលជាការសមរម្យនោះ គណបក្សសង្គ្រោះជាតិ គួរតែធ្វើជាលិខិតផ្លូវការណ៍ណាមួយផ្ញើរមកឲ្យលោកដោយផ្ទាល់ដែរ។
គួរបញ្ជាក់ថា មួយថ្ងៃបន្ទាប់ពីរលកមហាបាតុកម្មប្រឆាំងលោក កឹម សុខា ត្រូវបញ្ចប់នោះ នៅថ្ងៃទី១០ ខែមិថុនាម្សិលមិញ គណបក្សសង្គ្រោះជាតិបានចេញមុខជំនួសលោក កឹម សុខា ធ្វើលិខិតឆ្លើយតបញត្តិរបស់លោក ជុំ ម៉ី ដើម្បីបំភ្លឺចំពោះការចោទប្រកាន់លើលោក កឹម សុខា ដែលត្រូវបានក្រុមជនរងគ្រោះអះអាងថា លោក ចាត់ទុកគុកទួលស្លែងជាគុកសិប្បនិម្មិត។ នៅក្នុងលិខិតនោះ គណបក្សសង្គ្រោះជាតិនៅតែអះអាងថា ប្រធានស្ដីទីរបស់ខ្លួនមិនបាននិយាយដូចការចោទប្រកាន់នោះទេ៕
ចំពោះការអះអាងខាងលើនេះ ត្រូវបានលោក ជុំ ម៉ី បញ្ជាក់ថា ប្រសិនបើលោក កឹម សុខានៅតែមិនទទួលកំហុសរបស់ខ្លួននោះ លោក នឹងមានគម្រោងធ្វើបាតុកម្មជាថ្មីម្ដងទៀត ឬ ដាក់ពាក្យប្ដឹងទៅស្ថាប័នតុលាការតែម្ដង៕
ថ្លែងប្រាប់គេហទំព័រថ្មីៗនៅព្រឹកថ្ងៃទី១១ ខែមិថុនានេះ លោក ជុំ ម៉ី បានអត្ថាធិប្បាយថា គិតមកដល់ម៉ោងនេះលោកនៅមិនទាន់ទទួលបានលិខិតឆ្លើយតបណាមួយពីលោក កឹម សុខា ឬគណបក្សសង្គ្រោះជាតិផ្លូវការនោះនៅឡើយទេ ដោយលោកបានជ្រាប់ព័ត៌មាននៃការឆ្លើយតបនោះតាមរយៈប្រព័ន្ធផ្សព្វផ្សាយក្នុងស្រុកតែប៉ុណ្ណោះ។
លោក ជុំ ម៉ី បញ្ជាក់ថា ៖ « ខ្ញុំនិងក្រុមបាតុកប្រមាណជាជាង២ម៉ឺននាក់ធ្វើបាតុកម្មទាំងកណ្ដាលថ្ងៃក្ដៅ ដើម្បីយកញត្តិប្រគល់ជូនលោក កឹម សុខា។ ពួកយើងធ្វើដំណើររាប់គីឡូម៉ែត្រពីទីលានប្រជាធិបតេយ្យដើម្បីប្រគល់ញត្តិនោះជូនលោក កឹម សុខា ដល់ទីស្នាក់ការគណបក្សរបស់លោក ក៏ប៉ុន្តែជាលទ្ធផល បុគ្គល កឹម សុខា មិនត្រឹមតែមិនមកទទួលញត្តិនោះដោយផ្ទាល់នោះទេ ការឆ្លើយតបដែលចេញពីឆន្ទៈរបស់ កឹម សុខា ក៏គ្មាន ហើយអ្វីដែលរឹតតែមិនអាចទទួលយកបាននោះ គឺការឆ្លើយតបនោះមិនត្រូវបានក្រុមលោក កឹម សុខា ប្រគល់ ឬផ្ញើរជូនជាផ្លូវការមកឲ្យខ្ញុំនោះទេ»។
ជាការប្រតិកម្មទៅនឹងការឆ្លើយតបរបស់គណបក្សសង្គ្រោះជាតិជំនួសលោក កឹម សុខា បែបខាងលើនេះ លោក ជុំ ម៉ី បានចេញមុខអត្ថាធិបាយជំនួសក្រុមបាតុករដែលចូលរួមធ្វើបាតុកម្មជាមួយលោក ដោយចាត់ទុកការចេញលិខិតឆ្លើយតបរបស់គណបក្សសង្គ្រោះជាតិនោះ ថាជាការឆ្លើយតបមួយដែលគ្មានសុជីវធម៌ និងពោពេញដោយការប្រមាថយ៉ាងធ្ងន់ធ្ងរមកលើរូបលោក ក៏ដូចជាក្រុមជនរងគ្រោះដ៏ទៃទៀត ហើយថា ការឆ្លើយតបរបស់គណបក្សសង្គ្រោះជាតិបែបនេះមិនសាកសមចំពោះអ្នកដែលចង់ដឹកនាំប្រទេសកម្ពុជានោះទេ។
បើតាមលោក ជុំ ម៉ី បើទេះបីជាការឆ្លើយតបរបស់លោក កឹម សុខា ឬគណបក្សសង្គ្រោះជាតិ វិជ្ជមាន ឬមិនវិជ្ជមានសម្រាប់ក្រុមជនរងគ្រោះនៃរបបខ្មេរក្រហមយ៉ាងណាក៏ដោយ អ្វីដែលជាការសមរម្យនោះ គណបក្សសង្គ្រោះជាតិ គួរតែធ្វើជាលិខិតផ្លូវការណ៍ណាមួយផ្ញើរមកឲ្យលោកដោយផ្ទាល់ដែរ។
គួរបញ្ជាក់ថា មួយថ្ងៃបន្ទាប់ពីរលកមហាបាតុកម្មប្រឆាំងលោក កឹម សុខា ត្រូវបញ្ចប់នោះ នៅថ្ងៃទី១០ ខែមិថុនាម្សិលមិញ គណបក្សសង្គ្រោះជាតិបានចេញមុខជំនួសលោក កឹម សុខា ធ្វើលិខិតឆ្លើយតបញត្តិរបស់លោក ជុំ ម៉ី ដើម្បីបំភ្លឺចំពោះការចោទប្រកាន់លើលោក កឹម សុខា ដែលត្រូវបានក្រុមជនរងគ្រោះអះអាងថា លោក ចាត់ទុកគុកទួលស្លែងជាគុកសិប្បនិម្មិត។ នៅក្នុងលិខិតនោះ គណបក្សសង្គ្រោះជាតិនៅតែអះអាងថា ប្រធានស្ដីទីរបស់ខ្លួនមិនបាននិយាយដូចការចោទប្រកាន់នោះទេ៕
ចំពោះការអះអាងខាងលើនេះ ត្រូវបានលោក ជុំ ម៉ី បញ្ជាក់ថា ប្រសិនបើលោក កឹម សុខានៅតែមិនទទួលកំហុសរបស់ខ្លួននោះ លោក នឹងមានគម្រោងធ្វើបាតុកម្មជាថ្មីម្ដងទៀត ឬ ដាក់ពាក្យប្ដឹងទៅស្ថាប័នតុលាការតែម្ដង៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
