កីឡាអន្តរជាតិ
អន្តរជាតិ
Asian Games៖ យក្សចិនគ្រងមេដាយសរុប២៨៩ ខណៈប្រទេស៩ទៀតមិនទទួលបានមេដាយសោះ
ពិធីបិទកីឡាអាស៊ី Asian Games 2018 នៅឥណ្ឌូណេស៊ី
×![]()
ដោយ: ទេព ពិទូរ្យ
ការប្រកួតកីឡាប្រចាំទ្វីបអាស៊ី Asian Games ឆ្នាំ២០១៨ នៅឥណ្ឌូណេស៊ីបានប្រារព្ធពិធីបិទដោយជោគជ័យហើយនៅថ្ងៃទី២ ខែកញ្ញា នាកីឡដ្ឋាន Gelora Bung Karno ក្រុងហ្សាការតា ក្នុងនោះមហាអំណាចចិនបានគ្រងមេដាយសរុបច្រើនជាងគេពីព្រឹត្តិការណ៍នេះដោយនាំមុខគូប្រជែងជប៉ុន និងកូរ៉េខាងត្បូង ខណៈម្ចាស់ផ្ទះស្ថិតនៅចំណាត់ថ្នាក់ទី៤។
បន្ទាប់ពីការប្រកួតប្រជែងជាផ្លូវការអស់រយៈពេល១៦ថ្ងៃ ពោលគឺចាប់ពីថ្ងៃទី១៨ ខែសីហាមក ក្នុងចំណោមប្រទេសដែលចួលរួមទាំង៤៥ពីតំបន់អាស៊ី យើងឃើញថាក្រុមអត្តពលិកមកពីប្រទេសចិនបានទទួលមេដាយលើសលប់រហូតដល់ ២៨៩ ក្នុងនោះមាស១៣២ ប្រាក់៩២ និងសំរឹទ្ធ៦៥ ឈរនៅកំពូលតារាងនៃចំណាត់ថ្នាក់មេដាយនៃព្រឹត្តិការណ៍កីឡាលំដាប់ទី២ពិភពលោកលើកទី១៨នេះ។
ជប៉ុនឈរនៅចំណាត់ថ្នាក់ទី២ដោយទទួលបានមេដាយសរុប២០៥ ក្នុងនោះមាស៧៥ ប្រាក់៥៦ និងសំរឹទ្ធ៧៤។ កូរ៉េខាងត្បូងនៅលេខរៀងទី៣ដោយទទួលបាន ៤៩មេដាយមាស ៥៨មេដាយប្រាក់ និង៧០មេដាយសំរឹទ្ធ សរុប ១៧៧មេដាយ ហើយម្ចាស់ផ្ទះឥណ្ឌូណេស៊ីទទួលបានចំណាត់ថ្នាក់ទី៤ ដោយរកបានមេដាយមាស៣១ ប្រាក់២៤ សំរឹទ្ធ៤៣ សរុប៩៨មេដាយ។
ដោយឡែកកម្ពុជា ដែលទទួលបានកំណត់ត្រាថ្មីបន្ថែមទៀតក្នុងប្រវត្តិសាស្ត្រកីឡាអាស៊ីនេះតាមរយៈការឈ្នះមេដាយមាស២ និងសំរឹទ្ធ១ ដែលធ្វើបានដោយកីឡាការិនី ខាន់ ចេសា (Khan Jessa) នៃកីឡា Ju-Jitsu និងសាលី អ៊ូមើតកីឡាប្រណាំងម៉ូតូទឹក ឈរនៅចំណាត់ថ្នាក់ទី២៤ ក្នុងចំណោមប្រទេសដែលចូលរួមពីទ្វីបអាស៊ី។
អ្វីដែលជាការកត់សម្គាល់ ក្នុងចំណោម៤៥ប្រទេសដែលទៅចូលរួមព្រឹត្តិការណ៍កីឡា Asian Games នេះ មានប្រទេសចំនួន៩ឯណោះ ដែលមិនទទួលបានមេដាយអ្វីសោះ ក្នុងនោះរួមមាន បង់ក្លាដែស ប៊ូតង់ ព្រុយណេ ម៉ាល់ឌីវ អូម៉ង់ ប៉ាឡេស្ទីន ស្រីលង្កា ទីម័រខាងកើត និងយេម៉ែន។
