ប្រធានរដ្ឋវៀតណាម មកដល់កម្ពុជាហើយ

ជាតិ

សង្គមជាតិ

ប្រធានរដ្ឋវៀតណាម មកដល់កម្ពុជាហើយ

25, Feb 2019 , 4:47 pm

រូបភាព

លោក ង្វៀន ហ្វ៊ូជុង អគ្គលេខាធិការនៃគណៈកម្មាធិការមជ្ឈឹមបក្សកុម្មុយនីស និងជាប្រធានរដ្ឋវៀតណាម ចុះពីយន្តហោះ។ រូបពីក្រសួងការព័ត៌មាន

ដោយ: ថ្មីៗ

លោក ង្វៀន ហ្វ៊ូជុង ( Nguyen Phu Trong) អគ្គលេខាធិការនៃគណៈកម្មាធិការមជ្ឈឹមបក្សកុម្មុយនីស និងជាប្រធានរដ្ឋវៀតណាម បានមកដល់កម្ពុជាហើយ នៅរសៀលថ្ងៃទី២៥ ខែកុម្ភៈ ឆ្នាំ២០១៩នេះ។ លោក និងគណៈប្រតិភូ ត្រូវបំពេញទស្សនកិច្ចនៅកម្ពុជា រហូតដល់ថ្ងៃទី២៦ ខែកុម្ភៈ។

លោក ង្វៀន ហ្វ៊ូជុង នឹងចូលគាល់ព្រះករុណា ព្រះបាទសម្តេចព្រះបរមនាថ នរោត្តម សីហនុ ព្រះមហាក្សត្រកម្ពុជា និង សម្តេចព្រះមហាក្សត្រី នរោត្តម មុនីនាថ សីហនុ។ បន្ទាប់មក លោក នឹងចូលថ្វាយបង្គំសម្តេចព្រះសង្ឃរាជ ទេព វង្ស និង សម្តេចព្រះសង្ឃរាជ បួរ គ្រី។

បន្ទាប់មកទៀត ប្រមុខរដ្ឋវៀតណាមរូបនេះ នឹងមានជំនួបដាច់ដោយឡែកជាមួយនឹងមេដឹកនាំកំពូលៗរបស់កម្ពុជា គឺសម្តេច សាយ ឈុំ ប្រធានព្រឹទ្ធសភា សម្តេច ហេង សំរិន ប្រធានរដ្ឋសភា និង សម្តេច ហ៊ុន សែន នាយករដ្ឋមន្ត្រី។

លោក ង្វៀន ហ្វ៊ូជុង និង សម្តេច ហ៊ុន សែន នឹងចូលរួមធ្វើជាអធិបតីក្នុងពិធីចុះហត្ថលេខាលើឯកសារមួយចំនួនរវាងកម្ពុជា-វៀតណាម៕