ជាតិ
នយោបាយជាតិ
មេបក្សខ្មែរក្រោក៖ «ស្នាមមេដៃដើម្បីកោះត្រល់» ចង់បង្ហាញពីសកម្មភាព ដែលមិនមែនត្រឹមតែទ្រឹស្តី
×![]()
ភ្នំពេញ៖ គណបក្សខ្មែរក្រោក បានប្រមូលស្នាមមេដៃរាប់ពាន់នាក់ ពីប្រជាពលរដ្ឋត្រឹមរយៈពេលតែមួយថ្ងៃប៉ុណ្ណោះ។ ការប្រមូលស្នាមមេដៃនេះ ចាប់ផ្ដើមនៅថ្ងៃទី១៨ ខែសីហា បន្ទាប់ពីសាលារាជធានីភ្នំពេញ អនុញ្ញាតឲ្យគណបក្សខ្មែរក្រោក ធ្វើយុទ្ធនាការណ៍ប្រមូល«ស្នាមមេដៃដើម្បីកោះត្រល់»នេះ ដោយភ្ជាប់នូវលក្ខខណ្ឌចំនួន៣ចំណុច។
ត្រឹមរយៈពេលតែ១ថ្ងៃប៉ុណ្ណោះ គណបក្សខ្មែរក្រោក បានទទួលស្នាមមេដៃប្រមាណ២,០០០ ពីពលរដ្ឋ ក្នុងយុទ្ធនាការណ៍ «ស្នាមមេដៃដើម្បីកោះត្រល់»។ ការធ្វើយុទ្ធនាការណ៍នេះ បានធ្វើឡើងក្រោយខកខានអស់រយៈពេល១០ថ្ងៃ ដោយសារមិនមានការអនុញ្ញាតពីសាលារាជធានីភ្នំពេញ។
ប្រធានគណបក្សខ្មែរក្រោក លោក សុខសុវណ្ណ វឌ្ឍនាសាប៊ុង បានបញ្ជាក់ថា យុទ្ធនាការណ៍ប្រមូលស្នាមមេដៃនេះ មិនមែនធ្វើឡើងដើម្បីទាញប្រជាប្រិយភាពឡើយ តែដើម្បីបូរណៈភាពទឹកដី និងស្មារតីជាតិនិយមរបស់គណបក្សលោក ក៏ដូចជាប្រជាពលរដ្ឋ ដែលសោកស្ដាយចំពោះការបាត់បង់ដែនដីរបស់ខ្លួន។ ថ្លែងប្រាប់សារព័ត៌មានថ្មីៗ ប្រធានគណបក្សរូបនេះ បានបញ្ជាក់ដូច្នេះថា៖«ប្រសិនជារឿងនយោបាយនោះ យើងមិនធ្វើនៅពេលនេះទេ គឺយើងគួរធ្វើឡើងនៅមុនពេលបោះឆ្នោតឯណោះ។ ហើយក្នុងនាមយើងជាអ្នកនយោបាយ គឺដើរតួជាអ្នកដឹកនាំប្រជាពលរដ្ឋតែប៉ុណ្ណោះ ហើយដោយសារតែកន្លងមកមានតែអ្នកនិយាយ តែមិនមានអ្នកធ្វើ ទើបយើងត្រូវចាប់ផ្ដើមធ្វើនៅពេលនេះ»។
យុទ្ធនាការណ៍«ស្នាមមេដៃដើម្បីកោះត្រល់» ត្រូវបានធ្វើឡើងក្រោយពីមានការអនុញ្ញាតពីសាលារាជធានីភ្នំពេញ បន្ទាប់ពីមានកិច្ចប្រជុំពិភាក្សាគ្នារវាងភាគីទាំង២ នៅថ្ងៃទី១៦ ខែសីហា។ ដ្បិតមានការអនុញាតមែន ប៉ុន្តែសាលារាជធានីភ្នំពេញ បានភ្ជាប់លក្ខខណ្ឌ៣ចំណុច សម្រាប់គណបក្សខ្មែរក្រោក។ ទី១ ការប្រមូលស្នាមមេដៃនេះ ហាមធ្វើយុទ្ធនាការណ៍នៅទីសាធារណៈ , ទី២ ហាមប្រើប្រាស់ឧបករណ៍បំពងសំឡេងនៅទីសាធារណៈ និងចុងក្រោយ បើមានភាពចលលាចល ដែលធ្វើឲ្យប៉ះពាល់ដល់សន្តិសុខ សណ្ដាប់ធ្នាប់ណាមួយនោះ សាលារាជធានីភ្នំពេញ នឹងបញ្ឈប់សកម្មភាពភ្លាម។
បើទោះលក្ខខណ្ឌនេះ ជាបញ្ហារំខានដល់យុទ្ធនាការណ៍នេះ តែប្រធានគណបក្សខ្មែរក្រោក នៅជឿជាក់ថា គណបក្សខ្លួននឹងអាចប្រមូលស្នាមមេដៃចំនួន៥ម៉ឺន ក្នុងរយៈពេល១ខែ ដើម្បីយកទៅដាក់នៅក្រុមប្រឹក្សារដ្ឋធម្មនុញ្ញ ។ « ប្រសិនជាក្រោយការដាក់ស្នាមេដៃរបស់ពលរដ្ឋទៅកាន់ក្រុមប្រឹក្សាធម្មនុញ្ញមិនទទួលបានលទ្ធផលអ្វីនោះ លោកនឹងបន្តដោះស្រាយតាមច្បាប់អន្តរជាតិថែមទៀត»។ នេះជាការបញ្ជាក់របស់អ្នកនយោបាយវ័យក្មេងរូបនេះ៕
