របាយការណ៍៖ សិង្ហបុរីមានអាយុរំពឹងរស់វែងជាងគេនៅអាស៊ាន ឯឡាវតិចជាងគេ

អន្តរជាតិ

របាយការណ៍៖ សិង្ហបុរីមានអាយុរំពឹងរស់វែងជាងគេនៅអាស៊ាន ឯឡាវតិចជាងគេ

28, Oct 2018 , 9:59 pm

រូបភាព

ដោយ:

ជីវិតរំពឹងរស់ គឺជាចំនួនឆ្នាំ ដែលក្រុមរបស់ប្រជាជនមួយ អាចនឹងរស់នៅបាន។ ការវាយតម្លៃលើជីវិតរំពឹងរស់នៅនេះ ត្រូវមានកត្តារួមផ្សំជាច្រើន ដែលរួមទាំងអត្រានៃការស្លាប់របស់កុមារ, ចំណូល, លទ្ធភាពនៃការអាចទទួលបានការថែទាំសុខភាព, អាហារ និងបរិយាកាសរស់នៅជាដើម។ ជីវិតរំពឹងរស់នេះផងដែរ អាចត្រូវបានផ្លាស់ប្តូរតាមពេលវេលា ពិសេសនៅពេលប្រព័ន្ធបច្ចេកវិទ្យាថ្មី កើតឡើង។

តាមរបាយការណ៍ព្យាករណ៍របស់ក្រុមអ្នកស្រាវជ្រាវវេជ្ជសាស្ត្រ ស្តីពីជីវិតរំពឹងរស់របស់ប្រជាជននៃប្រទេស និងអធិបតេយ្យចំនួន ១៩៥ របស់ពិភពលោក ស្ថានភាពសុខភាពរបស់ប្រជាជន នឹងមានលក្ខណៈល្អប្រសើរនៅត្រឹមឆ្នាំ ២០៤០។ នោះ ក៏រាប់បញ្ចូលទាំងប្រទេសអាស៊ានមួយចំនួន ដែលជីវិតរំពឹងរស់របស់ប្រជាជន កាន់តែវែងជាងមុន បើធៀបនឹងរបាយការណ៍ឆ្នាំ២០១៦។

ខាងក្រោមនេះ គឺជាតារាងសង្ខេប នៃអាយុរំពឹងរស់ជាមធ្យមរបស់ប្រជាជន នៃប្រទេសអាស៊ានទាំងដប់ ដោយយោងតាមរបាយការណ៍ព្យាករណ៍របស់ក្រុមអ្នកស្រាវជ្រាវសុខភាព៖

អ្វីដែលគួរឲ្យកត់សម្គាល់ សិង្ហបុរី មិនត្រឹមតែស្ថិតនៅក្នុងចំណាត់ល្អជាងគេក្នុងចំណោមបណ្តាសមាជិករបស់អាស៊ានប៉ុណ្ណោះនោះទេ តែក៏ស្ថិតនៅក្នុងចំណាត់ថ្នាក់ល្អរបស់ពិភពលោកផងដែរ។ ប្រជាជនសិង្ហបុរី ត្រូវស្ថិតនៅក្នុងលំដាប់ទីបី នៃអាយុរំពឹងរស់វែងជាងគេរបស់ប្រជាជនពិភពលោក ខណៈប្រជាជនជប៉ុន ស្ថិតនៅលំដាប់ទី២ និងអេស្ប៉ាញ ស្ថិតនៅលំដាប់ទី១។

ប្រទេស ដែលមានអាយុរំពឹងរស់របស់ប្រជាជនវែងជាងគេក្នុងចំណោមប្រទេសទាំង១០របស់ពិភពលោក រួមមាន ស្វ៊ីស លំដាប់ទី៤ (អាយុរំពឹងរស់របស់ប្រជាជន ៨៥.២ ឆ្នាំ), ព័រទុយហ្កាល់ លំដាប់ទី៥ អាយុរំពឹងរស់របស់ប្រជាជន ៨៤.៥ ឆ្នាំ), អ៊ីតាលី លំដាប់ទី៦ ( អាយុរំពឹងរស់របស់ប្រជាជន ៨៤.៥ឆ្នាំ), អ៊ីស្រាអែល លំដាប់ទី៧ ( អាយុរំពឹងរស់របស់ប្រជាជន ៨៤.៤ ឆ្នាំ), បារាំង លំដាប់ទី៨ ( អាយុរំពឹងរស់របស់ប្រជាជន ៨៤.៣ ឆ្នាំ), លុចសំបួរ លំដាប់ទី៩ ( អាយុរំពឹងរស់របស់ប្រជាជន ៨៤.១) និងអូស្រាលី ទី១០៕