ជាតិ
ព័ត៍មានសុខភាព
លោក ជូ យិនស៊ីម រដ្ឋលេខាធិការក្រសួងសុខាភិបាល ទទួលមរណភាពក្នុងអាយុ៧១ឆ្នាំ
× លោក ជូ យិនស៊ីម រដ្ឋលេខាធិការក្រសួងសុខាភិបាល បានទទួលមរណភាព ក្នុងអាយុ៧១ឆ្នាំ ដោយរោគាពាធ កាលពីរសៀលថ្ងៃសៅរ៍ ទី២៦ ខែមករា ឆ្នាំ២០១៩។ នេះបើតាមសេចក្តីជូនដំណឹងរបស់អគ្គនាយករដ្ឋបាល និងហិរញ្ញវត្ថុនៃក្រសួងសុខាភិបាល។
បើតាមសេចក្តីជូនដំណឹងដដែល សពលោក ជូ យិនស៊ីម ត្រូវបានតម្កល់ធ្វើបុណ្យនៅគេហដ្ឋានក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ។
លោក ជូ យិនស៊ីម ជាសមាជិកម្នាក់ក្នុងគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារថ្នាក់ជាតិចុះជួយស្រុកបាធាយ ខេត្តកំពង់ចាម។ លោក ជូ យិនស៊ីម ដែលជាឱសថការីម្នាក់ផងដែរនោះ បានដើរតួនាទីយ៉ាងសំខាន់ក្នុងការប្រយុទ្ធប្រឆាំងឱសថក្លែងក្លាយ។
លោកបានបន្សល់នូវស្នាដៃស្រាវជ្រាវមួយចំនួន ដូចជា «រូបមន្តឱសថជាតិ» និង គោលការណ៍ណែនាំស្តីពីការថែទាំអ្នកជំងឺអេដស៍តាមផ្ទះនិងក្នុងសហគមន៍ នៅប្រទេសកម្ពុជា» ជាដើម៕
© រក្សាសិទ្ធិដោយ thmeythmey.com