ពីនេះ ពីនោះ
កុំហុសបុគ្គលិកដែលរត់ចេញពីក្រុមហ៊ុនមួយទៅក្រុមហ៊ុនមួយទៀតដោយសារជម្លោះ…
× នៅក្នុងសង្គមការងារ គ្មានអ្វីស្រួលឡើយ។ បញ្ហាដែលតែងតែកើតឡើងនៅក្នុងក្រុមហ៊ុន មានដូចជា ការគ្រប់គ្រងក្រុមហ៊ុនមិនល្អដោយសារតែថៅកែ ឬអ្នកគ្រប់មិនចេះគ្រប់គ្រង, ជួនកាល បញ្ហាកើតឡើងដោយសារតែប្រាក់ខែជូនបុគ្គលិកតិចពេក, ជួនកាល បញ្ហាកើតឡើងដោយសារតែ បុគ្គលិកខ្លួនឯងខ្ជិលធ្វើការ លួចម៉ោងការងារក្រុមហ៊ុនទៅធ្វើការងារផ្សេង។ល។ បញ្ហាទាំងអស់ខាងលើបានធ្វើឲ្យបុគ្គលិកមួយចំនួនផ្លាស់ប្តូរការងារជាញឹកញាប់ ពីកន្លែងមួយទៅកន្លែងមួយទៀត។ ចំពោះចំណុចខាងលើនេះ បុគ្គលិកអាចផ្លាស់ប្តូរក្រុមហ៊ុនបានដោយគ្មាបបញ្ហាអ្វីឡើយ ព្រោះវាជាជម្រើសរបស់បុគ្គលម្នាក់ៗ។
តែអ្វីដែលបុគ្គលិកមិនគួរផ្លាស់ប្តូរនោះ គឺថា ពេលខ្លះ បុគ្គលិកខ្លួនឯងគ្រាន់តែមិនសប្បាយចិត្តជាមួយបុគ្គលិកដទៃមួយម្នាក់ទៀត ឬពីរនាក់ ក៏សុខចិត្តដើរចេញពីកន្លែងការងារដែលខ្លួនកំពុងធ្វើដែរ។ ចេញពីកន្លែងមួយ ទៅធ្វើការងារកន្លែងមួយទៀត ហើយប្រឈមបញ្ហាដូចគ្នា ក៏ឈប់ពីកន្លែងថ្មីនោះទៀត។ ការរត់ចេញដោយគ្រាន់តែមិនពេញចិត្តនឹងបុគ្គលិកម្នាក់ ឬពីរនាក់ គឺជាកំហុសរបស់បុគ្គលិកដែលចាកចេញនោះ។ នៅក្នុងសង្គមការងារ បុគ្គលិកដែលជោគជ័យ គឺជាបុគ្គលិកដែលចេះសម្របខ្លួនទៅនឹងគ្រប់កាលៈទេសៈនៃការងារ។ នៅលើលោកនេះ គ្មានឡើយការងារស្រណុកសុខស្រួល។ ចូរកុំរត់ចេញពីបញ្ហា តែត្រូវចេះដោះស្រាយបញ្ហា៕
© រក្សាសិទ្ធិដោយ thmeythmey.com