អន្តរជាតិ
អតីតនាយករដ្ឋមន្ត្រី ណាជីប រងការចោទប្រកាន់ករណីលាងលុយជាង១០លានដុល្លារ
អតីតនាយករដ្ឋមន្រ្តីម៉ាឡេស៊ី ណាជីប រ៉ាហ្សាក់ (រូបភាព AFP)
×![]()
ដោយ: តន ចាន់រិទ្ធារ៉ា
សំណុំរឿងពុករលួយរបស់អតីតនាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ ពាក់ព័ន្ធការកិបកេងលុយមូលនិធិរដ្ឋ កំពុងតែដំណើរការក្ដៅគគុក។ នៅថ្ងៃទី៨ ខែសីហា លោក ណាជីប ត្រូវបានចោទប្រកាន់បីករណីទៀតជាប់ទាក់ទងនឹងការលាងលុយជាង១០លានដុល្លារ បន្ថែមពីលើការចោទប្រកាន់ចំនួន៤រួចមកហើយនោះ។ ដូចពេលកន្លងមកដែរ លោក ណាជីប នៅតែអះអាងថា លោកត្រឹមត្រូវដដែល តែបើតុលាការរកឃើញកំហុសមែននោះ លោកទំនងជាចំណាយជីវិតចុងក្រោយក្នុងពន្ធនាគារហើយ។
សម្ពាធផ្លូវច្បាប់កំពុងសង្កត់កអតីតនាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ ជាបន្តបន្ទាប់។ ក្រោយការចោទប្រកាន់ដល់ទៅបួនករណីពាក់ព័ន្ធការបំពានអំណាច និងបទឧក្រិដ្ឋរំលោភការទុកចិត្ត លោក ណាជីប ក៏ត្រូវចោទប្រកាន់បីករណីទៀតពាក់ព័ន្ធការលាងលុយ។ លោកត្រូវបានគណៈកម្មការប្រឆាំងអំពើពុករលួយម៉ាឡេស៊ី កោះហៅដើម្បីសាកសួរនៅថ្ងៃ៧ ខែសីហា រួចទើបទទួលបានការចោទប្រកាន់ផ្លូវការនៅថ្ងៃទី៨ ខែសីហា។
ក្នុងសំណុំរឿងថ្មីនេះ លោក ណាជីប ត្រូវបានចោទថា បានផ្ទេរប្រាក់ចំនួនជាង១០លានដុល្លារពីគណនីរបស់ SRC International ដែលស្ថាប័នចំណុះមូលនិធិរដ្ឋ 1MDB ទៅកាន់គណនីផ្ទាល់ខ្លួនរបស់លោកក្នុងឆ្នាំ២០១៤ និង២០១៥ ។ បើរកឃើញកំហុសលើករណីថ្មីមែននោះ អតីតនាយករដ្ឋមន្ត្រីម៉ាឡេស៊ីវ័យ៦៤ឆ្នាំរូបនេះ នឹងត្រូវជាប់ពន្ធនាគាររយៈពេល១៥ឆ្នាំ និងត្រូវបង់ប្រាក់ពិន័យច្រើនក្រាស់ក្រែលទៀត។ នេះបើតាមទូរទស្សន៍ Channel NewsAsia ។
សម្រាប់ការចោទប្រកាន់បួនករណីខាងលើវិញ ករណីនីមួយៗអាចឲ្យលោក ណាជីប ត្រូវជាប់ពន្ធនាគារចំនួន២០ឆ្នាំបន្ថែមទៀត។ ករណីទាំងអស់ក៏សុទ្ធតែជាប់ទាក់ទងនឹងអង្គភាព SRC International តែមួយ។ ទឹកប្រាក់ចំនួន៤.៥ពាន់លានដុល្លារ ត្រូវគេជឿថា ត្រូវបានប្រើប្រាស់ខុសគោលដៅក្នុងរយៈពេល៩ឆ្នាំនៃអាណត្តិដឹកនាំរបស់លោក ណាជីប ។
យ៉ាងណាមិញ លោក ណាជីប នៅតែបដិសេធការចោទប្រកាន់ទាំងអស់ដដែល ហើយក៏សង្ឃឹមថា ដំណើរការក្ដីនេះ នឹងធ្វើឡើងដោយយុត្តិធម៌ ដើម្បីបង្ហាញភាពស្មោះត្រង់របស់លោក។ ក្រោយចាញ់ឆ្នោត និងរងការចោទប្រកាន់មក លោក ណាជីប និងភរិយា Rosmah Mansor ក៏ត្រូវបានរដ្ឋាភិបាលលោកនាយករដ្ឋមន្ត្រី មហាធៀ មហាម៉ាត់ ហាមឃាត់ចាកចេញពីប្រទេសដើម្បីរង់ចាំដំណើរការក្ដីពុករលួយដ៏ធំមួយនេះ។
