ជាតិ
សេដ្ឋកិច្ច
មន្ទីរពាណិជ្ជកម្មខេត្តរតនគិរី មានសិទ្ធចេញវិញ្ញាបនបត្របញ្ជាក់ប្រភពដើមទំនិញទម្រង់ឌី(D) លោក ប៉ាន សូរស័ក្ត រដ្ឋមន្រ្តីក្រសួងពាណីជ្ជកម្ម
× លោក ប៉ាន សូរស័ក្ត រដ្ឋមន្ត្រីពាណិជ្ជកម្ម ផ្តល់វិញ្ញាបនបត្របញ្ជាក់ប្រភពដើមទំនិញ (CO) ទម្រង់ឌី (D) ដល់មន្ទីរពាណិជ្ជកម្មខេត្តរតនគិរី ដើម្បីជំរុញការអភិវឌ្ឍវិស័យពាណិជ្ជកម្ម ក្នុងតំបន់ភាគឦសាន។
ការផ្តល់វិញ្ញាបនបត្របញ្ជាក់ប្រភពដើមទំនិញ (CO) ទម្រង់ឌីនេះ បានធ្វើឡើងនៅថ្ងៃទី២៧ ខែមិថុនា ក្នុងពិធីដាក់ឲ្យប្រើប្រាស់ជាផ្លូវការនូវអគាររដ្ឋបាលថ្មី១ខ្នង របស់មន្ទីរពាណិជ្ជកម្មខេត្តរតនគិរី។
លោក ប៉ាន សូរស័ក្ត បានបញ្ជាក់ថា «ការចេញវិញ្ញាបនបត្របញ្ជាក់ប្រភពដើមទំនិញ (CO) ទម្រង់ឌី ដល់មន្ទីរពាណិជ្ជកម្មខេត្តរតនគិរីនេះ នឹងជួយកាត់បន្ថយបាតុភាពអសកម្មដែលរាំងស្ទះដល់ការនាំចេញកសិផល និងលើកកម្ពស់ការផ្តល់សេវាសាធារណៈកាន់តែមានប្រសិទ្ធភាព និងតម្លាភាព»។
CO មានច្រើនទម្រង់។ ហើយទម្រង់ D នេះ គ្រាន់តែជាឈ្មោះ CO មួយប្រភេទសម្រាប់បញ្ជាក់ប្រភពដើមទំនិញសម្រាប់នាំចេញពីកម្ពុជាទៅបណ្ដាប្រទេសសមាជិកអាស៊ាន។
ក្នុងឆ្នាំ២០១៧ ការនាំចេញផលិតផល តាមរយៈ CO ទម្រង់ឌី បានកើនឡើង ៦៦ភាគរយ ទឹកប្រាក់ ១,២១៤លានដុល្លារ បើធៀបនឹង ៧២៨លានដុល្លារនៅឆ្នាំ២០១៦៕
Tag:
រតនគិរី
ប៉ាន សូរស័ក្ត
© រក្សាសិទ្ធិដោយ thmeythmey.com