ពីនេះ ពីនោះ
កំណាព្យ៖ កុំធ្វើជាសត្វរុយ!
× បទ ពាក្យ៦
-កើតជារុយឈ្ងុយមិនឆ្ងាញ់ ស្រឡាញ់តែគ្រឿងស្មោកគ្រោក
ឈ្មោះសត្វចង្រៃក្នុងលោក នាំរោគរាត្បាតអប្រិយ។
-រុយឆ្ងាញ់នឹងគ្រឿងឆ្អេះឆ្អាប កាងស្លាបឬហើរលើដី
ប្រញាយដំណ្តើមចំណី ចាស់ថ្មីដែលគេបង់បោះ។
-ជារុយទៅណាគេស្អប់ ទះតប់មិនដែលស្រណោះ
ឃើញរុយគេខ្ពើមខាកស្តោះ បក់បោះគ្រវែងទៅឆ្ងាយ។
-សត្វរុយបើជនណាត្រាប់ ច្បាស់យ៉ាប់គ្មានអ្នកខ្វល់ខ្វាយ
គេខ្ពើមមិនចង់ហៅបាយ គេចឆ្ងាយមិនចង់ដើរក្បែរ។
-គេបន់ឲ្យតែវិនាស បញ្ចៀសឲ្យឆ្ងាយស្រុកស្រែ
ចរិតរុយមិនដែលប្រែ នៅក្បែរគេខ្លាចស៊យធំ៕
© រក្សាសិទ្ធិដោយ thmeythmey.com