ទឹកទន្លេសេកុងឡើងខ្ពស់ លើសកម្រិតប្រកាសប្រុងប្រយ័ត្ន

ជាតិ

សង្គមជាតិ

ទឹកទន្លេសេកុងឡើងខ្ពស់ លើសកម្រិតប្រកាសប្រុងប្រយ័ត្ន

25, Jul 2018 , 11:50 pm

រូបភាព

រូបពីហ្វេសប៊ុកក្រសួងធនធានទឹក និងឧតុនិយម

ដោយ: ថ្មីៗ

ស្ទឹងត្រែង៖ គិតត្រឹមម៉ោង៩យប់ ថ្ងៃទី២៥ កក្កដានេះ ទឹកទន្លេសេកុង បានបន្តហក់ឡើងកម្ពស់ ១១,៦០ ម៉ែត្រ ដែលលើសកម្រិតកម្ពស់ប្រកាសឲ្យប្រុងប្រយ័ត្នហើយ ។ នេះបើតាមក្រសួងធនធានទឹក និងឧតុនិយម ។

កម្ពស់ទឹកដែលឡើងខ្ពស់ លើសកម្រិត ១១,៥០ ម៉ែត្រនេះ គឺជាសញ្ញាកាន់តែអវិជ្ជមាន សម្រាប់ប្រជាជនរស់នៅក្នុងខេត្តស្ទឹងត្រែង។ស្ថានភាពកម្ពស់ទឹកនេះ ដោយសារការបាក់ទំនប់វារីអគ្គិសនីនៅឡាវ ទើបធ្វើឲ្យឃុំ ៤ នៅខេត្តស្ទឹងត្រែង ដែលមានប្រជាពលរដ្ឋជិត៥០០០គ្រួសារ កំពុងរងផលប៉ះពាល់។

អាជ្ញាធរខេត្តស្ទឹងត្រែង បានជម្លៀសពលរដ្ឋចេញពីភូមិរងគ្រោះទឹកជំនន់ជាបន្តបន្ទាប់ ទៅកាន់ទីទួលមានសុវត្ថិភាព។ នេះបើតាមអភិបាលខេត្ត ប្រាប់សារព័ត៌មានថ្មីៗ។

សូមបញ្ជាក់ថា ឃុំចំនួន៤ ក្នុងស្រុកសៀមប៉ាង ខេត្តស្ទឹងត្រែង មាន ឃុំថ្មកែវ ឃុំសន្តិភាព ឃុំសេកុង និងឃុំស្រែសំបូរ ដែលបានរងគ្រោះ ដោយសារការបាក់ទំបន់វារីអគ្គិសនីទំនប់ Se-Pian Se Nam Noi ក្នុងខេត្ត Attapeu ប្រទេសឡាវ៕