ភ្នំពេញ ថ្ងៃទី ៦ ខែមីនាឆ្នាំ ២០១៩៖ ស្របតាមបេសកកម្មរបស់ខ្លួន ក្នុងការផ្ដល់ជូនអតិថិជននូវប្រព័ន្ធអេកូហិរញ្ញវត្ថុ ដែលបង្កើតគុណតម្លៃ និងប្រកបដោយទំនុកចិត្ត នៅថ្ងៃនេះ ក្រុមហ៊ុនតារាផេ ដែលជាក្រុមហ៊ុនផ្ដល់សេវាកាបូបលុយអេឡិចត្រូនិកចល័ត និងដំណោះស្រាយក្នុងការទូទាត់សាច់ប្រាក់ដ៏ទំនើបំផុតនៅកម្ពុជា បានចុះហត្ថលេខាលើកិច្ចព្រមព្រៀងភាពជាដៃគូជាមួយ ក្រសួងសាធារណការ និងដឹកជញ្ជូន ដើម្បីផ្ដល់ដំណោះស្រាយលើការទូទាត់បង់ប្រាក់ បែបឌីជីថលដ៏ល្អបំផុតគឺ«បច្ចេកវិទ្យាទូទាត់តាមរយៈការស្កេន QR Code»។
ពិធីចុះកិច្ចព្រមព្រៀងនេះ បានធ្វើឡើងនៅសណ្ឋាគារ Dara Airport ក្រោមអធិបតីភាពរបស់លោក ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូន និងមានការចូលរួមពីសំណាក់គណៈគ្រប់គ្រងជាន់ខ្ពស់របស់ធនាគារ កាណាឌីយ៉ា ក.អ ធនាគារ ប្រៃសណីយ៍កម្ពុជា ស្ថាប័នមីក្រូហិរញ្ញវត្ថុ ហ្វូណន និង សមាជិកក្រុមប្រឹក្សាភិបាល និង គណៈគ្រប់គ្រង នៃ ក្រុមហ៊ុនកាណាឌីយ៉ា-ហ្វូលលើតុន ម៉ូបែល ម៉ាន់នី ម.ក (“តារាផេ”)និងភ្ញៀវកិត្តិយសជាច្រើនរូបទៀត។
តាមយៈកិច្ចព្រមព្រៀងភាពជាដៃគូនេះ អតិថិជនអាចទូទាត់ថ្លៃសេវាបានយ៉ាងរហ័សទៅកាន់ក្រសួងសាធារណការ និងដឹកជញ្ជូន ទាក់ទងនឹងការចុះបញ្ជីយានយន្ដ ត្រួតពិនិត្យ លក្ខណៈបច្ចេកទេសយានយន្ដ ចេញបណ្ណបើកបរយានយន្ដ និងអាជីវកម្មដឹកជញ្ជូនផ្លូវគោក បានភ្លាមៗ ប្រកបដោយសុវត្ថិភាព និងភាពងាយស្រួល។ សេវាកម្មទូទាត់បង់ប្រាក់នេះ មានភាពរហ័ស ងាយស្រួល និងចំណេញថវិកាទៀតផង។ ដើម្បីអបអរសាទភាពជាដៃគូ និងដើម្បីពង្រឹងលើកិច្ច សហការគ្នាទៅលើសេវាថ្មីនេះ ក្រុមហ៊ុនតារាផេ នឹងផ្ដល់ជូនកម្មវិធីប្រូម៉ូសិនពិសេស គឺការឥតគិតថ្លៃសេវារយៈពេល 3 ខែ ចំពោះសេវានានាទៅកាន់ក្រសួងសាធារណការ និងដឹកជញ្ជូន។
ចំពោះក្រុមហ៊ុនតារាផេ ភាពច្នៃប្រឌិតលើសេវាហិរញ្ញវត្ថុបែបឌីជីថល គឺជាយុទ្ធសាស្ដ្រដ៏ចម្បង សម្រាប់ការអភិវឌ្ឍនានា របស់ក្រុមហ៊ុន។ កិច្ចសហការនៅថ្ងៃនេះ សបញ្ជាក់ពី ឆន្ទៈរបស់យើងខ្ញុំ ក្នុងការផ្ដល់ជូនអតិថិជននូវបច្ចេកវិទ្យាទំនើបបំផុត ខណៈដែលជាក់ស្តែងឥឡូវនេះ អតិថិជនគ្រាន់តែធ្វើការស្កេនតែប៉ុណ្ណោះ ក៏អាចទូទាត់បង់ប្រាក់បានភ្លាមៗ។
