បទ ផ្កាឈូករីក
-ពលរដ្ឋឆ្លាត សង្វាតដឹង ប្រឹងសិក្សា
ពលរដ្ឋឆ្លាត ប្រឹងធ្វើការ មិនបណ្តោយ
ពលរដ្ឋឆ្លាត ជួយជ្រោងជាតិ ទាំងមុខក្រោយ
ពលរដ្ឋឆ្លាត ឃើញរដ្ឋខ្សោយ ជួយជ្រោមជ្រែង។
-ស្រុកចម្រើន ព្រោះមានពល យល់នាទី
ស្រុកចម្រើន រាស្ត្ររកស៊ី ប្រឹងមិនលែង
ស្រុកចម្រើន ប្រៀបខាងក្រៅ អាចប្រជែង
ស្រុកចម្រើន សត្រូវលែង លុកលុយបាន។
-រួមកម្លាំង ច្បាំងភាពខ្សោយ ដោយប្រែងប្រែង
រួមកម្លាំង ខ្មែរគ្នាឯង ទើបស្រុកថ្កាន
រួមកម្លាំង ស្របប្រឆាំង ទាំងប៉ុន្មាន
រួមកម្លាំង បើធ្វើបាន ខ្មែរអមត។
-តោះចាប់ផ្តើម ពីម្នាក់ៗ ជាក់យើងអាច
តោះចាប់ផ្តើម ឈប់បន្លាច កាច់បំបាក់
តោះចាប់ផ្តើម រួមសុខទុក្ខ ឈប់រុកចាក់
តោះចាប់ផ្តើម ទោះខុសបក្ស អត់បញ្ហា?