កីឡាអន្តរជាតិ
អន្តរជាតិ
Front-ពីឆ្វេងទៅស្នាំ កីឡាករវាយកូនបាល់ Kei Nishikori កីឡាករគ្រីឃីត Virat Kohli និងកីឡរករប៊េសបល Masahiro Tanaka
×![]()
ដោយ: ទេព ពិទូរ្យ
បើទោះបីអត្តពលិកអាស៊ីមិនសូវមានមុខក្នុងតារាងបញ្ជីឈ្មោះក្នុងនាមកីឡាករដែលរកចំណូលបានច្រើនប្រចាំឆ្នាំក៏ដោយ ប៉ុន្តែក៏មានកីឡាករមួយចំនួនដែលរកចំណូលច្រើននៅលើទីលាន និងក្នុងក្របខណ្ឌកីឡាលំដាប់ពិភពលោកផងដែរ។
ទស្សនាវដ្ត Forbes បានចុះបញ្ជីអត្តពលិកដែលរកចំណូលបានច្រើនចុងក្រោយបំផុតកាលពីខែមិថុនា ឆ្នាំ២០១៨ ដោយក្នុងនោះក៏មានឈ្មោះកីឡាករអាស៊ីមួយចំនួនផងដែរក្នុងចំណោមអត្តពលិកដែលមានប្រាក់ចំណូលខ្ពស់បំផុតទាំង១០០នាក់នៅលើពិភពលោក។
កីឡាករវាយកូនបាល់លំដាប់ពិភពលោក Kei Nishikori របស់ជប៉ុនឈរនៅលំដាប់ថ្នាក់ទី១ក្នុងនាមអត្តពលិកអាស៊ីដែលរកចំណូលបានច្រើនជាងគេ តែនៅលេខរៀងទី៣៥ពិភពលោកដោយទទួលបានប្រាក់ប្រចាំឆ្នាំ ៣៤,៦លានដុល្លារអាមេរិក។ បន្ទាប់គឺកីឡាករគ្រីឃីត (Cricket) ឥណ្ឌា Virat Kohli ឈរនៅចំណាត់ថ្នាក់ទី៨៣ពិភពលោករកចំណូលបាន ២៤លានដុល្លារ និងកីឡាករ Baseball របស់ជប៉ុន Masahiro Tanaka ឈរនៅលេខរៀងទី៩៥ ដោយទទួលបានប្រាក់ចំណូលប្រចាំឆ្នាំ ២៣,១លានុដល្លារ។
ទស្សនាវដ្តីល្បីឈ្មោះលំដាប់ពិភពលោកមួយនេះ ក៏បានបង្ហាញឈ្មោះកីឡាការិនីវាយសីរបស់ឥណ្ឌា Pusarla Venkata Sindhu ដែលកំពុងតែល្បីឈ្មោះ និងទទួលបានប្រាក់ចំណូលប្រចាំឆ្នាំច្រើនគូរសមបើទោះបីមិនស្ថិនក្នុងចំណោម១០០នាក់របស់ពិភពលោកក៏ដោយ។
កីឡាការិនីវ័យ២៣ឆ្នាំដែលទទួលបានមេដាយប្រាក់ពីកីឡាអាស៊ី ឆ្នាំ២០១៨ នៅឥណ្ឌូណេស៊ីលើវិញ្ញាសាវាយទោលរូបនេះ រកប្រាក់ចំណូលប្រចាំឆ្នាំសរុប ៨,៥លានដុល្លារ។
ដោយឡែក កីឡាករហែលទឹកចិន Sun Yang ដែលជាម្ចាស់មេដាយមាសអូឡាំពិក និងកីឡាស៊ី Asian Games 2018 រកប្រាក់ចំណូលបានកាលពីឆ្នាំមុន ៩លានដុល្លារអាមេរិក៕
Tag:
Forbes
Kei Nishikori
អត្តពលិកមានចំណូលខ្ពស់បំផុត
© រក្សាសិទ្ធិដោយ thmeythmey.com
