ជាតិ
បោះឆ្នោត
ក្រសួងអប់រំ ឲ្យនិស្សិតឈប់៣ថ្ងៃ ដើម្បីទៅចូលរួមបោះឆ្នោត និស្សិតជាង៣នាក់នៃសាកលវិទ្យាល័យភូមិន្ទភ្នំពេញ នាពិធីទទួលសញ្ជាបត្រ កាលពីថ្ងៃទី២២ ខែកក្កដា ឆ្នាំ២0១៨ ក្រោមអធិបតីភាពរបស់ប្រមុខរដ្ឋាភិបាលកម្ពុជា។ រូបពីហ្វេសបុកសម្តេច ហ៊ុន សែន
× ភ្នំពេញ៖ ក្រសូងអប់រំ យុវជននិងកីឡា បានអនុញ្ញាតឲ្យនិស្សិតគ្រប់គ្រឹះស្ថានឧត្ដមសិក្សា ឈប់រយៈពេល ៣ថ្ងៃ ចាប់ពីថ្ងៃទី២៨ ដល់ថ្ងៃទី៣០ ខែកក្កដា ដើម្បីបង្កលក្ខណៈងាយស្រួល ក្នុងការទៅចូលរួមបោះឆ្នោតជ្រើសតាំងតំណាងរាស្ត្រនីតិកាលទី៦ ដែលនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨។ នេះបើតាមសេចក្ដីជូនដំណឹងរបស់ក្រសួងអប់រំ។
ការអនុញ្ញាត ឲ្យនិស្សិតបានឈប់សម្រាក់រយៈពេល៣ថ្ងៃ គឺធ្វើតាមការណែនាំរបស់សម្ដេចនាយករដ្ឋមន្ត្រី ហ៊ុន សែន ដែលបានលើកឡើងក្នុងពិធីប្រគល់សញ្ញាបត្រដល់និស្សិតជាង៣ពាន់នាក់ នៃសាកលវិទ្យាល័យភូមិន្ទភ្នំពេញ កាលពីថ្ងទី២២ ខែមិថុនា ឆ្នាំ២០១៨។
ចំណែកឯ កម្មករ-កម្មារិនី ក៏ត្រូវបានក្រសួងការងារ ប្រកាសឲ្យឈប់សម្រាករយៈពេល៣ថ្ងៃដែរ ដើម្បីមានពេលវេលាគ្រប់គ្រាន់ធ្វើដំណើរទៅបោះឆ្នោត។ ការបោះឆ្នោតលើកនេះ មានគណបក្ស២០ ចូលរួមប្រកួតប្រជែង ហើយប្រជាពលរដ្ឋ ដែលមានឈ្មោះក្នុងបញ្ជីបោះឆ្នោត មានជាង៨.៣លាននាក់៕
© រក្សាសិទ្ធិដោយ thmeythmey.com