អន្តរជាតិ
អាមេរិកប្រាប់ IMF កុំឲ្យប៉ាគីស្ថានខ្ចីលុយ បើលុយនោះយកទៅដោះបំណុលចិន
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក ម៉ៃ ប៉ុមប៉េអូ បានទាមទារឲ្យអង្គការមូលនិធិរូបិយវត្ថុអន្តជាតិ (IMF) បដិសេធសំណើខ្ចីប្រាក់របស់រដ្ឋាភិបាលថ្មីប៉ាគីស្ថានចំនួន១២ពាន់លានដុល្លារ។ ក្នុងកិច្ចសម្ភាសជាមួយទូរទស្សន៍មួយនៅថ្ងៃទី៣០ ខែកក្កដា លោក ប៉ុមប៉េអូ បានប្រាប់ឲ្យស្ថាប័នហិរញ្ញវត្ថុមួយពិចារណាឲ្យមែនទែន ដ្បិតអាមេរិកនៅចាំមើលការសម្រេចចិត្តរបស់ខ្លួន។ ប៉ាគីស្ថានដែលមានបំណុលជុំទិសនោះ កំពុងព្យាយាមរកលុយដើម្បីសងបំណុលរបស់ខ្លួន។
បន្ទាប់ពីប្រកាសជោគជ័យក្នុងការបោះឆ្នោតកាលពីពាក់កណ្ដាលសប្ដាហ៍មុន អនាគតរដ្ឋាភិបាលថ្មីរបស់ប៉ាគីស្ថានថ្មីក៏រៀបចំផែនការខ្ចីលុយពីមូលនិធិរូបិយវត្ថុអន្តរជាតិ (IMF) ដើម្បីដោះបំណុល។ សារព័ត៌មាន Financial Times បានផ្សាយនៅថ្ងៃទី២៩ ខែកក្កដា ថា មន្ត្រីផ្នែកហិរញ្ញវត្ថុរបស់ប៉ាគីស្ថានត្រៀមជម្រើសសម្រាប់អនាគតនាយករដ្ឋមន្ត្រី Imran Khan ដើម្បីស្នើសុំ IMF នូវទឹកប្រាក់ចំនួនដល់ទៅ១២ពាន់លានដុល្លារ។
យ៉ាងណាមិញ អាមេរិកបានព្រមាន IMF ឲ្យប្រុងប្រយ័ត្នចំពោះករណីនេះ។ ក្នុងកិច្ចសម្ភាសជាមួយទូរទស្សន៍ CNBC ដែលផ្សាយនៅថ្ងៃទី៣០ ខែកក្កដា រដ្ឋមន្ត្រីការបរទេសអាមេរិក ម៉ៃ ប៉ុមប៉េអូ និយាយថា អាមេរិកត្រៀមខ្លួនធ្វើការជាមួយរដ្ឋាភិបាលថ្មីរបស់លោក Khan ។ ចំពោះព័ត៌មានប៉ាគីស្ថានត្រៀមខ្ចីលុយដោះបំណុលវិញ លោក ប៉ុមប៉េអូ លើកឡើងថា វាជាគ្មានហេតុផលអ្វីឡើយដែលប៉ាគីស្ថានខ្ចីលុយដើម្បីសងឲ្យចិននោះ។
យោងតាមទីភ្នាក់ងារព័ត៌មាន Reuters ប្រមុខការទូតអាមេរិករូបនេះព្រមានចំៗថា៖ «កុំបង្កើតកំហុសឲ្យសោះ។ យើងនឹងតាមដានសកម្មភាពរបស់ IMF ។ វាមិនសមហេតុផលដែលពន្ធរបស់ IMF ហើយដែលដុល្លារអាមេរិកជាប្រភពទុនមួយដែរនោះ ត្រូវផ្ដល់ទៅឲ្យអ្នកដែលយកវាទៅសងអ្នកដែលកាន់បណ្ណបំណុលចិន ឬក៏ចិនផ្ទាល់ឡើយ»។
ពាក់ព័ន្ធបញ្ហានេះ អ្នកនាំពាក្យម្នាក់របស់ IMF បានចេញមកបញ្ជាក់ថា ស្ថាប័នមួយនេះមិនទាន់ទទួលសំណើផ្លូវការណាមួយពីក្រុងអ៊ីស្លាម៉ាបាដនៅឡើយទេ ហើយក៏មិនទាន់មានការពិភាក្សាណាមួយលើបញ្ហានេះដែរ។ វិបត្តិបំណុលនេះ គឺជាបញ្ហាប្រឈមធំមួយរបស់រដ្ឋាភិបាលថ្មីនៅប៉ាគីស្ថាន ហើយការទទួលហិរញ្ញវត្ថុពី IMF ពិតជាដើរតួនាទីសំខាន់ណាស់សម្រាប់រដ្ឋាភិបាលលោក Khan ដើម្បីបង្រួមគម្លាតហិរញ្ញវត្ថុខាងក្រៅ។
