ជាតិ
២៥ខេត្ត/រាជធានី
ចាប់អាជីពបាន៣ឆ្នាំ, អាយុទើប២០ឆ្នាំ ស្រីល័ក្ខ ត្រៀមចែករំលែកបទពិសោធន៍សារព័ត៌មានទៅកាន់សិស្សនិស្សិត
×![]()
ដោយ: ថ្មីៗ
ភ្នំពេញ៖ និស្សិត ញឹក ស្រីល័ក្ខ បានក្លាយជាអ្នកសារព័ត៌មាននៅឆ្នាំ២០១៦ ដែលជាអាជីពក្នុងក្តីសុបិនតាំងពីកុមារភាព។ កញ្ញា ញឹក ស្រីល័ក្ខ ចូលបម្រើការងារក្នុងស្ថាប័នសារព័ត៌មានថ្មីៗ ដំបូងជាអ្នកហាត់ការពាក់កណ្តាលថ្ងៃ (Part time) ផ្នែកសរសេរព័ត៌មាន ខណៈពេលដែលនិស្សិតវ័យ១៨ឆ្នាំរូបនេះ កំពុងសិក្សាផ្នែកព័ត៌មាន និងគមនាគមន៍ នៅឆ្នាំទី១។ បច្ចុប្បន្ន អ្នកសារព័ត៌មានស្ត្រីវ័យ២០ឆ្នាំរូបនេះ ជាប្រធានផ្នែកព័ត៌មានវីដេអូនៃសារព័ត៌មានថ្មីៗ។ នៅថ្ងៃសៅរ៍ ទី៨ ធ្នូនេះ កញ្ញា ស្រីល័ក្ខ នឹងចែករំលែកពី«បទពិសោធន៍ជីវិតជាអ្នកសារព័ត៌មានស្រី្តវ័យក្មេង» ទៅកាន់យុវជន និងសិស្សនិស្សិតដែលមានបំណងចង់ក្លាយជាអ្នកសារព័ត៌មាន នៅក្នុងកម្មវិធី«ហូបកាហ្វេ ផ្ទេរចំណេះ» នៃហាង F.Cafe ។
ផ្តើមពីអ្នកហាត់ការពាក់កណ្តាលថ្ងៃ (Part time) ផ្នែកសរសេរព័ត៌មាន រហូតក្លាយជា ប្រធានផ្នែកព័ត៌មានវីដេអូនៃសារព័ត៌មានថ្មីៗ ក្នុងរយៈពេលជិត៣ឆ្នាំដែលនិស្សិតឆ្នាំ៤ ញឹក ស្រីល័ក្ខ បានប្រឡូកក្នុងវិស័យសារព័ត៌មាននេះ។ អំឡុងពេលជិត៣ឆ្នាំនេះ កញ្ញា ស្រីល័ក្ខ សរសេរព័ត៌មានបានរាប់រយដែលបានចុះផ្សាយនៅក្នុងគេហទំព័រថ្មីៗ និង YouTube នៃសារព័ត៌មានថ្មីៗ។ អ្នកកាសែតស្រីវ័យក្មេងរូបនេះ បានផ្តើមសរសេរពីដំណឹងតូចៗ រហូតមានសមត្ថភាព និងចំណេះដឹងសរសេរព័ត៌មានដំណឹងក្តៅ, បទយកការណ៍ និងបទសម្ភាសជាសំឡេង និងវីដេអូ ជាពិសេស ធ្វើសេចក្តីរាយការណ៍ផ្សាយផ្ទាល់ពីព្រឹត្តិការណ៍នានានៅក្នុងសង្គមបានយ៉ាងល្អ។
ក្រៅពីកំពុងសិក្សាឆ្នាំទី៤ ផ្នែកព័ត៌មាន និងគមនាគមន៍នៅសាកលវិទ្យាល័យកម្ពុជា អ្នកសារព័ត៌មាន ញឹក ស្រីល័ក្ខ បានចូលរួមវគ្គបណ្តុះបណ្តាលផ្នែកព័ត៌មានជាមួយនឹងគ្រូសារព័ត៌មានល្បីៗទាំងជាតិ និងអន្តរជាតិជាច្រើន។ ការខិតខំប្រឹងប្រែង និងបទពិសោធន៍ការងារ ផ្គួបផ្សំនឹងទ្រឹស្តីនៅសាលា បានរួមចំណែកឲ្យ កញ្ញា ញឹក ស្រីល័ក្ខ បញ្ចេញស្នាដៃនៅក្នុងអាជីពរបស់ខ្លួនបានកាន់តែល្អប្រសើរ។ រៀនបណ្តើរ ធ្វើការបណ្តើរ អ្នកសារព័ត៌មានស្ត្រីវ័យក្មេងរូបនេះ បានឆ្លងកាត់បទពិសោធន៍ជីវិតជាច្រើន សុទ្ធតែជាមេរៀនល្អៗដែលកញ្ញា ស្រីល័ក្ខ បានរៀនសូត្រ និងយកទៅអភិវឌ្ឍន៍សមត្ថភាពបន្ថែម។
ក្រៅពីភាពរហ័សរហែង និងភាពឈ្លាសវៃនៅក្នុងអាជីពជាអ្នកសារព័ត៌មាន អ្នកកាសែតស្រីវ័យឆ្នាំ២០ឆ្នាំរូបនេះ បានកសាងបណ្តាញទំនាក់ទំនងជាមួយនឹងអ្នកសារព័ត៌មានដទៃ និងប្រភពដែលកញ្ញាធ្លាប់សម្ភាសកន្លងមកបានយ៉ាងល្អ។ ភាពរួសរាយ, ចំណេះដឹង, សមត្ថភាព និងបទពិសោធន៍ការងារទាំងនេះ ធ្វើឲ្យក្រុមការងារហាង F.Cafe ដែលបានចូលរួមក្នុងសិក្ខាសាលា និងដំណើរទស្សនកិច្ចសិក្សានៅក្នុងចម្ការកាហ្វេសរីរាង្គមណ្ឌលគិរី ជាមួយនឹងកញ្ញា ស្រីល័ក្ខ រួមទាំងអ្នកសារព័ត៌មានជាច្រើនទៀតដែលមកស្ថាប័នផ្សេង បានចាប់អារម្មណ៍នឹងបទពិសោធន៍ការងារជាអ្នកសារព័ត៌មានវ័យក្មេង ញឹក ស្រីល័ក្ខ ។
ក្រុមការងារ F.Cafe ក៏បានអញ្ជើញកញ្ញា ញឹក ស្រីល័ក្ខ ឲ្យចូលរូួមធ្វើជាវាគ្មិនចែករំលែកបទពិសោធន៍ការងារក្រោមប្រធានបទ៖ «បទពិសោធន៍ជីវិតជាអ្នកសារព័ត៌មានស្រី្តវ័យក្មេង» ទៅកាន់យុវជន និងសិស្សនិស្សិតដែលមានបំណងចង់ក្លាយជាអ្នកសារព័ត៌មាន នៅក្នុងកម្មវិធី«ហូបកាហ្វេ ផ្ទេរចំណេះ» ដែលរៀបចំដោយហាង F.Cafe នៅថ្ងៃសៅរ៍ ទី៨ ធ្នូ វេលាម៉ោង២:០០រសៀល ដែលស្ថិតនៅផ្ទះលេខ១៣២A ផ្លូវលេខ៩ (ឆ្លងស្ពាន) បុរីពិភពថ្មីចំការដូង៕
ផ្តើមពីអ្នកហាត់ការពាក់កណ្តាលថ្ងៃ (Part time) ផ្នែកសរសេរព័ត៌មាន រហូតក្លាយជា ប្រធានផ្នែកព័ត៌មានវីដេអូនៃសារព័ត៌មានថ្មីៗ ក្នុងរយៈពេលជិត៣ឆ្នាំដែលនិស្សិតឆ្នាំ៤ ញឹក ស្រីល័ក្ខ បានប្រឡូកក្នុងវិស័យសារព័ត៌មាននេះ។ អំឡុងពេលជិត៣ឆ្នាំនេះ កញ្ញា ស្រីល័ក្ខ សរសេរព័ត៌មានបានរាប់រយដែលបានចុះផ្សាយនៅក្នុងគេហទំព័រថ្មីៗ និង YouTube នៃសារព័ត៌មានថ្មីៗ។ អ្នកកាសែតស្រីវ័យក្មេងរូបនេះ បានផ្តើមសរសេរពីដំណឹងតូចៗ រហូតមានសមត្ថភាព និងចំណេះដឹងសរសេរព័ត៌មានដំណឹងក្តៅ, បទយកការណ៍ និងបទសម្ភាសជាសំឡេង និងវីដេអូ ជាពិសេស ធ្វើសេចក្តីរាយការណ៍ផ្សាយផ្ទាល់ពីព្រឹត្តិការណ៍នានានៅក្នុងសង្គមបានយ៉ាងល្អ។
