កីឡាអន្តរជាតិ
អន្តរជាតិ
Bonucci ត្រឡប់ទៅ Juventus ហើយ AC Milan បាន Higuain វិញ
× ខ្សែការពារ Leonardo Bonucci បានវិលត្រឡប់ចូលក្លិបចាស់ Juventus វិញ ក្រោយចាកចេញទៅ AC Milan មួយរដូវកាល ខណៈដែលខ្សែប្រយុទ្ធ Gonzalo Higuain បានផ្លាស់ពីសេះបង្កង់ទៅកាន់ទឹកដី San Siro ក្នុងលក្ខខណ្ឌខ្ចីជើងមួយរដូវកាល។
ក្លិប AC Milan ត្រូវចំណាយប្រាក់១៦ លានផោន (២១លានដុល្លារអាមេរិក) ទៅឲ្យក្លិបម្ចាស់ជើងឯកអ៊ីតាលី Serie A ដើម្បីខ្ចី Higuain រយៈពេលមួយរដូវកាល មុនឈានដល់កិច្ចព្រមព្រៀងទិញផ្ដាច់ក្នុងតម្លៃ ៣២,០៤លានផោន (៤២លានដុល្លារអាមេរិក)។ ទន្ទឹមនឹងនេះខ្សែការពារអ៊ីតាលី Mattia Caldara ក៏បានចាកចេញពី Turin ទៅចូលរួមជាមួយ Milan ដែរ។
Higuain ខ្សែប្រយុទ្ធសញ្ជាតិអាហ្សង់ទីន វ័យ៣០ឆ្នាំដែលត្រូវបានភ្ជាប់នឹងការផ្ទេរទៅកាន់ Chelsea នោះ បានចូលរួមជាមួយ Juventus ពីក្លិប Napoli ក្នុងតម្លៃខ្លួន ៧៥,៣ លានផោន (៩៨លានដុល្លារ) កាលពីឆ្នាំ២០១៦ ដោយរកគ្រាប់បាល់ស៊ុតបញ្ចូលទី ៤០គ្រាប់សម្រាប់ការបង្ហាញខ្លួនពីររដូវកាល។
ដោយឡែក លក្ខខណ្ឌលើការផ្ទេរ Leonardo Bonucci គឺមានការដោះដូរជាមួយខ្សែការពារ Caldara វ័យ២៤ឆ្នាំ ដោយ Juventus បានផ្តល់ប្រាក់ ៣១,២លានផោន (៤០លានដុល្លារ) ទៅ AC Milan បន្ថែមទៀត។
ខ្សែការពារវ័យ៣១ឆ្នាំរូបនេះ បានចាកចេញពីសេះបង្កង់ ទៅកាន់ទឹកដី San Siro កាលពីរដូវកាលមុនក្នុងតម្លៃផ្ទេរ ៤៥លានដុល្លារអាមេរិក៕
Tag:
បាល់ទាត់
Leonardo Bonucci
Gonzalo Higuain
© រក្សាសិទ្ធិដោយ thmeythmey.com