កីឡាជាតិ
ជាតិ
U19 សាលាបាល់ទាត់ជាតិបាទី ប៉ះ ជម្រើសលីគទី៤ជប៉ុននៅល្ងាចនេះ ក្រុម U19 កម្ពុជាពេលធ្វើជាម្ចាស់ផ្ទះវគ្គជម្រុះ AFC U19 Championship 2019
× ក្រុមជម្រើសជាតិសាលាបាល់ទាត់ជាតិបាទីអាយុក្រោម១៩ឆ្នាំ ត្រូវប្រកួតតទល់ជាមួយក្រុមជម្រើសជាតិលីគទី៤ជប៉ុន(JFL) នាជំនួបមិត្តភាពអន្តរជាតិ ម៉ោង៥ល្ងាចថ្ងៃទី៣ ខែសីហា ឆ្នាំ២០១៨ នាពហុកីឡដ្ឋានជាតិ។ ទស្សនិកជន អាចទស្សនការប្រកួតនេះដោយសេរី ពោលគឺគ្មានការលក់សំបុត្រនោះទេ។
ក្រៅពីដកស្រង់បទពិសោធ បច្ចេកទេស ដើម្បីអភិវឌ្ឍសមត្ថភាពឲ្យកាន់តែប្រសើរ ជំនួបរវាង U19 សាលាបាល់ទាត់ជាតិបាទី ជាមួយក្រុមជម្រើសជាតិលីគលំដាប់ទី៤ជប៉ុន ដែលរៀបចំនៅពហុកីឡដ្ឋានជាតិ ក៏ដើម្បីអបអរខួប២០ឆ្នាំនៃការបង្កើតលីគបាល់ទាត់ជប៉ុន(JFL)ផងដែរ។
កីឡាករ សៀង ចន្ធា (អាវលេខ៩)ព្យាយាមគ្រប់គ្រងបាល់ពីការដណ្តើមរបស់កីឡាករចិន នាជំនួបវគ្គជម្រុះ AFC U19 នៅពហុកីឡដ្ឋានជាតិកាលពីពេលកន្លងទៅ
នេះជាលើកទី១ហើយ ដែលក្រុមកីឡាករលីគលំដាប់ទី៤ជប៉ុនមកប្រកួតនៅកម្ពុជា។ ហើយ វាក៏ជាលើកទី១ផងដែរ សម្រាប់ក្រុមយុវជនកម្ពុជា ដែលបានប្រកួតមិត្តភាពអន្តរជាតិជាមួយជប៉ុន។ បន្ទាប់ពីជំនួបនេះ ក្រុមកីឡាករជម្រើសលីគទី៤ជប៉ុន ក៏មានការប្រកួតមិត្តភាពអន្តរជាតិមួយទៀតផងដែរ គឺត្រូវតទល់ជាមួយបឹងកេត នៅថ្ងៃទី៥ ខែសីហា ខាងមុខ នាពហុកីឡដ្ឋានជាតិ៕
Tag:
បាល់ទាត់
ជប៉ុន
U19 សាលាបាល់ទាត់ជាតិបាទី
© រក្សាសិទ្ធិដោយ thmeythmey.com