ពីនេះ ពីនោះ
×![]()
ដោយ: ថ្មីៗ
«ទូរសព្ទ» និង«ទូរស័ព្ទ» ជាពាក្យដែលពលរដ្ឋតែងតែប្រើបូកឡូកគ្នា អ្នកខ្លះសរសេរ ជា«ទូរសព្ទ» និងខ្លះសរសេរជា «ទូរស័ព្ទ» តែមិនច្បាស់ថាពាក្យណាមួយត្រឹមត្រូវឡើយ។ សម្តេចព្រះសង្ឃរាជ ជួន ណាត បានបញ្ជាក់ពាក្យដែលត្រូវប្រើនោះគឺ «ទូរស័ព្ទ» ដាច់ខាតត្រូវតែមាន សំយោគសញ្ញា(័) មកជាមួយ ទើបពាក្យនេះបញ្ជាក់ថា ជាប្រដាប់សម្រាប់និយាយ បញ្ជូនសំឡេង ឆ្លងឆ្លើយទៅកាន់ទីឆ្ងាយបាន។ 
មូលហេតុពាក្យ «ទូរស័ព្ទ» តម្រូវឲ្យសរសេរ មានសំយោគសញ្ញា(័) នៅពីលើ ព្យញ្ជនៈ «ស» ដោយសារតែពាក្យនេះ សម្រាប់លម្អៀងស័ព្ទរបស់ពាក្យក្លាយមកពីភាសាបាលី ឬសំស្ក្រឹត។ មានពាក្យជាច្រើនដែលបានក្លាយពីភាសាបាលី និងសំស្ក្រឹត ដោយត្រូវដាក់សំយោគសញ្ញា(័) រួមមាន ភយ, ជយ,អាស្រយ, អាលយ ត្រូវសរសេរមកជា ភ័យ,ជ័យ,អាស្រ័យ អាល័យ វិញ។
ដោយឡែកពាក្យដែលមិនត្រូវសរសេរអមជាមួយសំយោគសញ្ញា(័) នោះគឺ កិត្តិសព្ទ, កិរិយាសព្ទ, នាមសព្ទ, និបាតសព្ទ, សទិសសព្ទ, កល្បសព្ទ ជាដើម៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