វាពិតជាមានភាពងាយស្រួលជាងមុនច្រើនណាស់ អតិថិជនទាំងអស់ គ្រាន់តែស្កេន QR Code ដែលមាននៅលើវិក្កយបត្រ គឺអាចទូទាត់បង់ប្រាក់បានភ្លាមៗ ដោយមិនចាំបាច់បំពេញព័ត៌មានផ្សេងៗដូចជា លេខវិក្កយបត្រ ឬចំនួនទឹកប្រាក់ដែលត្រូវបង់នោះទេ។ អតិថិជនអាចទូទាត់បង់ប្រាក់បានដោយខ្លួនឯង តាមរយៈកម្មវិធី តារាផេ App ក៏បាន ឬក៏អាចធ្វើការទូទាត់ តាមរយៈភ្នាក់ងារតារាផេ ទូទាំងប្រទេស ដែលនៅជិតលោកបំផុតក៏បាន។
ត្រឹមថ្ងៃទី៥ ខែមីនា ឆ្នាំ២០១៩នេះ តារាផេ មានភ្នាក់ងារច្រើនជាង 3000 កន្លែងទូទាំងខេត្តក្រុងក្នុងប្រទេសកម្ពុជា រង់ចាំបម្រើសេវាជូនអតិថិជនដូចជា សេវាវេរលុយក្នុងប្រទេសទូទាំង២៥ ខេត្តក្រុង ទូទាត់វិក្កយបត្រនានា និងថ្លៃទឹកភ្លើង បញ្ចូលលុយកាតទូរស័ព្ទ សេវាទូបង់ប្រាក់កម្ចី ការណែនាំកម្ចី និងសេវាដទៃទៀតជាច្រើន។
លោក ភុក រដ្ឋា ជានាយកគ្រប់គ្រងទូទៅនៃក្រុមហ៊ុនតារាផេ បានមានប្រសាសន៍ថា៖«ក្នុងនាមជាក្រុមហ៊ុនបច្ចេកវិទ្យាហិរញ្ញវត្ថុ ដ៏ឈានមុខគេក្នុងប្រទេស ក្រុមហ៊ុនតារាផេ បានបន្ដភាពច្នៃប្រឌិតរបស់ខ្លួន និងអភិវឌ្ឍបច្ចេកវិទ្យារបស់ខ្លួនជារៀងរាល់ថ្ងៃ។ ថ្ងៃនេះ យើងបានសហការជាមួយក្រសួងសាធារណការ និងដឹកជញ្ជូន ដើម្បីផ្ដល់នូវដំណោះស្រាយទូទាត់បង់ប្រាក់ដោយប្រើបច្ចេកវិទ្យា QR Code ជូនដល់អតិថិជន។ ដូច្នេះហើយ ពួកគាត់អាចចំណេញពេលវេលា និងថរិកា ក្នុងការធ្វើដំណើរទៅបង់ប្រាក់ទូទាត់ថ្លៃសេវានានា ទៅកាន់ក្រសួងសាធារណការ និងដឹកជញ្ជូន។ ក្នុងពេលអនាគតខាងមុខនេះ ក្រុមហ៊ុនតារាផេ នឹងបន្ដបន្ថែមផលិតផលហិរញ្ញវត្ថុជាច្រើនទៀត ដើម្បីបម្រើសេវាដល់អតិថិជនទាំងនៅទីក្រុង និងនៅតាមបណ្តាខេត្តនានា»។
