ជាតិ
សង្គមជាតិ
ដើម្បីឈ្នះប្រទេសដទៃក្នុងអាស៊ាន កម្ពុជាអាចរំលេចខ្លួនឯងជាប្រទេសដាំផលិតផលសរីរាង្គ និងធម្មជាតិ
×
ភ្នំពេញ៖ ប្រសិនបើប្រកួតជាមួយសមាជិកនៃប្រទេសអាស៊ានដទៃពីរឿងផលិត ផលិតផលកសិកម្មជាទូទៅ ប្រហែលជាប្រទេសកម្ពុជាមិនអាចយកឈ្នះប្រទេសទាំងអស់នោះបានឡើយ ព្រោះកម្លាំងផលិត និងបច្ចេកទេសផលិតនៃសមាជិកអាស៊ានដទៃទៀត មានសក្តានុពលខ្លាំង និងខ្ពស់ជាងកម្ពុជា។ នេះ នៅមិនទាន់និយាយពីតម្លៃអគ្គីសនី ទឹក ហេដ្ឋារចនាសម្ព័ន្ធ នៃប្រទេសទាំងនោះប្រសើរជាងកម្ពុជាផង។
បើទោះជាយ៉ាងនេះក្តី ប្រទេសកម្ពុជាដែលជាប្រទេសកសិកម្មខ្លាំងមួយដែរនោះ ក៏មិនទាន់អស់សង្ឃឹមនៅឡើយដែរ។ កម្ពុជាអាចជំរុញខ្លួនឯងឲ្យក្លាយទៅជាប្រទេសផលិត ផលិតផលកសិកម្មធម្មជាតិ និងសរីរាង្គ។ មានតែផ្លូវមួយនេះទេដែលអាចអនុញ្ញាតឲ្យកម្ពុជាអាចល្បី និងមានកេរ្តិ៍ឈ្មោះនៅលើទីផ្សារអន្តរជាតិបាន។ ប្រសិនបើនិយាយពីផលិតផលកសិកម្មជារួម កម្ពុជានៅឆ្ងាយពីប្រទេសវៀតណាម ថៃ ម៉ាឡេស៊ី ឥណ្ឌូនេស៊ី។ល។ បច្ចុប្បន្ននេះ ទីផ្សារនៅក្រៅប្រទេសមួយចំនួន ងាកចេញពីប្រទេសមួយចំនួននៅក្នុងអាស៊ានដែលប្រើប្រាស់ជីគីមីច្រើនហួសហេតុលើផលិតផលកសិកម្ម។ អ្នកជំនួញក្រៅប្រទេសមួយចំនួនកំពុងសម្លឹងមើលទីផ្សារកម្ពុជាដែលគេគិតថា អាចជាទីផ្សារធម្មជាតិ និងសរីរាង្គ។ តើកម្ពុជាអាចជំរុញ ឬធ្វើទីផ្សារខ្លួនឯង ជាទីផ្សារអ្នកផលិត ផលិតផលកសិកម្មធម្មជាតិ និងសរីរាង្គបានដែរឬទេ?
© រក្សាសិទ្ធិដោយ thmeythmey.com