ជាតិ
សង្គមជាតិ
សមត្ថកិច្ចរាជធានីភ្នំពេញឃាត់ខ្លួនជនជាតិ១២នាក់ដែលគ្មានបណ្ណការងារ
× ភ្នំពេញ៖ ជនជាតិឥណ្ឌា១២នាក់ ត្រូវបានអាជ្ញាធរមានសមត្ថកិច្ចឃាត់ខ្លួន និងបញ្ជូនទៅកាន់អគ្គនាយកដ្ឋានអន្តោប្រវេសន៍។ ការឃាត់ខ្លួននេះ មូលហេតុដោយសារតែ អ្នកទាំងនោះ គ្មានបណ្ណការងារ ទោះបីជាមានលិខិតឆ្លងដែនក្ដី។ នេះបើតាមការផ្សាយគេហទំព័រអគ្គស្នងការដ្ឋាននគរបាលជាតិកាលពីថ្ងៃទី២២ ខែសីហា។
លោក វរសេនីយ៍ទោ ជា ចិត្រា នាយការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ប្រតិបត្តិការឃាត់ខ្លួនជនជាតិឥណ្ឌាចំនួន ១២នាក់នេះ ដោយមានការចួលរួមពីអាជ្ញាធរមានសមត្ថកិច្ចចម្រុះ បានត្រួតពិនិត្យជនជាតិឥណ្ឌា ដែលឆ្លងដែន និងធ្វើការខុសច្បាប់ស្ថិតនៅ ផ្ទះលេខ៣០E1 និងផ្ទះលេខ៣៤ ផ្លូវជាតិលេខ៨១ សង្កាត់ផ្សារថ្មី២ ខណ្ឌដូនពេញ។
នាការចុះត្រួតពិនិត្យ សមត្ថកិច្ចរកឃើញវត្តមានជនជាតិឥណ្ឌា១៤នេះដោយ២នាក់មានលិខិតឆ្លងដែន និងមានបណ្ណការងារ និង១២នាក់ មានតែលិខិតឆ្លងដែន ប៉ុន្តែគ្មានបណ្ណការងារ៕
Tag:
អន្តោប្រវេសន៍
ជនជាតិឥណ្ឌា
ជា ចិត្រា
© រក្សាសិទ្ធិដោយ thmeythmey.com