Aguero អាចជួយ Man City ពេលប៉ះ Hoffenheim រីឯ Man Utd បាត់កីឡាករសំខាន់៤រូបពេលប៉ះ Valencia

កីឡាអន្តរជាតិ

អន្តរជាតិ

Aguero អាចជួយ Man City ពេលប៉ះ Hoffenheim រីឯ Man Utd បាត់កីឡាករសំខាន់៤រូបពេលប៉ះ Valencia

02, Oct 2018 , 5:54 pm

រូបភាព

ដោយ: ទេព ពិទូរ្យ

ទេព ពិទូរ្យ កីឡាអន្តរជាតិ ()

Sergio Aguero នឹងធ្វើដំណើរជាមួយក្រុម Manchester City ទៅជួប Hoffenheim ដល់អាល្លឺម៉ង់ ក្នុងការប្រកួតពានរង្វាន់ UEFA Champions League ក្នុងជំនួបជើងទី២ វគ្គសន្សំពិន្ទុពូល F។ រីឯ Manchester United ដែលកំពុងយ៉ាប់យឺនសម្រាប់ការប្រកួតក្នុងស្រុកត្រូវបាតកីឡាករសំខាន់៤រូបពេលស្វាគមន៍ក្រុមភ្ញៀវ Valencia សម្រាប់ពូល H។

ក្រុមរបស់លោក Pep Guardiola បានទទួលបរាជ័យក្នុងផ្ទះខ្លួនឯងក្នុងជំនួបបើកឆាកពូល F ដោយចាញ់ Lyon ២-១។ ក្នុងជំនួបទល់នឹង Hoffenheim ដែលធ្វើឡើងនៅយប់ថ្ងៃទី២ ខែតុលា វេលាម៉ោង ១១:៥៥ នាទី នៅកីឡដ្ឋាន Rhein-Neckar-Arena ក្រុមរហស្សនាមមេឃខៀវរំពឹងខ្ពស់ដើម្បីបាន៣ពិន្ទុ ដ្បិត Aguero អាចចូលជួយក្រុមវិញបាន បើទោះរូបគេមានបញ្ហារបួសបន្តិចបន្តួចក៏ដោយ។

Man City ស្ថិតនៅបាតតារាងពូល F មានសូន្យពិន្ទុ តាមពីក្រោយ Hoffenheim ដែលមាន១ពិន្ទុបន្ទាប់ពីប្រកួតស្មើ Shakhtar Donetsk ២-២ កាលពីជើងទី១។

ជម្រើស១១ដំបូងរបស់ក្រុមទាំងពីរ៖

Hoffenheim

អ្នកចាំទី៖ Baumann

ខ្សែការពារ៖ Posch, Hoogma, Akpoguma

ខ្សែបម្រើ៖ Kaderabek, Bittencourt, Grillitsch, Schulz

ខ្សែប្រយុទ្ធ៖ Kramaric, Szalai, Joelinton

Manchester City

អ្នកចាំទី៖ Ederson

ខ្សែការពារ៖ Walker, Laporte, Otamendi, Delph

ខ្សែបម្រើ៖ B. Silva, Fernandinho, D. Silva

ខ្សែប្រយុទ្ធ៖ Sterling, Agüero, Sane

ដោយឡែកក្រុមរបស់លោក Jose Mourinho ដែលកំពុងធ្លាក់ទម្រង់លេងយ៉ាងខ្លាំងនឹងត្រូវអវត្តមានកីឡាករដល់ទៅ៤រូប នៅពេលប៉ះក្រុមពីអេស្ប៉ាញ Valencia ដែលរួមមាន Jesse Lingard, Ashley Young, Ander Herrera និង Marcos Rojo ដែលពួកគេសុទ្ធតែរបួស។

Man Utd បានបរាជ័យយ៉ាងធ្ងន់ធ្ងរក្រោមថ្វីជើងក្រុម West Ham ដល់ទៅ៣-១ ក្នុងការប្រកួតក្របខណ្ឌលីគកំពូលអង់គ្លេសកាលពីចុងសប្តាហ៍មុន និងមានតែ១០ពិន្ទុប៉ុណ្ណោះក្នុងការបង្ហាញខ្លួន៧លើក។

បើទោះធ្វើមិនបានល្អក្នុងលីគ ប៉ុន្តែក្រុមបិសាចក្រហមអាចរកបាន៣ពិន្ទុរួចហើយបន្ទាប់ពីយកឈ្នះ Young Boys ៣-០ ក្នុងការប្រកួតជើងទី១ ពូល H ពីក្របខណ្ឌកំពូលអឺរ៉ុបនេះ។ យ៉ាងណា Man Utd ក៏មានកីឡាករល្អជាច្រើនទៀតផងដែរពេលទទួលភ្ញៀវ Valencia នៅ Old Trafford នៅរាត្រីម៉ោង ២:០០នាទី។

ជំនួបគូដទៃទៀតមានដូចជា៖

-Group E៖

AEK Athens Vs Benfica

Bayern Munich Vs Ajax

-Group F៖

Hoffenheim Vs Manchester City

Lyon Vs Shakhtar Donetsk

-Group G៖

CSKA Moscow Vs Real Madrid

Roma Vs Viktoria Plzen

-Group H៖

Juventus Vs Young Boys