ប្រធានបក្សកាន់អំណាច ព្រមានអ្នកប្រឆាំងថា ទ្វារអាចបិទវិញនៅមុនចូលឆ្នាំខ្មែរ

ជាតិ

នយោបាយជាតិ

ប្រធានបក្សកាន់អំណាច ព្រមានអ្នកប្រឆាំងថា ទ្វារអាចបិទវិញនៅមុនចូលឆ្នាំខ្មែរ

04, Mar 2019 , 9:33 am

រូបភាព

ដោយ: ថ្មីៗ

សម្តេច ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា ផ្ញើសារទៅក្រុមអ្នកប្រឆាំងថា ទ្វារសម្រាប់ពួកគេចូលធ្វើនយោបាយ អាចត្រូវបិទទៅវិញ នៅមុនឬក្រោយចូលឆ្នាំខ្មែរ ប្រសិនបើពួកគេ ព្រងើយកន្តើយ ឬក៏បន្តធ្វើទង្វើណាមិនគប្បី និងគិតតែពីទាមទារលក្ខខណ្ឌនេះ-លក្ខខណ្ឌនោះ។

ក្នុងពិធីបើកការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ នាថ្ងៃទី៤ ខែមីនា ឆ្នាំ២០១៩នេះ ប្រធានគណបក្សកាន់អំណាច ព្រមានយ៉ាងដូច្នេះថា៖«ទ្វារនឹងអាចបិទនៅមុនឬអាចក្រោយចូលឆ្នាំខ្មែរ ទោះដាក់ពាក្យ ក៏ខ្ញុំអាចព្រងើយកន្តើយ។ ....រឿងចូលឬមិនចូលជារឿងអស់លោកអ្នក។ ហើយ កុំសង្ឃឹមថា មានការលើកលែងទោសឬលើកលែងការចោទប្រកាន់ឲ្យអ្នកណា»។

មកដល់ពេលនេះ មានអតីតមន្ត្រីគណបក្សប្រឆាំង៣នាក់ហើយ ដែលទទួលបានសិទិ្ធនយោបាយវិញ។ អ្នកទាំងនោះ គឺលោក គង់ គាំ លោក គង់ បូរ៉ា និង លោក ស៊ឹម សុវណ្ណឌី៕