សំណុំរឿងកិបកេងលុយមូលនិធិរដ្ឋនេះ បានបិទបញ្ចប់ម្ដងហើយក្នុងសម័យលោក ណាជីប ដឹកនាំប្រទេស ដោយមន្ត្រីនានាអះអាងថា លោកពិតជាស្អាតស្អំមែន។ យ៉ាងណាក្ដី លោក មហាធៀ ដេលឈ្នះឆ្នោតក្នុងខែឧសភា ត្រូវបានសើរើឡើងវិញ ហើយល្បឿននៃការស៊ើបអង្កេតមានដំណើរការលឿនគួរកត់សម្គាល់។ បន្ទុកជាច្រើនបានធ្លាក់លោក ណាជីប រហូតលោករិះគន់ថា សំណុំរឿងនេះជាការសងសឹកនយោបាយទៀតផង៕
សម្ពាធផ្លូវច្បាប់កំពុងសង្កត់កអតីតនាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ ជាបន្តបន្ទាប់។ ក្រោយការចោទប្រកាន់ដល់ទៅបួនករណីពាក់ព័ន្ធការបំពានអំណាច និងបទឧក្រិដ្ឋរំលោភការទុកចិត្ត លោក ណាជីប ក៏ត្រូវចោទប្រកាន់បីករណីទៀតពាក់ព័ន្ធការលាងលុយ។ លោកត្រូវបានគណៈកម្មការប្រឆាំងអំពើពុករលួយម៉ាឡេស៊ី កោះហៅដើម្បីសាកសួរនៅថ្ងៃ៧ ខែសីហា រួចទើបទទួលបានការចោទប្រកាន់ផ្លូវការនៅថ្ងៃទី៨ ខែសីហា។
ក្នុងសំណុំរឿងថ្មីនេះ លោក ណាជីប ត្រូវបានចោទថា បានផ្ទេរប្រាក់ចំនួនជាង១០លានដុល្លារពីគណនីរបស់ SRC International ដែលស្ថាប័នចំណុះមូលនិធិរដ្ឋ 1MDB ទៅកាន់គណនីផ្ទាល់ខ្លួនរបស់លោកក្នុងឆ្នាំ២០១៤ និង២០១៥ ។ បើរកឃើញកំហុសលើករណីថ្មីមែននោះ អតីតនាយករដ្ឋមន្ត្រីម៉ាឡេស៊ីវ័យ៦៤ឆ្នាំរូបនេះ នឹងត្រូវជាប់ពន្ធនាគាររយៈពេល១៥ឆ្នាំ និងត្រូវបង់ប្រាក់ពិន័យច្រើនក្រាស់ក្រែលទៀត។ នេះបើតាមទូរទស្សន៍ Channel NewsAsia ។
សម្រាប់ការចោទប្រកាន់បួនករណីខាងលើវិញ ករណីនីមួយៗអាចឲ្យលោក ណាជីប ត្រូវជាប់ពន្ធនាគារចំនួន២០ឆ្នាំបន្ថែមទៀត។ ករណីទាំងអស់ក៏សុទ្ធតែជាប់ទាក់ទងនឹងអង្គភាព SRC International តែមួយ។ ទឹកប្រាក់ចំនួន៤.៥ពាន់លានដុល្លារ ត្រូវគេជឿថា ត្រូវបានប្រើប្រាស់ខុសគោលដៅក្នុងរយៈពេល៩ឆ្នាំនៃអាណត្តិដឹកនាំរបស់លោក ណាជីប ។
យ៉ាងណាមិញ លោក ណាជីប នៅតែបដិសេធការចោទប្រកាន់ទាំងអស់ដដែល ហើយក៏សង្ឃឹមថា ដំណើរការក្ដីនេះ នឹងធ្វើឡើងដោយយុត្តិធម៌ ដើម្បីបង្ហាញភាពស្មោះត្រង់របស់លោក។ ក្រោយចាញ់ឆ្នោត និងរងការចោទប្រកាន់មក លោក ណាជីប និងភរិយា Rosmah Mansor ក៏ត្រូវបានរដ្ឋាភិបាលលោកនាយករដ្ឋមន្ត្រី មហាធៀ មហាម៉ាត់ ហាមឃាត់ចាកចេញពីប្រទេសដើម្បីរង់ចាំដំណើរការក្ដីពុករលួយដ៏ធំមួយនេះ។
សំណុំរឿងកិបកេងលុយមូលនិធិរដ្ឋនេះ បានបិទបញ្ចប់ម្ដងហើយក្នុងសម័យលោក ណាជីប ដឹកនាំប្រទេស ដោយមន្ត្រីនានាអះអាងថា លោកពិតជាស្អាតស្អំមែន។ យ៉ាងណាក្ដី លោក មហាធៀ ដេលឈ្នះឆ្នោតក្នុងខែឧសភា ត្រូវបានសើរើឡើងវិញ ហើយល្បឿននៃការស៊ើបអង្កេតមានដំណើរការលឿនគួរកត់សម្គាល់។ បន្ទុកជាច្រើនបានធ្លាក់លោក ណាជីប រហូតលោករិះគន់ថា សំណុំរឿងនេះជាការសងសឹកនយោបាយទៀតផង៕
Tag:
ម៉ាឡេស៊ី
ណាជីប រ៉ាហ្សាក់
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