ក្រៅពីកំពុងសិក្សាឆ្នាំទី៤ ផ្នែកព័ត៌មាន និងគមនាគមន៍នៅសាកលវិទ្យាល័យកម្ពុជា អ្នកសារព័ត៌មាន ញឹក ស្រីល័ក្ខ បានចូលរួមវគ្គបណ្តុះបណ្តាលផ្នែកព័ត៌មានជាមួយនឹងគ្រូសារព័ត៌មានល្បីៗទាំងជាតិ និងអន្តរជាតិជាច្រើន។ ការខិតខំប្រឹងប្រែង និងបទពិសោធន៍ការងារ ផ្គួបផ្សំនឹងទ្រឹស្តីនៅសាលា បានរួមចំណែកឲ្យ កញ្ញា ញឹក ស្រីល័ក្ខ បញ្ចេញស្នាដៃនៅក្នុងអាជីពរបស់ខ្លួនបានកាន់តែល្អប្រសើរ។ រៀនបណ្តើរ ធ្វើការបណ្តើរ អ្នកសារព័ត៌មានស្ត្រីវ័យក្មេងរូបនេះ បានឆ្លងកាត់បទពិសោធន៍ជីវិតជាច្រើន សុទ្ធតែជាមេរៀនល្អៗដែលកញ្ញា ស្រីល័ក្ខ បានរៀនសូត្រ និងយកទៅអភិវឌ្ឍន៍សមត្ថភាពបន្ថែម។
ក្រៅពីភាពរហ័សរហែង និងភាពឈ្លាសវៃនៅក្នុងអាជីពជាអ្នកសារព័ត៌មាន អ្នកកាសែតស្រីវ័យឆ្នាំ២០ឆ្នាំរូបនេះ បានកសាងបណ្តាញទំនាក់ទំនងជាមួយនឹងអ្នកសារព័ត៌មានដទៃ និងប្រភពដែលកញ្ញាធ្លាប់សម្ភាសកន្លងមកបានយ៉ាងល្អ។ ភាពរួសរាយ, ចំណេះដឹង, សមត្ថភាព និងបទពិសោធន៍ការងារទាំងនេះ ធ្វើឲ្យក្រុមការងារហាង F.Cafe ដែលបានចូលរួមក្នុងសិក្ខាសាលា និងដំណើរទស្សនកិច្ចសិក្សានៅក្នុងចម្ការកាហ្វេសរីរាង្គមណ្ឌលគិរី ជាមួយនឹងកញ្ញា ស្រីល័ក្ខ រួមទាំងអ្នកសារព័ត៌មានជាច្រើនទៀតដែលមកស្ថាប័នផ្សេង បានចាប់អារម្មណ៍នឹងបទពិសោធន៍ការងារជាអ្នកសារព័ត៌មានវ័យក្មេង ញឹក ស្រីល័ក្ខ ។
ក្រុមការងារ F.Cafe ក៏បានអញ្ជើញកញ្ញា ញឹក ស្រីល័ក្ខ ឲ្យចូលរូួមធ្វើជាវាគ្មិនចែករំលែកបទពិសោធន៍ការងារក្រោមប្រធានបទ៖ «បទពិសោធន៍ជីវិតជាអ្នកសារព័ត៌មានស្រី្តវ័យក្មេង» ទៅកាន់យុវជន និងសិស្សនិស្សិតដែលមានបំណងចង់ក្លាយជាអ្នកសារព័ត៌មាន នៅក្នុងកម្មវិធី«ហូបកាហ្វេ ផ្ទេរចំណេះ» ដែលរៀបចំដោយហាង F.Cafe នៅថ្ងៃសៅរ៍ ទី៨ ធ្នូ វេលាម៉ោង២:០០រសៀល ដែលស្ថិតនៅផ្ទះលេខ១៣២A ផ្លូវលេខ៩ (ឆ្លងស្ពាន) បុរីពិភពថ្មីចំការដូង៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
