ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
Cambodia’s Got Talent រដូវកាលថ្មី នឹងប្រព្រឹត្តទៅនៅសាលមហោស្រព NABA នៅណាហ្គាទី ២
25, Jun 2018 ,
5:43 pm
រូបភាព
×
ដោយ:
កម្មវិធីប្រឡងទេពកោសល្យ និងសមត្ថភាពលំដាប់ពិភពលោក Cambodia’s Got Talent ត្រឡប់មកវិញហើយ! ទទួលស្គាល់ដោយស្ថាប័ន Guinness World Records និងជាកម្មវិធីទូរទស្សន៍ franchise ដ៏មានភាពជោគជ័យបំផុតនៅក្នុងពិភពលោក កម្មវិធី Cambodia’s Got Talent ដែលមាន ១៣ វគ្គនេះ នឹងត្រូវធ្វើឡើងនៅសាលមហោស្រពដ៏ធំសម្បើមចាប់ពីថ្ងៃទី ២៦ មិថុនានេះគឺសាលមហោស្រព NABA ដែលស្ថិតនៅក្នុងណាហ្គាទី ២! អ្នកដែលឈ្នះ នឹងទទួលបានរង្វាន់ដែលមានទឹកប្រាក់ ១០០ លានរៀល និងក្លាយជាសិល្បករ ឬសិល្បការិនីប្រចាំក្រុមហ៊ុនហង្សមាសគ្រុប ។
នៅក្នុងសន្និសីទសារព័ត៌មានរួមគ្នាមួយកាលពីព្រឹកថ្ងៃទី ២៥ មិថុនា ២០១៨ នេះ បានប្រកាសថា NABA ដែលជាសាលមហោស្រពបច្ចេកវិទ្យាវីដេអូ 3D mapping ដំបូងគេបង្អស់នៅកម្ពុជា គឺជាទីតាំងផ្លូវការនៃកម្មវិធី Cambodia’s Got Talent ។ លោក Sean Kneale ដែលជាទីប្រឹក្សាប្រតិបត្តិនៃកម្មវិធី Got Talent ពិភពលោក បានមានប្រសាសន៍ថា “ខ្ញុំសូមថ្លែងអំណរគុណយ៉ាងជ្រាលជ្រៅបំផុតដែលក្រុមហ៊ុនណាហ្គាវើលដ៍អនុញ្ញាតឲ្យយើងដំណើរការ និងថតនៅក្នុងសាលមហោស្រព NABA ដ៏អស្ចារ្យនេះ! ខ្ញុំបានទៅសាលមហោស្រពជាច្រើនជុំវិញពិភពលោក ហើយសាលមហោស្រព NABA គឺជាសាលមហោស្រពលំដាប់ពិភពលោកពិតៗ” ។
នាយកគ្រប់គ្រងកម្មវិធីនៃក្រុមហ៊ុនហង្សមាសលោក អ៊ឹង សុខលី បានឲ្យដឹងថា “សាលមហោស្រព NABA ដ៏ធំនេះ បានក្លាយជាទីកន្លែងសម្រាប់ការសម្តែងជាតិ និងអន្តរជាតិជាច្រើនចាប់តាំងពីបានបើកសម្ពោធកាលពីចុងឆ្នាំមុន ។ ប្រព័ន្ធសំឡេង និងភ្លើងដ៏ទំនើបព្រមទាំងទីតាំងយុទ្ធសាស្ត្ររបស់ NABA បានធ្វើឲ្យ NABA ក្លាយជាទីតាំងដ៏ស័ក្តិសមបំផុតសម្រាប់កម្មវិធី Cambodia’s Got Talent នេះ” ។
នាយកប្រតិបត្តិផ្នែកទីផ្សារនៃក្រុមហ៊ុនណាហ្គាវើលដ៍ លោក Mike Ngai បានមានប្រសាសន៍ថា “យើងមានមោទនភាពយ៉ាងខ្លាំងដែលសាលមហោស្រព NABA របស់យើងនឹងក្លាយជាទីតាំងផ្លូវការនៃកម្មវិធី Cambodia’s Got Talent រដូវកាលទី ២ នេះ ។ ក្នុងនាមជាមណ្ឌលកម្សាន្តចម្រុះលំដាប់កំពូលមួយប្រចាំតំបន់ យើងតែងតែទន្ទឹងរង់ចាំសហការជាដៃគូដ៏ល្អបែបនេះខណៈវានឹង
