ពីនេះ ពីនោះ
ពាក្យ «វ៉ាត់ដ្បូ» ជាភាសាបារាំង ចំណែក «វិទ្យុ» ជាពាក្យខ្មែរ
× «វ៉ាត់ដ្បូ» និង «វិទ្យុ» ជាពាក្យដែលប្រជាពលរដ្ឋឧស្សាហ៍និយាយ ជាពិសេសមនុស្សចាស់។ «វ៉ាត់ដ្បូ» ជាភាសាបារាំង Radio អាចហៅបែបភាសាខ្មែរ ម្យ៉ាងទៀតថា «វិទ្យុ» ឬ«វិជ្ជុ» សម្រាប់ប្រើក្នុងពាក្យដែលទាក់ទងនឹងរលកអាកាស និងសម្រាប់ប្រើជាអាទិសង្កេតនៃពាក្យ វិទ្យុទូរទស្សន៍, វិទ្យុទូរស័ព្ទ, វិទ្យុផ្សាយសំឡេង ជាដើម។
ជាការពិតពាក្យ «វ៉ាត់ដ្បូ» គ្រាន់តែជាពាក្យដែលប្រជាពលរដ្ឋនិយាយតែប៉ុណ្ណោះ ចំណែកនៅក្នុងសំណេរ គេសរសេរជា «វិទ្យុ» ច្រើនជាង ដូចជា វិទ្យុទូរទស្សន៍(ជាប្រដាប់ដែលអាចបញ្ជូន ឬទទួលទាំងសំឡេង ទាំងរូបភាព), វិទ្យុទូរស័ព្ទ( ទូរស័ព្ទឥតខ្សែ), វិទ្យុផ្សាយសំឡេង(ការផ្សាយសំឡេងតាមវិទ្យុ តាមរលកអាកាស)។ល៕
© រក្សាសិទ្ធិដោយ thmeythmey.com