ត្រឹមរយៈពេលតែ១ថ្ងៃប៉ុណ្ណោះ គណបក្សខ្មែរក្រោក បានទទួលស្នាមមេដៃប្រមាណ២,០០០ ពីពលរដ្ឋ ក្នុងយុទ្ធនាការណ៍ «ស្នាមមេដៃដើម្បីកោះត្រល់»។ ការធ្វើយុទ្ធនាការណ៍នេះ បានធ្វើឡើងក្រោយខកខានអស់រយៈពេល១០ថ្ងៃ ដោយសារមិនមានការអនុញ្ញាតពីសាលារាជធានីភ្នំពេញ។
ប្រធានគណបក្សខ្មែរក្រោក លោក សុខសុវណ្ណ វឌ្ឍនាសាប៊ុង បានបញ្ជាក់ថា យុទ្ធនាការណ៍ប្រមូលស្នាមមេដៃនេះ មិនមែនធ្វើឡើងដើម្បីទាញប្រជាប្រិយភាពឡើយ តែដើម្បីបូរណៈភាពទឹកដី និងស្មារតីជាតិនិយមរបស់គណបក្សលោក ក៏ដូចជាប្រជាពលរដ្ឋ ដែលសោកស្ដាយចំពោះការបាត់បង់ដែនដីរបស់ខ្លួន។ ថ្លែងប្រាប់សារព័ត៌មានថ្មីៗ ប្រធានគណបក្សរូបនេះ បានបញ្ជាក់ដូច្នេះថា៖«ប្រសិនជារឿងនយោបាយនោះ យើងមិនធ្វើនៅពេលនេះទេ គឺយើងគួរធ្វើឡើងនៅមុនពេលបោះឆ្នោតឯណោះ។ ហើយក្នុងនាមយើងជាអ្នកនយោបាយ គឺដើរតួជាអ្នកដឹកនាំប្រជាពលរដ្ឋតែប៉ុណ្ណោះ ហើយដោយសារតែកន្លងមកមានតែអ្នកនិយាយ តែមិនមានអ្នកធ្វើ ទើបយើងត្រូវចាប់ផ្ដើមធ្វើនៅពេលនេះ»។
យុទ្ធនាការណ៍«ស្នាមមេដៃដើម្បីកោះត្រល់» ត្រូវបានធ្វើឡើងក្រោយពីមានការអនុញ្ញាតពីសាលារាជធានីភ្នំពេញ បន្ទាប់ពីមានកិច្ចប្រជុំពិភាក្សាគ្នារវាងភាគីទាំង២ នៅថ្ងៃទី១៦ ខែសីហា។ ដ្បិតមានការអនុញាតមែន ប៉ុន្តែសាលារាជធានីភ្នំពេញ បានភ្ជាប់លក្ខខណ្ឌ៣ចំណុច សម្រាប់គណបក្សខ្មែរក្រោក។ ទី១ ការប្រមូលស្នាមមេដៃនេះ ហាមធ្វើយុទ្ធនាការណ៍នៅទីសាធារណៈ , ទី២ ហាមប្រើប្រាស់ឧបករណ៍បំពងសំឡេងនៅទីសាធារណៈ និងចុងក្រោយ បើមានភាពចលលាចល ដែលធ្វើឲ្យប៉ះពាល់ដល់សន្តិសុខ សណ្ដាប់ធ្នាប់ណាមួយនោះ សាលារាជធានីភ្នំពេញ នឹងបញ្ឈប់សកម្មភាពភ្លាម។
បើទោះលក្ខខណ្ឌនេះ ជាបញ្ហារំខានដល់យុទ្ធនាការណ៍នេះ តែប្រធានគណបក្សខ្មែរក្រោក នៅជឿជាក់ថា គណបក្សខ្លួននឹងអាចប្រមូលស្នាមមេដៃចំនួន៥ម៉ឺន ក្នុងរយៈពេល១ខែ ដើម្បីយកទៅដាក់នៅក្រុមប្រឹក្សារដ្ឋធម្មនុញ្ញ ។ « ប្រសិនជាក្រោយការដាក់ស្នាមេដៃរបស់ពលរដ្ឋទៅកាន់ក្រុមប្រឹក្សាធម្មនុញ្ញមិនទទួលបានលទ្ធផលអ្វីនោះ លោកនឹងបន្តដោះស្រាយតាមច្បាប់អន្តរជាតិថែមទៀត»។ នេះជាការបញ្ជាក់របស់អ្នកនយោបាយវ័យក្មេងរូបនេះ៕
Tag:
នយោបាយ
ខ្មែរក្រោក
កោះត្រល់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