ផ្តល់នូវឱកាសដ៏ល្អសម្រាប់អ្នកដែលមានសមត្ថភាពអាចបង្ហាញទេពកោសល្យពិសេសរបស់ខ្លួននៅលើឆាកអន្តរជាតិ” ។
វគ្គ audition ដែលមាន ៦ ថ្ងៃជាប់ៗគ្នា នឹងប្រព្រឹត្តទៅនៅសាលមហោស្រព NABA ពីថ្ងៃទី ២៦ ខែមិថុនារហូតដល់ថ្ងៃទី ១ ខែកក្កដា ។ អ្នកប្រកួតទាំងអស់ ត្រូវបង្ហាញទេពកោសល្យ និងសមត្ថភាពរបស់ខ្លួនដើម្បីឈានទៅវគ្គបន្ទាប់! កម្មវិធីនេះ បើកឲ្យសាធារណជនទូទៅអាចចូលទស្សនាដោយសេរី! សូមចូលរួមទស្សនាឲ្យបានច្រើនកុះករ និងធ្វើជាសាក្សី និងទះដៃអបអរដល់បេក្ខជន-បេក្ខនារីដែលអ្នកពេញចិត្តដើម្បីឲ្យពួកគាត់អាចឆ្លងទៅវគ្គពាក់កណ្តាលផ្តាច់ព្រ័ត្រ! កម្មវិធីនេះ មានការចូលរួមអត្ថាធិប្បាយពីពិធីករវោហារមិនចេះរីងស្ងួត លោកជា វិបុល និងលោកសាន វិសាល ចំណែកគណកម្មការ រួមមានកំពូលតារាចម្រៀងព្រាប សុវត្ថិ អ្នកនាង ខាត់ សុឃីម និងកំពូលតារាកំប្លែងនាយកុយ និងនាយក្រឹម ។
NABA មានកៅអីសរុប ២,០០០ សម្រាប់វគ្គ audition នីមួយៗ! មកមុន បានមុន ចាប់ពីម៉ោង ១ រសៀលរហូតដល់ម៉ោង ៩ យប់រៀងរាល់ថ្ងៃ ពីថ្ងៃទី ២៦ មិថុនា ដល់ថ្ងៃទី ១ កក្កដានៅសាលមហោស្រព NABA ។ សាលមហោស្រព NABA មានទីតាំងនៅជាន់ទី ២ ណាហ្គាទី ២ ទល់មុខភោជនីយដ្ឋានប៊ុហ្វេអន្តរជាតិ 2Pangea ។ លោកអ្នក អាចចតរថយន្តនៅអាគារសណ្ឋាគារណាហ្គាទី ២ ដោយឥតគិតថ្លៃ ។
១៣ វគ្គផ្សេងទៀតនៃរដូវកាលនេះ នឹងត្រូវផ្សាយនៅលើកញ្ចក់ទូរទស្សន៍ហង្សមាសរៀងរាល់ថ្ងៃអាទិត្យនៅម៉ោង ៨ យប់ ចាប់ពីថ្ងៃទី ១២ សីហា រហូតដល់ថ្ងៃទី ៤ ខែវិច្ឆិកាដែលមានការផ្សាយវគ្គ audition វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ។ សូមតាមដាន និងជួបគ្នានៅសាលមហោស្រព NABA នៅណាហ្គាទី ២ ។ ធានាថា ពិតជាអស្ចារ្យ!
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
3 ថ្ងៃ
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
5 ថ្ងៃ
តើពាក្យ «ដុតដៃដុតជើង» មានន័យដូចម្តេច?
4 ថ្ងៃ
«គូលី»មានន័យច្បាស់លាស់ដូចម្តេច?
1 សប្តាហ៍
អត្ថបទពេញនិយមបន្ថែម