អន្តរជាតិ
×![]()
ដោយ៖ គី ចំណារ
មីកំប៉ុង និងមីកញ្ចប់គឺជាប្រភេទអាហារម្យ៉ាងដែលងាយស្រួលយកតាមខ្លួន ទុកដាក់និងចម្អិន។ វាមានតម្លៃធូរថ្លៃនិងអាចដោះស្រាយពេលបាយមួយពេលៗបានដែរ។ ចំពោះអាហារកំប៉ុងដែលសាមញ្ញ តើអ្នកដឹងទេថាវាមានដើមកំណើតមកពីណា ពេលណា និងដោយអ្នកណា?
មីកំប៉ុង និងមីកញ្ចប់គឺជាប្រភេទអាហារម្យ៉ាងដែលងាយស្រួលយកតាមខ្លួន ទុកដាក់និងចម្អិន។ វាមានតម្លៃធូរថ្លៃនិងអាចដោះស្រាយពេលបាយមួយពេលៗបានដែរ។ ចំពោះអាហារកំប៉ុងដែលសាមញ្ញ តើអ្នកដឹងទេថាវាមានដើមកំណើតមកពីណា ពេលណា និងដោយអ្នកណា?
ជប៉ុនក្រោយចប់សង្គ្រាមលោកលើកទី២ បានជួបប្រទះគ្រោះទុរភិក្ស ដែលបង្កការលំបាកខ្លាំងដល់ប្រជាជននិងការរស់នៅរបស់ពួកគេផង។ ដោយឃើញពីទុក្ខវេទនាទាំងនេះផង ជាពិសេសឃើញមនុស្សម្នាជាច្រើនតម្រង់ជួរចាំទិញមីស្រុះអស់ពេលយូរ បុរសម្នាក់ឈ្មោះ Momofuku Ando ជាជនជាតិតៃវ៉ាន់ដែលបានភៀសខ្លួនមកប្រទេសជប៉ុនក្រោយសម័យសង្គ្រាមនោះ បានគិតគូរព្យាយាមរកដំណោះស្រាយ។ លោកគិតថា បើសិនគាត់អាចផលិតមីម្យ៉ាងដែលអាចចម្អិនក្នុងរយៈពេលឆាប់រហ័យនោះ វានឹងមានភាពងាយស្រួលដល់មនុស្សគ្រប់គ្នា។
បើតាមការបញ្ជាក់របស់សារព័ត៌មាន Vox របស់អាមេរិក ការបង្កើតគ្រឿងផ្សំនិងរបៀបផលិតមីកំប៉ុងនេះឡើងមិនមែនជារឿងងាយស្រួលនោះទេ។ លោក Ando បានប្រើរយៈពេលជាច្រើនឆ្នាំដើម្បីស្រាវជ្រាវរបៀបផលិតមីដែលអាចទុកបានយូរនិងរក្សារសជាតិនៅបានល្អ។
នៅឆ្នាំ១៩៥៨ មីកញ្ចប់របស់លោកលើកដំបូងបានចេញលក់នៅទីផ្សារ។ ទោះយ៉ាងណាមិញ វាមិនសូវជាមានប្រជាប្រិយភាពឡើយក្នុងចំណោមមហាជន។ មួយឆ្នាំក្រោយមក គាត់លក់ដាច់បាន ១៣លានកញ្ចប់ និងបានទាក់ទាញអ្នកវិនិយោគទុនជាច្រើន។ នៅឆ្នាំ១៩៧១ លោក Ando បានបង្កើតមីកំប៉ុង ដើម្បីបង្កភាពងាយស្រួលដល់ការចម្អិនបន្ថែមទៀត។
ចាប់ពីពេលនោះមក មីកំប៉ុងបានក្លាយជាផ្នែកមួយនៃវប្បធម៌មួយនៃប្រទេសជប៉ុន និងបានកែប្រែមុខមាត់ប្រទេសនេះយ៉ាងឆាប់រហ័សដែរ។ លោក Momofuku Ando បានទទួលមរណភាពនៅឆ្នាំ២០០៧ ក្នុងអាយុ៩៦ឆ្នាំ ដែលកាលនោះក្រុមហ៊ុនផលិតមីរបស់គាត់មានតំលៃជាង៣០០លានដុល្លា៕
Tag:
មី
Momofuku Ando
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