ថ្លែងនៅក្នុងឱកាសនេះដែរ ឯកឧត្តម ពៅ ម៉ាលី បានមានប្រសាសន៍ថា៖«ក្រុមហ៊ុនតារាផេ បានបង្ហាញពីឆន្ទៈដ៏មុះមុតរបស់ខ្លួន ក្នុងការជួយជំរុញប្រសិទ្ធភាព នៃសេវាសាធារណៈ សម្រាប់ប្រព័ន្ធដឹកជញ្ជូនរបស់ប្រទេសកម្ពុជា។ យើងរីករាយណាស់ ដែលបានចាប់ដៃគូជាមួយក្រុមហ៊ុនតារាផេ ដើម្បីលើកកម្ពស់ជីវភាពប្រជាជនកម្ពុជា តាមរយៈកិច្ចខិតខំប្រឹងប្រែង ដើម្បីធ្វើឲ្យសេវាសាធារណៈ សម្រាប់ប្រព័ន្ធដឹកជញ្ជូនមានតម្លៃសមរម្យ និងកាន់តែខិតទៅជិតប្រជាពលរដ្ឋគ្រប់រូប ក្នុងប្រទេសកម្ពុជា»។
អំពីតារាផេ
តារាផេ គឺជាយីហោរបស់ក្រុមហ៊ុន កាណាឌីយ៉ា-ហ្វុលលើតុន ម៉ូបែល ម៉ាន់នី ដែលជាក្រុមហ៊ុនមួយ ត្រូវបានបង្កើតឡើងក្នុងឆ្នាំ ២០១៦។ តារាផេ គឺជាក្រុមហ៊ុនមួយ ដែលចូលរួមបង្កើតឡើងរវាង ក្រុមហ៊ុន Canadia Investment Holding (CIH) នៃប្រទេសកម្ពុជា និងក្រុមហ៊ុន Fullerton Financial Holdings (FHH) នៃប្រទេសសិង្ហបុរី ក្នុងគោលបំណងបង្កើតកាបូបលុយអេឡិចត្រូនិក និងអាជីវកម្មទូទាត់ប្រាក់នៅក្នុងកម្ពុជា។ សេវាកម្មរបស់ តារាផេ រួមមាន៖ ការផ្ទេរប្រាក់(វេរលុយ) ការដក/ដាក់ប្រាក់ ការទូទាត់វិក្កយបត្រ ការបញ្ចូលលុយទូរស័ព្ទ ការទូទាត់ប្រាក់តាមប្រព័ន្ធអ៊ិនធឺណិត ការទូទាត់ប្រាក់តាមដៃគូពាណិជ្ជករ ការបង់ប្រាក់ឥណទាន សេវាកម្មបើកប្រាក់ខែ និងកាបូបលុយអេឡិចត្រូនិក។ គិតត្រឹមថ្ងៃទី៥ ខែមីនា ឆ្នាំ ២០១៩ ក្រុមហ៊ុន តារាផេ មានភ្នាក់ងារចំនួនច្រើនជាង ៣០០០ កន្លែងទូទាំងប្រទេស ហើយចំនួននេះត្រូវបានរំពឹងថា នឹងកើនឡើងរហូតដល់ ៥២០០ នៅក្នុងបំណាច់ឆ្នាំ ២០១៩នេះ។ ក្នុងពេលបច្ចុប្បន្ននេះដែរ ក្រុមហ៊ុន តារាផេ មានដៃគូពាណិជ្ជករជាង ២០០០ ហាងហើយចំនួននេះ ត្រូវបានសន្មតថានឹងអាចកើនឡើងដល់ចំនួន ៤៥០០ នៅបំណាច់ឆ្នាំ ២០១៩។ តាមរយៈក្រុមហ៊ុន តារាផេ ប្រជាជនកម្ពុជា និងគ្រួសាររាប់ពាន់នាក់ នៅតាមបណ្តាខេត្ត និងទីក្រុងនានា អាចផ្ញើប្រាក់គ្រប់ទីកន្លែង គ្រប់ពេលវេលា ដោយមានសុវត្ថិភាពខ្ពស់ និងសុខសុវត្ថិភាពផ្លូវចិត្ត។
មិនទាន់មានកម្មវិធី តារាផេ App មែនទេ?
ទាញយកឥឡូវនេះ សម្រាប់ប្រព័ន្ធប្រតិបត្តិការ Android និង iOS ៖
តារាផេ រហ័ស សុវត្ថិភាពនិងគ្រប់ទីកន្លែង៕
(អត្ថបទពាណិជ្ជកម្ម)