ពីនេះ ពីនោះ
គំនិតច្នៃប្រឌិតកើតក្នុងសង្គមខ្មែរតាំងពីសម័យបុរាណ តែគេមិនសូវយកចិត្តទុកដាក់ រូបភាពពី គី ចំណា
×
ភ្នំពេញ៖ នៅក្នុងសម័យកាលឌីជីថលនាពេលបច្ចុប្បន្ននេះ គេនាំគ្នានិយាយពីគំនិតបង្កើតថ្មី និងគំនិតច្នៃប្រឌិតថ្មី។ តែប្រសិនបើគេក្រឡេកមើលប្រវត្តិរបស់ខ្មែរមួយផ្នែក តាមពិត បុព្វបុរសខ្មែរកាលពីជំនាន់ដើមមានគំនិតច្នៃប្រឌិត ឬមានគំនិតបង្កើតថ្មីៗតាំងពីយូរយាណាស់មកហើយ។ គ្រាន់តែថា ពលរដ្ឋខ្មែរមិនសូវចាប់អារម្មណ៍អភិវឌ្ឍគំនិតច្នៃប្រឌិតទាំងនោះ។ ជាឧទាហរណ៍ជាក់ស្តែង ស៊ុំប៉ាន់តែដែលធ្វើអំពីសំបកដូងនេះ ត្រូវបានខ្មែរសម័យបុរាណផលិតដើម្បីប្រើប្រាស់នៅតាមគេហដ្ឋានរៀងៗខ្លួន។ គំនិតច្នៃប្រឌិតរបស់ខ្មែរមាន តែពលរដ្ឋខ្មែរ(មិនទាំងអស់)នៅខ្វះគំនិតធ្វើជំនួញពីគំនិតដែលខ្លួនមាន។ ស៊ុំប៉ាន់តែមួយ ដែលធ្វើអំពីសំបកដូងនេះ អាចលក់ក្នុងតម្លៃពីជាង១០ដុល្លារ ទៅដល់២០ដុល្លារអាមេរិក។ ជាក់ស្តែង ស៊ុំប៉ាន់តែនៅក្នុងរូបភាពនេះមានតម្លៃ១៥ដុល្លារអាមេរិកតាមការបញ្ជាទិញរបស់អតិថិជនតាមលក្ខណៈស្គាល់គ្នា៕
© រក្សាសិទ្ធិដោយ thmeythmey.com