ជាតិ
សង្គមជាតិ
អង់គ្លេសផ្តល់ជំនួយជាង៩លានដុល្លារ សម្រាប់បោសសម្អាតមីននៅកម្ពុជា លោកស្រី Tina Redshaw ឯកអគ្គរាជទូតអង់គ្លេសប្រចាំនៅកម្ពុជា ចូលរួមជាអធិបតីក្នុងពិធីប្រកាសគម្រោង DFID គាំទ្រវិស័យសកម្មភាពមីននៅកម្ពុជា។ រូបពីអាជ្ញាធរមីន
× កម្ពុជា ទទួលបានថវិកាជាង៩លានដុលា្លរ ពីរដ្ឋាភិបាលអង់គ្លេស សម្រាប់អនុវត្តគម្រោងសម្អាតមីននៅកម្ពុជា រយៈពេល២ឆ្នាំ ចាប់ពីឆ្នាំ២០១៨ រហូតដល់ឆ្នាំ២០២០។ ការផ្តល់ជំនួយនេះ ត្រូវបានធ្វើឡើងនៅកម្មវិធីប្រកាសគម្រោង DFID ដែលគាំទ្រសកម្មភាពសម្អាតមីន រវាងឯកអគ្គរាជទូតអង់គ្លេសប្រចាំកម្ពុជា និងលោក លី ធុជ អនុប្រធានអាជ្ញាធរកម្ពុជាគ្រប់គ្រងសកម្មភាពកម្ចាត់មីន។
ថវិកាជាង៩លានដុល្លារ ដែលបានផ្តល់ឲ្យដោយរដ្ឋាភិបាលអង់គ្លេសនេះ គឺជាដំណើរការសំខាន់ក្នុងការបោសសម្អាតមីន សម្រាប់ជួយសង្គ្រោះអាយុជីវិតប្រជាពលរដ្ឋ និងការអភិវឌ្ឍន៍កម្ពុជា។
លោក លី ធុជ អនុប្រធានអាជា្ញធរកម្ពុជាគ្រប់គ្រងសកម្មភាពកម្ចាត់មីន បានស្នើឲ្យម្ចាស់ជំនួយ និងដៃគូពាក់ព័ន្ធ បន្តជួយកម្ពុជា ដើម្បីឲ្យក្លាយជាប្រទេស ដែលគ្មានមីននៅឆ្នាំ២០២៥៕
© រក្សាសិទ្ធិដោយ thmeythmey.com