សូមបញ្ជាក់ថា ព្រឹត្តិការណ៍កីឡាអាស៊ីលើកទី១៨ បានចាប់ផ្តើមការប្រកួតផ្លូវការកាលពីថ្ងៃទី១៨ ខែសីហា រហូតដល់ថ្ងៃទី២ ខែកញ្ញា ឆ្នាំ២០១៨ ដោយមានអត្តពលិក និងមន្ត្រីចូលរួមសរុបប្រមាណ១៦០០០នាក់ មកពី៤៥ ប្រទេសពីតំបន់អាស៊ីដោយប្រកួតលើ៤០ប្រភេទកីឡា និង៤៦៥វិញ្ញាសា ដែលធ្វើឡើងក្នុងក្រុងហ្សាការតា និងប៉ាឡាំបាង (Palembang) ស្ថិតលើកោះស៊ូម៉ាត្រាប្រទេសឥណ្ឌូណេស៊ី៕
បន្ទាប់ពីការប្រកួតប្រជែងជាផ្លូវការអស់រយៈពេល១៦ថ្ងៃ ពោលគឺចាប់ពីថ្ងៃទី១៨ ខែសីហាមក ក្នុងចំណោមប្រទេសដែលចួលរួមទាំង៤៥ពីតំបន់អាស៊ី យើងឃើញថាក្រុមអត្តពលិកមកពីប្រទេសចិនបានទទួលមេដាយលើសលប់រហូតដល់ ២៨៩ ក្នុងនោះមាស១៣២ ប្រាក់៩២ និងសំរឹទ្ធ៦៥ ឈរនៅកំពូលតារាងនៃចំណាត់ថ្នាក់មេដាយនៃព្រឹត្តិការណ៍កីឡាលំដាប់ទី២ពិភពលោកលើកទី១៨នេះ។
ជប៉ុនឈរនៅចំណាត់ថ្នាក់ទី២ដោយទទួលបានមេដាយសរុប២០៥ ក្នុងនោះមាស៧៥ ប្រាក់៥៦ និងសំរឹទ្ធ៧៤។ កូរ៉េខាងត្បូងនៅលេខរៀងទី៣ដោយទទួលបាន ៤៩មេដាយមាស ៥៨មេដាយប្រាក់ និង៧០មេដាយសំរឹទ្ធ សរុប ១៧៧មេដាយ ហើយម្ចាស់ផ្ទះឥណ្ឌូណេស៊ីទទួលបានចំណាត់ថ្នាក់ទី៤ ដោយរកបានមេដាយមាស៣១ ប្រាក់២៤ សំរឹទ្ធ៤៣ សរុប៩៨មេដាយ។
ដោយឡែកកម្ពុជា ដែលទទួលបានកំណត់ត្រាថ្មីបន្ថែមទៀតក្នុងប្រវត្តិសាស្ត្រកីឡាអាស៊ីនេះតាមរយៈការឈ្នះមេដាយមាស២ និងសំរឹទ្ធ១ ដែលធ្វើបានដោយកីឡាការិនី ខាន់ ចេសា (Khan Jessa) នៃកីឡា Ju-Jitsu និងសាលី អ៊ូមើតកីឡាប្រណាំងម៉ូតូទឹក ឈរនៅចំណាត់ថ្នាក់ទី២៤ ក្នុងចំណោមប្រទេសដែលចូលរួមពីទ្វីបអាស៊ី។
អ្វីដែលជាការកត់សម្គាល់ ក្នុងចំណោម៤៥ប្រទេសដែលទៅចូលរួមព្រឹត្តិការណ៍កីឡា Asian Games នេះ មានប្រទេសចំនួន៩ឯណោះ ដែលមិនទទួលបានមេដាយអ្វីសោះ ក្នុងនោះរួមមាន បង់ក្លាដែស ប៊ូតង់ ព្រុយណេ ម៉ាល់ឌីវ អូម៉ង់ ប៉ាឡេស្ទីន ស្រីលង្កា ទីម័រខាងកើត និងយេម៉ែន។
សូមបញ្ជាក់ថា ព្រឹត្តិការណ៍កីឡាអាស៊ីលើកទី១៨ បានចាប់ផ្តើមការប្រកួតផ្លូវការកាលពីថ្ងៃទី១៨ ខែសីហា រហូតដល់ថ្ងៃទី២ ខែកញ្ញា ឆ្នាំ២០១៨ ដោយមានអត្តពលិក និងមន្ត្រីចូលរួមសរុបប្រមាណ១៦០០០នាក់ មកពី៤៥ ប្រទេសពីតំបន់អាស៊ីដោយប្រកួតលើ៤០ប្រភេទកីឡា និង៤៦៥វិញ្ញាសា ដែលធ្វើឡើងក្នុងក្រុងហ្សាការតា និងប៉ាឡាំបាង (Palembang) ស្ថិតលើកោះស៊ូម៉ាត្រាប្រទេសឥណ្ឌូណេស៊ី៕
Tag:
Asian Games
ឥណ្ឌូណេស៊ី
ចិន
© រក្សាសិទ្ធិដោយ thmeythmey.com