ចិនបានក្លាយជាម្ចាស់បំណុលធំរបស់ប៉ាគីស្ថាន បន្ទាប់ពីប្រទេសទាំងពីអនុវត្តគម្រោងធំៗក្រោមក្របខណ្ឌគំនិតផ្ដួចផ្ដើមខ្សែក្រវាត់ និងផ្លូវ។ ប៉ាគីស្ថានបាននាំចូលសម្ភារច្រើនសន្ធឹកសន្ធាប់ពីចិនដើម្បីផ្គត់ផ្គង់តម្រូវការសាងសង់នានា។ មកទល់ពេលនេះ ក្រុងអ៊ីស្លាម៉ាបាដបានខ្ចីលុយចំនួនប្រមាណ៥ពាន់លានដុល្លារពីរដ្ឋាភិបាល និងធនាគាររបស់ចិន៕
បន្ទាប់ពីប្រកាសជោគជ័យក្នុងការបោះឆ្នោតកាលពីពាក់កណ្ដាលសប្ដាហ៍មុន អនាគតរដ្ឋាភិបាលថ្មីរបស់ប៉ាគីស្ថានថ្មីក៏រៀបចំផែនការខ្ចីលុយពីមូលនិធិរូបិយវត្ថុអន្តរជាតិ (IMF) ដើម្បីដោះបំណុល។ សារព័ត៌មាន Financial Times បានផ្សាយនៅថ្ងៃទី២៩ ខែកក្កដា ថា មន្ត្រីផ្នែកហិរញ្ញវត្ថុរបស់ប៉ាគីស្ថានត្រៀមជម្រើសសម្រាប់អនាគតនាយករដ្ឋមន្ត្រី Imran Khan ដើម្បីស្នើសុំ IMF នូវទឹកប្រាក់ចំនួនដល់ទៅ១២ពាន់លានដុល្លារ។
យ៉ាងណាមិញ អាមេរិកបានព្រមាន IMF ឲ្យប្រុងប្រយ័ត្នចំពោះករណីនេះ។ ក្នុងកិច្ចសម្ភាសជាមួយទូរទស្សន៍ CNBC ដែលផ្សាយនៅថ្ងៃទី៣០ ខែកក្កដា រដ្ឋមន្ត្រីការបរទេសអាមេរិក ម៉ៃ ប៉ុមប៉េអូ និយាយថា អាមេរិកត្រៀមខ្លួនធ្វើការជាមួយរដ្ឋាភិបាលថ្មីរបស់លោក Khan ។ ចំពោះព័ត៌មានប៉ាគីស្ថានត្រៀមខ្ចីលុយដោះបំណុលវិញ លោក ប៉ុមប៉េអូ លើកឡើងថា វាជាគ្មានហេតុផលអ្វីឡើយដែលប៉ាគីស្ថានខ្ចីលុយដើម្បីសងឲ្យចិននោះ។
យោងតាមទីភ្នាក់ងារព័ត៌មាន Reuters ប្រមុខការទូតអាមេរិករូបនេះព្រមានចំៗថា៖ «កុំបង្កើតកំហុសឲ្យសោះ។ យើងនឹងតាមដានសកម្មភាពរបស់ IMF ។ វាមិនសមហេតុផលដែលពន្ធរបស់ IMF ហើយដែលដុល្លារអាមេរិកជាប្រភពទុនមួយដែរនោះ ត្រូវផ្ដល់ទៅឲ្យអ្នកដែលយកវាទៅសងអ្នកដែលកាន់បណ្ណបំណុលចិន ឬក៏ចិនផ្ទាល់ឡើយ»។
ពាក់ព័ន្ធបញ្ហានេះ អ្នកនាំពាក្យម្នាក់របស់ IMF បានចេញមកបញ្ជាក់ថា ស្ថាប័នមួយនេះមិនទាន់ទទួលសំណើផ្លូវការណាមួយពីក្រុងអ៊ីស្លាម៉ាបាដនៅឡើយទេ ហើយក៏មិនទាន់មានការពិភាក្សាណាមួយលើបញ្ហានេះដែរ។ វិបត្តិបំណុលនេះ គឺជាបញ្ហាប្រឈមធំមួយរបស់រដ្ឋាភិបាលថ្មីនៅប៉ាគីស្ថាន ហើយការទទួលហិរញ្ញវត្ថុពី IMF ពិតជាដើរតួនាទីសំខាន់ណាស់សម្រាប់រដ្ឋាភិបាលលោក Khan ដើម្បីបង្រួមគម្លាតហិរញ្ញវត្ថុខាងក្រៅ។
ចិនបានក្លាយជាម្ចាស់បំណុលធំរបស់ប៉ាគីស្ថាន បន្ទាប់ពីប្រទេសទាំងពីអនុវត្តគម្រោងធំៗក្រោមក្របខណ្ឌគំនិតផ្ដួចផ្ដើមខ្សែក្រវាត់ និងផ្លូវ។ ប៉ាគីស្ថានបាននាំចូលសម្ភារច្រើនសន្ធឹកសន្ធាប់ពីចិនដើម្បីផ្គត់ផ្គង់តម្រូវការសាងសង់នានា។ មកទល់ពេលនេះ ក្រុងអ៊ីស្លាម៉ាបាដបានខ្ចីលុយចំនួនប្រមាណ៥ពាន់លានដុល្លារពីរដ្ឋាភិបាល និងធនាគាររបស់ចិន៕
Tag:
អាមេរិក
ប៉ាគីស្ថាន
ចិន
Mike Pompeo
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
