អន្តរជាតិ
Fake News? អ្នកជំនាញ Google Maps ម្នាក់ថា Search ឃើញ MH370 ក្នុងព្រៃដ៏ជ្រៅមួយនៅកម្ពុជា?
× Fake News? លោក Ian Wilson អ្នកជំនាញ Google Maps ម្នាក់បានថ្លែងប្រាប់សារព័ត៌មាន Daily Star ផ្តាច់មុខថា យន្តហោះ MH370 ធ្លាក់ចូលក្នុងព្រៃដ៏ជ្រៅមួយ។ អ្នកជំនាញអង់គ្លេសរូបនេះ បានអះអាងថា លោកបានរកឃើញតាមរយៈ Google Earth នូវបំបែករបស់យន្តហោះដែលមានទំហំដូចយន្តហោះប៊ូអ៊ីង 777-200 នៃជើងហោះហើរ MH 370 យ៉ាងដូច្នោះដែរ។
លោកបានបញ្ជាក់ថា បំណែកដែលលោកបាន Search ឃើញនោះ ស្ថិតក្នុងព្រៃដ៏ជ្រៅមួយក្នុងប្រទេសកម្ពុជា ដោយទំហំមានបណ្តោយ៧០ម៉ែត្រ ហើយធំជាងយន្តហោះប៊ូអ៊ីង 777 ធម្មតាចំនួន៦៣,៧ម៉ែត្រ ប៉ុន្តែនៅមានចំណុចអាថ៌កំបាំងផ្សេងទៀត។
ទាក់ទងនឹងអ្វីដែលបានស្រាវជ្រាវឃើញតាម Google Maps លោក Wilson ចង់ធ្វើដំណើរទៅកាន់ទីតាំងផ្ទាល់ដើម្បីបើកការស្រាវជ្រាវ និងទម្លាយអាថ៌កំបាំងដ៏ធំបំផុតក្នុងវិស័យអាកាសចរណ៍។
ទោះបីជាយ៉ាងណាក៏ដោយ ការសន្និដ្ឋានរបស់លោក Wilson មិនសូវជាទទួលបាននូវការចាប់អារម្មណ៍ឡើយ ពីព្រោះវាមិនមែនជារឿងថ្មីនោះឡើយ ដែលមានមនុស្សអះអាងពីការរកឃើញយន្តហោះ MH370 ដែលបានបាត់ដំណឹងសូន្យឈឹងកាលពីជាង៤ឆ្នាំមនុស្សជាមួយមនុស្ស២៣៩នាក់ក្នុងដំណើរពីក្រុងគូឡាឡាំពួរ ទៅក្រុងប៉េកាំង។
ការសន្និដ្ឋានកន្លងមក ត្រូវបានចាត់ទុកថា ជាព័ត៌មានក្លែងបន្លំ (Fake News) តែប៉ុណ្ណោះ(https://www.thesun.co.uk/news/7161569/missing-mh370-flight-report-faked/) ៕
https://www.mirror.co.uk/news/weird-news/google-maps-tech-expert-claims-13184611
© រក្សាសិទ្ធិដោយ thmeythmey.com