ពីនេះ ពីនោះ
×![]()
ដោយ: ថ្មីៗ
ក្នុងវចនានុក្រមខ្មែររបស់សម្តេចព្រះសង្ឃរាជ ជួន ណាត បានពន្យល់ពាក្យ «បាយសី» ថាជាគ្រឿងសម្រាប់ដាក់តាំងជាគ្រឿងបូជា ឬសម្រាប់លម្អក្នុងពិធីមង្គលផ្សេងៗ។ ចំណែក «បាយស្រី» ជាឈ្មោះ គ្រឿងមង្គលការ អាពាហ៍ពិពាហ៍ ក្នុងវេលាដែលកូនប្រុសស្រីកំពុងក្រាបផ្ទឹមគ្នាចងដៃសម្រេចមង្គលការ។
ជាទូទៅគេធ្វើ«បាយសី» ដោយយកកំណាត់ដើមចេក បញ្ឈរមានរមូរស្លឹកចេកសណ្ឋានម្រាមដៃដោតជាថ្នាក់ៗ មាន៣ថ្នាក់ រហូតដល់៩ថ្នាក់ក៏មានដែរ ដោយមានដោតផ្កាលាយចម្រុះ,មានដាក់បាយព្រលឹង សម្រាប់តម្កល់ទុកក្នុងកំពូល សម្រាប់ដាក់តាំងជាគ្រឿងបូជា ក្នុងពិធីរៀបមង្គលការ។
ចំពោះពាក្យ «បាយស្រី» ជាឈ្មោះគ្រឿងមង្គលការអាពាហ៍ពិពាហ៍ មានបៀបដាក់បាយ និងភោជនាហារច្រើនមុខក្នុងតៀបទាំងគូឆ្វេងស្តាំ មានអ្នកកាន់ដាវរាំបើកគ្រប ក្នុងវេលាកូនប្រុសស្រី កំពុងក្រាបផ្ទឹមគ្នាចងដៃសម្រេចមង្គលការ៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
