ជាតិ
សង្គមជាតិ
ស.ស.យ.ក នឹងផ្ដល់រង្វាន់ដល់សិស្សជាប់លេខ១ដល់លេខ៣ ក្នុងការប្រឡងបាក់ឌុបឆ្នាំនេះ
× ភ្នំពេញ៖ សហភាពសហព័ន្ធយុវជនកម្ពុជា (ស.ស.យ.ក) ប្រកាសផ្ដល់រង្វាន់លើកទឹកចិត្តដល់សិស្សានុសិស្ស ប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំ២០១៨ ។ សិស្សដែលអាចទទួលបានរង្វាន់នេះ គឺមានចំណាត់ថ្នាក់លេខ១ដល់លេខ៣ (និទ្ទេសA លំដាប់ពិន្ទុខ្ពស់)។
សេចក្ដីជូនដំណឹងរបស់ស.ស.យ.ក បានបញ្ជាក់ថា រង្វាន់សម្រាប់សិស្សនុសិស្សជ័យលាភីក្នុងកម្រិតវិទ្យាល័យ លេខ១ ទទួលបានថវិកាចំនួន ៨សែនរៀល លេខ២ចំនួន ៦សែនរៀល និងលេខ៣ចំនួន ៤សែនរៀល។ ចំណែកសិស្សានុសិស្ស ដែលទទួលបានជ័យលាភីក្នុងកម្រិតរាជធានីភ្នំពេញ លេខ១ ទទួលបាន Ipad Pro.9.7. ១គ្រឿង លេខ២ទទួលបាន Ipad 9.7 ១គ្រឿង និងលេខ៣ ទទួលបាន Ipad Mini4 ១គ្រឿង។ បើតាមស.ស.យ.ក ដដែល សម្រាប់វិទ្យាល័យ ដែលសិស្សានុសិស្សទទួលបានជ័យលាភីចំណាត់ថ្នាក់លេខ១ដល់លេខ៣ក្នុងកម្រិតរាជធានី ទទួលបានកុំព្យូទ័រ Dell Desktop ១គ្រឿង និង Printer HP ដូចគ្នា។
គួរបញ្ជាក់ថា បេក្ខជនប្រឡងសញ្ញាបត្រមធ្យមសិក្សាទុតិយភូមិ នឹងត្រូវប្រឡងនៅថ្ងៃទី២០-២១ សីហា ឆ្នាំ២០១៨៕
Tag:
ស.ស.យ.ក
បាក់ឌុប
© រក្សាសិទ្ធិដោយ thmeythmey.com