ជាតិ
កម្ពុជា នឹងបើកស្ថានទូតនៅតួកគី នៅឆ្នាំ២០១៩
× ភ្នំពេញ៖ ស្ថានទូតកម្ពុជាប្រចាំប្រទេសតួកគី នឹងលេចចេញជារូបរាងនៅឆ្នាំ២០១៩ខាងមុខ។ នេះបើតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ។
ក្រសួងការបរទេស បានបញ្ជាក់ថា ការបើកស្ថានទូតនៅតួកគីនេះ ដើម្បីជំរុញកិច្ចសហប្រតិបត្តិការ និងភាពជាដៃគូយ៉ាងជិតស្និតរវាងប្រទេសទាំងពីរ។ «អាស្រ័យដោយមានកំណើនផលប្រយោជន៍រវាងប្រទេសទាំងពីរ កម្ពុជានឹងបើកស្ថានឯកអគ្គរាជទូត នៅក្រុងអង់ការ៉ា ប្រទេសតួកគី»។ នេះជាការបញ្ជាក់របស់ក្រសួងការបរទេស។
កន្លងមកភាគីទាំងពីរ ក៏បានព្រមព្រៀងគ្នាបង្កើតកិច្ចសហប្រតិបត្តិការរវាងវិទ្យាស្ថានជាតិការទូត និងទំនាក់ទំនងអន្តរជាតិ នៃក្រសួងការបរទេស និងសហប្រតិបត្តិការអន្តរជាតិ និងបណ្ឌិតសភាការទូតនៃក្រសួងការបរទេសតួកគីផងដែរ។ ភាគីទាំងពីរនឹងចុះអនុស្សារណយោគយល់គ្នា នៅដើមខែតុលាខាងមុខ។
គួរបញ្ជាក់ថា ទំហំពាណិជ្ជកម្មរវាងកម្ពុជា និងតួកគី មានចំនួន ៧៥លានដុល្លារអាមេរិក កាលពីឆ្នាំ២០១៧កន្លងមក៕
Tag:
ប្រាក់ សុខុន
តួកគី
© រក្សាសិទ្ធិដោយ thmeythmey.com